仔仔2019年出世, 今年9月份升左K2 班, 我開始睇小學
家住灣仔區, 派位的話只有15分 (即係無…), 所以都咩期望, 而家睇埋直資私立作考慮
本身無話要target 啲咩名校, 無考慮面試班, 至於學野, 都係根據佢興趣學2樣大路嘅, 畫畫, 游水
仔仔本身比較活潑, 好奇心重, 觀察力強, 外向好中意講野, 主動, 表達能力都ok, 我相信佢有一定學習能力, 但我都好清楚唔適合去一啲傳統, 要坐定定嘅學校… 相信一定會被評定搞搞震, 曳… 我希望環境可以引導到佢
我自己而家都慢慢睇緊唔同嘅學校, 嘗試了解, 如果有開放日嘅都會去
想請問而家讀緊港島區小學嘅家長, 如果你好欣賞而家間學校 / 校長, 又覺得會適合好動嘅小朋友嘅, 可以分享一下嗎? 我重點再研究下
感激
男仔，高主教，重關愛，傳統
港同，岩靈活反應快，但隔離post 有bad comment
感謝, 睇下先
琴日見到 St Jo 搬去黃大仙…
港島好多好學校
如無要名校
15分應入到李賜豪、寶血？
我覺得都唔差
冇經濟負擔必定選：聖保羅男女附屬小學
如果好動男仔，英華男拔感覺較好動
聖若瑟聽聞絕不好動
可以睇睇救恩,聽聞幾happy
哇呢間諗都唔敢諗
李賜豪唔識… 睇下先
寶血有去過開放日, 整體感覺ok 嘅… 校舍, 老師, 啲學生 (有禮貌, 對參觀嘅小朋友親切, 樂於教導), 甚至課程… 不過… 呢個係當日聽分享後嘅一啲感覺 / 直覺, 間學校應該幾注重比賽, 感覺到比學生無形嘅壓力 (佢當日有而家嘅學生分享).
另外都有做老師嘅朋友有講過, 寶血係中意坐定定嘅小朋友…
好睇埋救恩, 唔該
st jo 搬去黃大仙邊個臨時校舍？幾多年後返番灣仔？
邊個臨時校舍我又無睇到咁仔細呀… 因為知道黃大仙 / 九龍我都唔會考慮, 覺得遠. 好似見到話3年, 不過都有見到其他討論區有人話搞得黎應該唔止3年…
我2日前報左ESF… 打算試下睇下點…
先睇下你港島有乜選擇（有得揀先有 “考慮”）
私立：聖類斯、高主教、蘇浙、赤提
直資：SPB、港同、漢華、SPCC
不過咁，好多人都話自己小朋友唔適合「傳統學校」，事實上又唔一定，唔洗咁快框左自己啲 options，更何況小朋友學校同屋企表現可以差天共地。仲有 2 年時間，性格會再變。
搞搞震同曳嘅話，幼稚園 N 班開始應該就已經被投訴（經驗告知），如果冇投訴，都可以試下傳統學校/齋校。同埋依家就算係傳統學校，教學模式都變左好多，唔係真係咁死板。可以再了解下。 
如果真係好驚抽唔到靚學校，建議一定要考聖類斯，應該都係上面之中最容易攞 offer 之一。蘇浙如果普通話講得兩嘴就有機，但預左好多同學家庭背景係講普通話。
高主教難度再高少少，但佢有放榜叩門機制，亦有下學期插班呢樣嘢，即係坐唔滿凳仔。
赤提係好好，但好遠同好貴，亦唔係報名就有，但肯買 debentures 就可以排 waiting express line。你報到 ESF 即係經濟都可以負擔到，都要試！
其他就當然難度再疊加。
西貢 4 小龍都可以試下，印象中都有校車入港島，只係時間很早…
如果有工人/自己帶接送，就快好多
多謝曬你好詳細嘅分享
我又繼續做功課先
我朋友有小朋友讀緊，佢話2年後先搬去黃大仙臨時校舍，之後再幾時搬返灣仔就唔知。
赤提有debentures㗎咩？
唔好啦
我啲記憶係十幾年前幫我個仔嘅 plan, 可能都幾 out
優才，音小之類，報左先，佢哋係最早 interview 去搶人才，我就當佢哋係 mock interview 俾仔 warm up 去打大佬。
以你個仔性格，一定要報 DBS, 現在香港走咗咁多精英，機會大過以前，唔好怕，只要信，有緣嘅話就會收。
SP Co-ed 可以試，但會偏向鍾意乖仔。
St Louis, St Paul Boys, 高主教，都可以。
赤柱 St Stephen … 有錢讀不如用呢舊錢去外國讀書。
英華…我有朋友個仔 DB 唔收，入咗英華，之後覺得唔夾，去咗英國讀 boarding school.
我仔早幾年考小學, 高主教/聖類斯都有call waiting 既offer, 其實唔駛太擔心. 反而係聖類斯都危危地, 你肯去讀我驚遲幾年都無得讀
…我覺得肯俾錢既家長係少左, 除非間學校係勁TOP…中游私小宜家好難做
