事情係由幾年前嗰個宣誓風波而起。當時嘅我好擔心萬一公司叫我宣但我唔宣會被無理解僱，但簽約嗰時冇此條款，公司係咪要賠待通知金比我？
所以問咗一個唔係好熟但有同一個老竇老母嘅所謂親戚意見（因為佢個老公係所謂律師）。佢毫不客氣就答「你打去問勞記，我同我啲工人們嘅勞資糾紛都搵佢地，如果你唔信勞記就冇辦法幫你，如果你用合約去argue 但又不信法律的話。你做乜要搵個唔係做呢範嘅律師問
？」
我唔想信佢智商低到參透唔到點解而家搵勞記問未必攞到最忠肯嘅答案。
同一時間我又問咗另一個又唔係做呢範嘅中學同學問（都係律師），佢唔知道都以自己認知盡量解答，又問咗其他律師朋友，仲叫我如果知道答案記住話埋佢知。
其實真係唔明呢個所謂親戚對其他親戚點解可以咁大落差，而同非親非故嘅朋友嘅對比咁大- 佢對其他闊太朋友好有善(唔知扮定真心？）
自此以後再冇同佢聯絡、block WhatsApp、block IG、新年拜年特登走出街唔想見到佢、佢留低嘅利是叫老竇老母俾返佢。
此文字將被隱藏
佢覺得無責任講你知？
其實唔想問佢老公咪坦白講一句呢個係出咗我能力範圍，所以幫唔到手咪算囉。
乘機搵位踩我佢有乜著數？
之前佢有問過關於我專業範疇嘅事，而我亳不嗇色回答。
有啲人係咁，顯得自己權威啲
心諗 ：同你講都費時mode, 唔想認自己衰唔幫人
之前佢有問過關於我專業範疇嘅事，而我亳不嗇色回答。
所以學精了。
政見唔同？ 
我咁睇
問一個唔係好熟嘅親戚，仲要係親戚嘅老公，咁唔答你都預咗…
你中學同學，話晒同你感情點都好過唔熟嘅親戚，咁同學熱心啲幫你問又明喎
唔好介意我咁講…唔好覺得親戚就會close啲，佢除咗有啲啲血緣關係，唔熟嘅親戚，其實同公司見過吓幾次嘅同事冇分別，唔好期望太高
其實呢個唔係好熟嘅親戚係我家姐，但疏過普通朋友
你用咁既形容詞黎形容關係，其實已經明顯
地係好唔熟，咁埋有啲人可能之前同樣比親戚
問過嘢一名能之後有某啲原因可應對方理解錯左
而導致出左問題就比人捉住閙都未定，所以會
咁答你。
至於話對闊太朋友又唔同，當然唔同除
時有生意或有錢佬介紹比佢梗係要應酬下人。
除咗勢利同現實真係唔知點形容。
雖然應該本身不是Nancy ，但近朱者赤
如果你係我，你會點樣對佢？
佢無幫你，但最少都無跣你。咁你只係求個專業意見求唔到，都好過誤信消息令你做錯事。
你不但無蝕底，仲借一次機會睇清楚佢，已經有賺。
冇能力幫唔緊要。問一句都唔肯咁以後咪使旨意我會用我嘅專業意見解答佢嘅問題。
所謂家家有求啫。你落閘時我也會咁樣對返你
有啲人把口係咁衰，同埋係自己專業好似覺得自己好勁。
令你舒服啲，我既親家姐把口都係咁，佢本身份工係對客，絕對識人情世故，不過對家人講野勁mean. 由細到大都係，以前細個會唔開心，而家反而替佢可憐。我睇佢, 八字，情格注定係咁，天性如此。
無計，有啲人就係咁仆街
唔肯答咪算，又唔係求你
記住啊！大家都記住啊，有一日你唔好黎求我就得！
因為我一定會「回敬」你
唔知你同你家姐關係係點, 如果無乜感情就同以前一樣
保持距離, 始終佢地都會返屋企見你父母, 無謂令到父母
難做, 知佢係咁既人就唔會再同佢溝通, 佢一開始問你知
唔知就即時答佢唔係我範疇唔知唔識. 佢點對你你就點對
番佢. 如果真係要同枱食飯咪遲大到先返屋企, 又或者返到
屋企就話有嘢做入房到開飯先至出黎食, 食飽又再入房做嘢.
斷聯絡算了, 無需要執著咩親戚關係, 更唔好要求人地點樣點樣.
自己做好自己,有一天你會發現自己活得比她精彩
係,親人搞到咁確實不幸,但世事總有不如意吧.
點解而家攞出黎講?係咪發生了咩事?
同一個老竇老母
因近日黑雨又冧山泥，聽講佢屋企漏水漏到PK而又突然回想起呢件事
冰封三尺非一日之寒。睇你打個啲嘢應該本身就係同家姐有牙齒印？呢件唔係單一事件。
佢可能係因為以前既牙齒印所以對你態度唔好。只可以講，唔啱key就小講嘢好啲。
我有個又係同老豆老母既親戚都係好惡頂,就算無得罪佢都要拉埋人地出黎講,
惡頂到我成日好黑心想佢快啲死