參觀左好幾間小學。小朋友跳跳紥，幼稚園冇外補。48校網比較受歡迎果幾間我地應該都唔太適合，暫時都未搵到啱心水既小學。
我地唔介意報區外，鄰近校網既都可以，請問大家有冇分享？
報區外？個機率其實好低
無，48一線基本上都係谷，上緊一線又谷，又勁多新移民
最後跨區去左東區，都有朋友跨區去46個啲學校
1個讚
多謝意見。谷既學校真係唔太想，但聽啲校長講talk，又間間都講到好關愛咁。我小朋友學術能力比幼稚園同學差一截，最擔心係佢跟唔到進度。
我聽區外朋友講佢小朋友間學校全級80人，小朋友參與機會相對會高啲；另一方面，又有人講學校收生小，資源相對較少；仲有一個講法係少人報讀既學校，學校為左增加吸引力，都會努力求變，不斷革新。
我對於小朋友參與機會高啲有啲心動，睇緊幾間屋村學校，部份校舍舊同細啲。
請問你朋友讀46校網邊間？
基樂
1個讚
區區都多新移民，好難避
不過我忽然諗起，有朋友話近日佢去某小學參觀，校長介紹間小學係普教中，有特登講佢地學校既學生家庭大部份都係以廣東話為母語，都適應到普教
（我之後睇過下，某小學响48校網其中都算熱門）
唔好意思，唔係好明想表達啲咩。
我都唔太知，純粹聽朋友講開
關愛同谷冇衝突～冇一間學校個校長會話自己唔關心學生嘛！
倒轉諗，唔谷唔代表好有愛心。
少人報讀為增加吸引力，就會搞好多活動，唔少校長又會心思思 push 呈分派位成績，結果老師辛苦，走得密。可能讀到小學畢業嗰陣，好多老師都唔認識，名都唔知。
的確跨好啲，觀塘小學同中學好多都谷同嚴，但造出黎成績其實又唔係特別好。
1個讚
囡讀過聖安當,班主任好盡責, 學校行政都唔錯.
但新移民不少,考試前功課份量較多.
14網彿教康山聽聞係HAPPY SCHOOL,要預左學術麻麻,校車平.