突然諗起一件事、有次叫長老慳啲、或者用某一些優惠、佢居然大發脾氣、但我哋一直都係窮養大、只係全部仔女出身先「富裕」左、近年經濟緊繃左但佢哋認知都係唔關佢事、總之唔好影響佢生活
2個讚
講中曬，老左脫左節，食米唔知價
一句我都聞到棺材香，依家唔享受幾時享受啊！
呢句說話係啱，但適用於有為自己退休打算的人，而唔係chur盡仔女去俾自己享受，仔女再咁俾佢chur法，比佢更早聞到棺材香
3個讚
佢地嘅年代，一來覺得嘥錢，二來冇果個知識
1個讚
有啲覺得返office坐下又一日咁囉
1個讚
都係. 同埋佢地果個年代, 覺得血緣好重要. 所以要生個仔出黎, 仔一定會對父母好. 血濃於水
保險公司果啲係外人. 信唔過.
當然啦, 保險公司都唔一定信得過.
不過重點係, 仔女都唔會好似佢地expect 咁任勞任怨.
而家仔女唔啃老已經好好
2個讚
死都要跟住個仔
係呀,我都覺,我父母都無養過佢地父母,我奶奶都無養過佢父母
1個讚
仔女勞心勞力,佢地要知足先得架
“阿陳師奶個仔，出糧戶口嘅錢任陳師奶拎架”
2個讚
你無鬼用ga!阿邊個個仔係律師，個孫係牙醫，揾好多錢。俾媽媽住大屋。
3個讚
咪係囉，個新抱都比3萬家用啦
人地仲請埋工人照顧父母，有私家車出入，你就…
有感而發，
我阿媽一向都當我工具人，一個電話打黎就要即刻答，miss一次call就會俾說話你聽
non office hour打黎我做緊野聽唔到，even沖緊涼都好，覆返佢電話十次有八次都會話打俾我唔聽有咩事死左都唔知，等我救命就死左都無人救。我答佢沖緊涼點聽電話，佢就會講唔係淨係今次blablabla。
office hour打黎我聽唔到都好少少，覆返佢就會話 好忙咩? 答左佢幾次唔係忙呀，見係你個電話所以唔想聽之嘛，佢唔會嬲，因為佢無留心聽我講野。
結論係，面對自我中心世界為佢已轉既人黎講，佢返工果d先係返工，你坐響office就係無野做坐響度
成日聽類似既野
1個讚
佢係咪成日打俾你先？
我阿媽?
唔算多，一星期3,4次
港女式奪命追魂call
咁佢又無，唔知上面係出於咩角度去問係咪成日打俾我，
其實唔係次數問題，係點做我都係唔岩果個，次次覆返佢都有說話聽
有時響街，拎得個電話聽時已經cut左線，即時call返佢，問我做咩唔聽電話，我話拎唔切，就可以話我個電話放手袋會聽唔到。
有時第一個電話打黎已經聽到(不過唔係一響即聽)，又會話我個手袋太大個好難搵電話。
返緊工，轉頭覆佢就好不屑既態度問我 好忙咩?
只要同左佢對話就要即時解決，無論查地址查用途查解釋查d藥點食查醫生開唔開查d野邊度買，只要唔係即刻答到佢，佢都唔會收線等你查完覆佢，
即刻答佢果d即係我個腦已經有答案(已知既事)，如果查地址，真係要google下先答到，例如
“阿女，我依家響彌敦道，我想去樓上買野你睇下邊度有鋪頭?”
我唔係樓上員工呀，我都係google先搵到，仲要問返佢彌敦道邊頭，如果佢響旺角我點左佢去佐敦就唔好啦。
“阿女，我依家出門口去銀行，你幫我睇下東亞除左旺角有仲有邊度有?旺角果間好曬，我唔想去果間”
佢會唔收線，等我google完講埋俾佢聽先會收線，仲要係企響度等緊lift咁打俾我，仲催我快d因為lift到
2個讚
呢隻都好港女，教識佢google吧
我知好難，佢應該唔想學
對佢無利益既野根本唔會學
有SMARTPHONE開始教佢睇YOUTUBE佢唔學，平時SEND下野俾佢睇，話佢知可以響YT搵野睇，唔學，唔留心聽，講完話你佔講，直到CCTVB果套中年好聲音，佢D朋友SEND YT重播俾佢之後就開發到佢YT有好多野睇。
我希望我老左唔會咁