人越大越唔開心嗎？ 人越大越多煩惱嗎？ 係定率嗎？是正常嗎？可以改變嗎？
1個讚
係，越大越唔開心，越大越煩惱，因為你要處理嘅問題同埋責任會越來越多，身體毛病亦只會越來越多，就算你心境進入化境亦避免不過，叫做可以自我調節一下咁啦
2個讚
多謝你回覆, 至少俾我知道 唔係得我一個覺得係咁
我係樂觀既人，我唔知係咪同我經歷/成長有關，我成日上網都見到人放負或者講到個世界好差，但我touch wood又唔覺得係咁差。
反而我老公算悲觀，佢係會覺得生日唔想慶祝因為又大一歲(佢細我幾年)，都未到30。但我每年生日雖然係老左但都會覺得開心。
就算有唔好既事，我都好快recover。
1個讚
正常嘅，顧慮嘅嘢多左
之前睇出三級片，片頭個女主角寫小說 “No one wants a phone call at 2 o’clock in the morning. When you’re fifteen, it’s a prank call, when you’re twenty, it’s a drunk boyfriend call, but after twenty five, it’s usually real bad news.”
4個讚
我以前都好似你咁，好樂觀， 但最近有d 改變了， 因為最近太多野發生， 又無開心野發生， 有少少頂唔順 
係
係咩事唔開心？
我又無，對比細個時擔心返屋企俾人鬧、返學校俾老師話、俾同學排斥，我反而人越大活得越開心。大左多左自由又可以自己揀朋友。都有健康問題要擔心、仔女野要擔心，但對比細個時個種徬徨困局，我更享受現在
3個讚
另一半 話佢自己中年危機喎， 佢最近又失業， 長期放負…日日要面對佢既 亂發脾氣，俾佢激親時，都唔敢話佢太多， 驚佢會做傻事， 因為佢心情呢排好差， 加上我本身都有其他野擔憂…好多野加埋
1個讚
我覺得人越大，開心指數同有冇錢成正比，越有錢越容易解決問題就越開心，相反只會成日為錢煩惱
2個讚
吓！到你多錢果時仲多煩惱呀！
唔會，做咗幾十年人，我全部家人紛爭問題都係由錢而起，好多家人為錢為樓為債反咗面
我係童年唔開心，中學大學都係一般，去到結婚有仔女呢廿年先開心。
5個讚
覺呀！可能因為責任大咗？細個嗰陣仲有屋企人幫下！而家咩都係自己或身邊嘅伴侶一齊承擔，如果伴侶係豬隊友，自己個重擔又重咗咁，啲長老年紀開始大又要諗埋佢哋，照顧埋佢哋
如果有毛孩或小朋友又會多好多野煩。人大咗身邊嘅人朋友又會各有各忙，有時想呻下都好似無乜機會咁。
我係中學有段時間唔開心，但大學之後就開心。之後三十歲前有啲焦慮，過咗又無野。
我都覺，容許比個位我呻一呻，覺得無論自己點盡力去做每件事，都會比人批評做得唔夠好或者我既選擇係錯，最近已經feel到想摺返埋自己，或者已經係摺緊。好難去唔在意其他人既睇法or批評，去繼續選擇自己認為適合既路
1個讚
我覺得係要錢多到會操縱其他人生計先會多煩惱。
如果係一個人咁講，咁可能只係個個人打擊你。可以試吓遠離有負能量嘅人。
1個讚
雖然錢唔係萬能，但我同意你
我記得睇到過一單新聞，話有個女仔抑鬱症，個富豪睇左佢背後既故事後同情佢，於是比左一筆錢佢，個女仔用左筆錢去旅行，抑鬱症好返晒，所以錢真係能醫百病
1個讚