6/7/2023經官網買左最新款風筒HD 15，（每日吹一次頭，及肩長度，得我一個用）八號風球嗰日壞左唔著，約好上維修中心，要求換新機（話要睇情況）及送返比我（拒絕），話要比師傅睇下先！星期一擺低，今日星期三話有得攞，又要我返返下工走上去，結果話個開關制鬆左，冇得換新機！問佢點解咁易鬆？客戶服務經理只係答鬆左！已整好！屌你…咁點解咁易鬆呀？答唔出！！！到試機啦！要自己行去近大門口個插蘇試！係咪CLS???咁貴買返嚟！就係一肚氣！！！！！！勸各位想買嘅三思
1個讚
其實我用過唔覺得佢特別好用…
同意… 不過, 我屋企都有…
風扇正宗垃圾之中垃圾
風筒大致O K
風筒好用啊，係嘈d。我2017 年買，應該係第一代，touch wood 未壞過。近年QC 差左，幾千蚊唔應該咁易壞。樓主真係唔好彩！
2個讚
我果個都用咗好幾年，好彩冇壞過
但壞過吸塵機，佢啲維修服務係麻麻地，但唔好為難啲客服啦，相信佢哋都唔識得部機嘅結構，唔會答到你點解會鬆，佢又唔可以答你：「因為產品質素差囉」
1個讚
我果部2018年買用到呢傢
暫時都運作正常
不過朋友前年買左個捲髮器又真係好快話懷咗
其實 我地普通消費者 無辦法知道佢講既 … “係個開關制鬆左”… 係真係假
好多時為左易d處理件事 總有1個甚至2個部門講緊大話
1個讚
我都好似係18年買，好彩暫時都仲正常
風扇好易壞，個電子板好易燒。反而普通風扇用幾年都未壞過。風筒就覺得重，用左一排，用番Panasonic.
X2
我都唔記得幾時買，總之就用左好多年都未壞。
不過個開關有時係會神神地就真。
我有風筒, 但我唔覺得吹完好保濕, 唔覺得特別直…亦唔覺得快左好多… 可能我頭髮長…
但就好嘈
V8 壞過摩打，上去換要等個幾星期
但Dyson 吸塵機係好用，夠簡單。我換咗三部都係佢。
風筒好用，好彩買咗三年都未壞，我覺得算係咁。
風扇… 唔係想像中咁靜，空氣過濾功能亦唔係成日用到… 所以依家只會留返冬天比姐姐當暖風機
唔使測試都知道所以中國產品係最好，繼ICAC後消委會係另一個可以消失既部門！
3個讚
我個風筒都係18年的，澳洲姑拉送比我的生日禮物，初時仲擔心個volts數唔同，會冇咁好，用咗咁多年都冇問題喎
同埋其他風扇同吸塵機都用咗八九年，好彩都冇問題！
有無咁快壞呀?! 好化學
fb 大神苦主谷勁多野睇
我都係過來人
我係絕對唔會再買大神既野
我買過第一代嘅風扇同埋風筒，風筒用咗年幾touchwood 都仲ok。風扇就用咗8年剛換，唔係因為佢壞，係因為佢一啲都唔涼，忍咗佢8年，想佢壞係都唔壞。朋友或上屋企維修嘅師傅都問過，好唔好用，我話一個字「安全」，要涼嘅話唔洗諗
該主題在最後一個回覆創建後180天后自動關閉。不再允許新的回覆。