想照胃鏡，排左去政府醫院照，但有係政府照過胃鏡既人，都話一定唔好去政府照，辛苦到以為會死。
私院做全麻，就一定會過兩萬，但因為保險cover唔到，所以要自己找晒條數。
我見有日間中心都有得照，比入院做會平d，但都唔係全麻。只係局部麻醉，咁其實咪同政府醫院做法一樣？都會辛苦到想死？
唔知有無谷友係日間中心做過可以講下
政府我做過…
政府做… 係生吞個胃鏡… 過左喉嚨, 就會好D, 但過程真係好痛苦…
唯一好處係, 唔洗錢 (好似比80蚊?)
私家, 我係私家外科醫生幫我處理, 響中環日間手術中心做… 叫… Humansa, 全麻. 好似overall 1.2萬左右埋單… 不過都1年幾前既價錢, 我有保險, 剛好唔洗貼錢. 過程好快~ 訓醒就做完
Humansa 好似係新世界集團, 我覺得服務好好, 環境都好好
但記得~ 私家日間又好醫院都好, 應該係唔包割息肉…
一粒800~1000, 如果有, 醫生會即場割埋拎去化驗. touch wood我無, 但我朋友有8粒… 割埋驗埋…埋單就N萬架喇…
你睇下你份醫療單先，現時好多門診手術都可以索償
而家門診做己經唔需要麻醉，係用鎮定劑令你沉睡，我上年8月做睇胃鏡，完全無感覺下完成
上星期日間中心做完腸加胃鏡，割左3粒瘜肉，埋單$17xxx. 有麻醉，一啲都唔辛苦
1個讚
係咪醫保啊？腸鏡包唔包？我果份好似有墊底費2萬幾，依家發覺好似唔係咁好，2萬樓下無得claim, 又個個月白比錢咁
我自己幾年前係私家醫院做過，都係監察麻醉，訓醒就做完。
我屋企人想照，都聽聞政府醫院做，會好痛苦咁。佢份保險有墊底費cover唔到去私家醫院做，所以想睇下去政府醫院做係點。都考慮緊去日間中心個d做，唔洗入院，但都唔知有無監察麻醉
想了解鎮靜劑同監察麻醉有咩分別？
同你情況差唔多，要自己比墊底費
你本身有無公司醫療？ 可以抵消個自付額
其實無基本醫療下買自付額醫療係搵自己笨
無留意，當時職員只係強調唔係麻醉，只係令你沉睡咁，我知副作用相對會少
我係自己份私人醫療, 買得好細架咋… 我仲同醫生講左下價…(朋友介入幫我講價)
不過你份保護有2萬幾墊底? 咁…奇…怪… 我唔係好識呀
我當時情況係好有需要照胃鏡, 因為我係1星期最少一次"胃痛" 到打止痛針都頂唔住…
係醫生幫我寫報告, 然後就CLAIM到錢, 佢寫左D咩我唔係好記得… 大概係寫我持續上腹痛, 第1次求診日期之類… (結果原來係膽石)
你應該要問問你保險, 日間包唔包, 入左去訓幾耐先包…
我份保險係入左日間醫療中心4小時+就有得CLAIM
我自己曾經係私家醫生度照過, 打鎮靜劑, 沒什麼感覺就做完, 可claim 醫保！
政府…講真, 好認真~
我一向都相信政府既醫療, 政府…的確service 係零, 但佢地睇得症多, 一定有佢地既強處.
但… 胃鏡真係…唔好試, 2隻手指禁寬既長條鏡頭, 要你生吞… 佢地會噴麻醉藥響口腔入面, 但完全幫唔到件事架~ 吞唔到自然反應就想嘔啦, 跟住D 工作人員 (最少4個) 狂迫你吞… 吞極都吞唔到就會鬧下你, 再吞唔到就會打鎮定劑 (我當年響門口等, 聽到個婆婆比人罵完就打左鎮定劑, 然後係坐住輪椅出黎)
又咁講… 只要吞到… 其實唔痛苦, 就算吞唔到痛苦既時間都係幾分鐘, 我好似吞左5分鐘先吞到落去.
但諗返起都唔想再試…
2個讚
哦~ 你地咁講D 名稱, 我又醒起~ 我響私家日間中心做… 當時有一個麻醉科醫生在場, 再在埋我個主診醫生在場…當時個麻醉科醫生同我講 “我而家幫你打D 訓覺藥落你隻手到, 你會沉睡, 安全既, 訓醒就做完架喇”
我醒左就訓左響休息區, 喉嚨有D乾, 但無痛, relax~
係呀，我記得佢講完話而家打嚟，真係兩分鐘都無就＂瞓＂咗，跟住一開眼就見到天花版，但提提大家，我試調陪個客去照，佢唔知係咪個人身體問題，照完好耐先醒，直情係職員叫佢先醒，但成個人重係未清醒，我要送埋佢返屋企
如果負擔到，千奇唔好去政府。
好多年前陪至親去政府醫院做，送咗佢入去就喺出面等，出嚟見佢辛苦到爆，佢就係話被狂塞，幾個啲姑娘㩒住佢唔俾佢郁，勁辛苦勁痛仲要俾人鬧，我勁後悔，如果早知係咁我一定帶佢去私家。自始之後，負擔到我都一定會叫人去私家。
1個讚
無啊
打鎮靜劑係咪清醒但放鏡頭入去時無辛苦既感覺？打左鎮靜劑係咪都要自己吞個鏡頭同支管落去？
好恐怖
雖然係5分鐘，但都應該想屎咁 