所以睇啱咗嘅flat真喺唔多. 仲要考慮管理費, 更喺難上加難. 好在結織咗超好嘅朋友, 不厭甚煩車我哋四圍去睇樓, 又幫手搵盤, 我都算喺識到貴人了.
2個讚
係架，市中心有電梯管理費係好貴，其實如果唔想行樓梯可以買bungalow，花園舖磚唔使打理，就算舖草都唔算好煩，剪下草都唔使點理，再唔係俾幾廿鎊gardener搞，都好方便，好過買層flat唔升仲要貶值，flat真係唔好掂，100%輸錢收場，賣又難賣
2個讚
同意，英國 flat 真係唔得，屋穩陣好多
我就係覺得響英國買apartment ，由其倫敦以外唔抵在難甩手，管理費又任佢加，同埋有電梯有24小時保安嗰D，管理費仲貴。如果住apartment 我寧願租，租金又冇house咁貴。
同埋你肯定住apartment 真係唔會有賊嚟爆格？你有冇查過座大廈有冇前科？管理公司保安方面得唔得？有冇24小時食Q？
其實住屋仔未必一定有賊入嚟，佢哋都係揀易入易出嚟落手！最好揀一個花園係連住隔離同後面嗰家人嘅花園，唔好要花園圍牆外係公共地方及前後有個大型公園嗰D，咁賊仔已經冇咁易入到自嚟花園，再唔係門窗都安埋鐵閘，雖然肉酸咗啲但應該好安全
樓上都提過花園其實可以改做硬地，曬衫曬被又方便，做吓運動又得！不過我都同意bungalow 由其係兩房，可能真係細間小小，價錢都貴D添！
我哋只喺諗住買來自住, 冇諗過買入賣出, 所以就冇諗咁多. 的確管理費任加冇管制喺個大問題, 但以我已過古稀之年嘅人來講, 相比生活方便, 又好似始終都喺Apartment好啲, 所以依家都喺好掙扎, 屋仔同上樓真喺各有千秋, 難以決定. 住屋仔唔知冬天會否好凍? 真係多謝大家不吝留言.
1個讚
真係可以考慮 Bungalow，揀啲後院細/鋪滿石屎冇草。每個月搵人剪草仲平過交管理費…
Flat 壞 lift 都一樣咁麻煩，整又整得耐。
屋同 flat 應該一樣都要冬天開暖氣？
1個讚
你永遠唔會知幾時需要賣樓，正如香港好多人都冇諗過要賣樓架，自住樓都係投資，唔係話唔諗住賣就唔使考慮投資價值，呢個已經係買樓第一個最錯嘅概念
同埋我完全睇唔到flat有咩咁方便，淨係買完餸拎住重野要行3層樓返屋企已經怕左，同係香港住唐樓冇分別
1個讚
英國24小時保安，我想像唔到管理費要幾貴
1個讚
咁樓主想住有lift嘅apartment嘛，同唐樓差好遠
1個讚
我依家住嘅1千幾呎, 管理費要4900/年, 業主支付.
1個讚
貴
但又話貴呀嘛
我租過Apartment 同 Detached house
Apartment 係冬天暖好多，夏天熱好多。(個人又怕凍又怕熱 
)
兩者各有各好：
House 有時都會有人禁門鐘 sell 牛奶、剪草，咩都有啲。
有前後花園，洗車方便。有花園玩園藝，BBQ，晒太陽，洗衫非常方便。
但要定期剪草，洗窗，多昆蟲，要自己拉垃圾桶出去 etc
容易遇到鄰居，人情味高啲。
Apartment 唔會有人無啦啦拍門。有人剪草洗窗同洗潔公家位。
鄰居好少見到除非同一時間出門口。
安全感大啲，因為無咁易入到嚟。
隔音問題，2個都差唔多，都係差
個人覺得如果得2個人，唔洗揸車，Apartment 係非常適合租
但買都係買house 好，保值。
1個讚
我都認同flat係租好，最好租有埋會所，管理費業主交之嘛，但享受到設施，基本上買flat租俾人嘅業主個個都蝕到眼坦坦，收埋租唔夠交管理費同稅，仲要唔升值
1個讚
agree