最近頻頻四圍去睇屋, 想問下有無人住喺B19區? 嗰區會唔會好唔安全? 謝謝大家的心得意見.
好少聽人揀呢度，有冇特別原因？
印象中係 Birmingham 印巴非集中地之一。
打鬥事件都多，唔算係安全。
以前住 B17.
check here. B19 全個紅色, 應該係比較underprivileged嘅區, 治安冇咁好
1個讚
樓主好似一向都Birmingham ?
你點解想轉區？
我未去過Birmingham, 但d人話Birmingham 雜
1個讚
租約到期, 準備買自住.
1個讚
伯明翰B90.B91比較多香港人，治安及學校會較好，但樓價貴。 其他B區就見仁見智。
係伯明翰既窮困指數圖，越紅代表越窮困、越藍代表越富有。正常來講，越窮困既地區治安同生活環境相對都會比較差。我自己覺得起碼都要係淺黃到白色既區先會比較住得安心。你見伯明翰基本上大部分既地區在係深紅到紅色，只有外圍係比較多淺黃以上既顏色。所以如果你係一定要住伯明翰，建議都係搵番外圍會比較好。
https://data.cdrc.ac.uk/dataset/index-multiple-deprivation-imd
1個讚
Birmingham又冇一般人講到咁差，我有家人係度住，都有4個朋友家庭係度住，分別落腳2年到半年不等。全部半年內搵到工，仲要唔低人工，有朋友做返本行添！搵到錢先容易生活落去。治安條條街唔同，要過去睇下環境先知，但朋友同家人暫時未遇到治安問題，係平時多d奇怪人。
家人朋友冇人住B90B91，都係一般區，但唔識人住B19，所以俾唔到意見你……
1個讚
Birmingham 靚區都係 Edgbaston、Shirley、Solihull、Sutton Coldfield
and Harbone
我有朋友住伯明翰都問咗佢
佢話正常人都唔會去呢個B19區
純粹佢嘅意見
我們兩個成年人好在無需考慮校區問題, 但受樓價貴賤嘅局限, 同我年紀和腰腿問題, 又一定要搵有電樓嘅, 所以都有點局限. 之所以要問B19, 喺因為睇中一間相當唔錯的樓, 地方夠用, 價錢相宜兼且無需點執就可以, 唯一過唔到心理關口就係治安問題, 但我哋實地睇咗幾次, 附近好似都幾好, 又唔似傳說中咁差.
好多謝咁多朋友的意見, 我哋仍在努力搵樓中, 希望可以順利搵到.
朋友2公婆冇小朋友，唔使睇校區，主要考慮方便、價錢、治安、搵工
之前佢地住B16，治安好，但因為加租加得多，所以搬走
之後搬了去B71，已有半年，交通同買野好方便，治安都ok
你可以參考下
唔係住伯明翰
治安真係好重要 香港人普遍住係治安好少少既區 如果無乜香港人住既地方真係要諗清楚
我揀地方仲會留意下面幾點
睇中間屋如果真係鐘意,要早午晚行下附近睇下周圍。朝早睇下啲小朋友返學啲鄰居,中午留意有冇閒雜人,黃昏入黑啲人放工返晒屋會唔會周圍大聲開party之類。
條街污唔污糟,我見我啲鄰居如果佢driveway對出行人路位污糟佢係會掃埋。
2個讚
如果你真係有啱心水既盤，其實都不妨再參考下下面有關crime rate 既link，可以睇到樓盤附近最近一年發生過咩罪案。如果樓盤條街冇乜盜竊或者嚴重罪案，自住的話其實都可以考慮既。但認真講，買樓都要考慮埋resalable capacity，如果係唔太受歡迎既區，你日後要轉賣就可能冇咁容易。
呢個都係好重要。如果冇乜華人既區，自己好可能會成為目標，因為佢地普遍覺得華人有錢。
另外我自己有留意，如果個區多老人家既，都有可能冇咁雜，治安好D。因為通常佢地都係老街坊，喺度住左好多年，鄰里守望做得好，同埋會冇咁多閒雜人出入。
2個讚
Five Ways 唔知啱唔啱你 budget/需求？
住過呢度，感覺唔錯
有錢又唔惡又唔大隻，容易蝦。
親戚試過兩次畀啲人後花園翻牆入屋，其中一次係入屋響 alarm，偷左廚房個萬壽無疆碟走 
2個讚