好多時啲人都係
拎小朋友做擋箭牌
諗住你睇在小朋友份上唔好意思計、計就係你少氣
見過最離譜嘅係仔女上咗中學仲喺度揾"小朋友"做藉口
3個讚
呢個真係離譜，當人工人咁，佢呢啲行為其實係冇家教
我就算去好熟嘅朋友屋企，我都係話食乜都冇所謂就你方便，明白招呼人嚟事前事後都要執拾清潔，做多好多家務，就算打邊爐、BBQ食完之後都有排做，所以都唔想太麻煩到朋友
4個讚
千祈唔好去，寫好行程一定話冇意見
之後百彈，九成會
3個讚
覺得不少喺香港用開工人嘅人，嚟到英國都不自覺地將啲麻煩帶咗俾朋友，尤其老公仲喺香港嗰啲。當然都有不少人係好識做，唔會搞到朋友
又想要有me time又想要熱鬧gathering，食玩都走去人地屋企，完全將工人嘅工作轉嫁左比朋友，食完玩完拍拍囉柚就走
如果你婉拒招呼佢，就係你小氣同唔夠friend
5個讚
唔好講去到外地，係香港都有不少c9公主
朋友相處最緊要舒服同平衡，如果個朋友成日將你放喺下把位，即係佢根本都唔珍惜呢段友誼，係時候放手㗎啦
4個讚
我有朋友都係咁
次次打黎話食飯都係叫我決定, 食咩, 幾點, 邊度等
一句我無所謂就the end
佢同佢男友去過一次旅行就話好辛苦, 又要諗去邊, 去邊, 點去
覺得同我去旅行好舒服, 咩都唔使做
(唔係唔使做, 而係我問, 佢都答你決定呀, 機票, 酒店, 食咩, 搵路, 都係我搵晒, 佢就係打機,食, 玩)
我好記得, 佢未試過同我去旅行之前, 話過唔會有人想同我去旅行, 試過同我去完旅行, 半年都起碼最少一次問我地幾時再去旅行
之後, 我有同佢講, 話我好想去食XXX
佢話佢唔鐘意食 , OK, 隔多排, 我再問多佢一次食唔食
佢話佢真係唔鐘意食, OK, 以後都唔問
但有次, 我, 佢, 朋友A, 朋友A男友 在同一現場
我同朋友A講話, 唉, 我好想食 XXX (因為以前我都有同佢食過XXX, 所以我問佢, 佢應該係OK)
朋友A話OK呀, 我男友都鐘意食
咁我諗, 正呀, 終於有人同我去食
點知, 佢係呢個時候就話, 好呀, 一齊去食呀, 幾時呀, 我去book 檯
心諗, 乜你唔係唔鐘意食XXX咩? 仲咁主動??
到約左個日既前一日, 佢話佢唔舒服, 去唔到
咁我話下次囉 (其實我無預去得成, 因為佢話過唔鐘意食嘛)
點知, 隔多2星期, 佢又問返, 我地幾時去食 XXX
吓, 即係你當我係咩? 我問你, 就話堅決唔去
有其他人在場, 你就去, 仲要係主動個隻, 平時你對我唔係咁架喎, 你咩都推晒比我做架喎
之後再加多件事, 佢問我同朋友, 佢要食咩suppliment? 我成頭問號, 我下意識諗, 佢想生小朋友(佢之前同我講過話佢媽想佢生小朋友)
我唔係醫生, 唔知你要食咩, 如果係生小朋友,我婚都未結, 男友都無, 你問我??? 我朋友亦無打算生小朋友
之後我真係覺得, 呢條友, 真係無咩同理心, 亦無當過我係朋友
當我係kill time好用具, 成日打黎就係鬧你個, 鬧個個, 老公點點點, 姑奶點點點, 阿媽, 家姐, 細妹, 同事點點點, D粗口多到, 聽到個人情緒都唔好, 個心煩, 心好煩
小小野都問問問, 自己好似唔識解決咁
一係就零晨3,4點send msg黎講廢話
一係就晨早聽到第一句voice msg黎, dklm個條8婆乜乜乜
好似做左佢發洩垃圾桶咁
得, 唔再理佢, 我真係好攰聽到, 永遠負面野, 我就吸收佢D負面野
5個讚
似乎老馮朋友總有一個喺左近
我有個識咗好耐嘅朋友，佢嚟到英國之後我先發現原來佢有嚴重公主病
佢每次想約嚟我屋企，都叫我老公車佢，佢嚟我度只需搭一程45分鐘點到點巴士就到，但每次佢都話搭巴士好麻煩，要我老公車佢嚟送佢返屋企，真係無言
我地又唔好意思推唔車佢，依家唯有儘量少啲約
1個讚
佢未必係公主病嘅，咁英國搭巴士真係好痛苦，車程耐其實唔係問題，係佢又唔準時，又唔知會唔出現果下麻煩
Yes 公主病唔可以睇單一事件，咁define法個個都做過公主王子
唔係單一事件，有次佢想放小朋友係我屋企sleepover, 都係唔肯搭巴士嚟，佢係唔使返工，但我地2個都要返工
我話老公時間就唔到車佢小朋友入嚟，佢叫我放工後順便去佢屋企接佢小朋友，我係冇車牌，一樣要搭佢嫌麻煩嘅巴士出去同返屋企
1個讚
好痴線，你搭巴士黎接佢仔就得，佢送過黎就唔得。憑呢件事可feel到佢份人好無同埋心！
1個讚
相識一場，大家小朋友又啱玩，所以我地一直有車佢出入
試過2次我老公飲咗酒車唔到，叫佢搭巴士返屋企，巴士站距離我同佢屋企只5分鐘路程，我平時有搭開知班次好準，幫佢睇埋時間幾點先行出去站，佢都係唔肯，話可以遲啲走等我老公過酒氣，車佢來回要用一個鐘，同佢自己搭巴士返去用嘅時間係一樣，重點係我地第二朝都要早起返工，但佢唔使
1個讚
點解呢個世界可以有咁多人咁老憑
咁最後有無疏遠佢？定繼續俾佢點？
漸漸疏遠了
開頭都有啲爭扎因為小朋友關係，不過知道繼續落去我地只會一直suffer
4個讚
就算佢有讚冇彈都唔想
每日出發隨時預成個鍾等佢
我覺得呢個人想去旅行、但連自己買機票咁簡單都唔學下
之後見到我去玩就情緒勒索話我唔預佢唔夠朋友
既然你覺得咁係唔夠朋友，咁不如大家疏遠唔覺唔覺做番hi bye friend算
4個讚
痴線
同樓主朋友叫佢「簡單」煮啲嘢比佢地食異曲同工
真係辛苦晒要佢等人老公過酒氣
我仔個幼稚園同學想嚟sleepover, 我話自己都周身唔得閒、個呀媽又係話「唔緊要、等你唔忙先約。」
我答嚟緊五年級呈分、只有更加忙
其實搭巴士有咩咁麻煩？
佢係香港唔搭巴士？
佢再講話麻煩， 我會問佢有咩麻煩， 睇下係咪合理原因
如果係唔合理， 我諗我會叫佢適應下新生活， 唔通成世都唔坐巴士咩
2個讚
有啲人就係咁，你就佢就老奉，佢就唔會就人。
出街揸埋車去佢樓下接，都可以人哋到咗先施施然落樓，出門口前總係要搞呢樣搞唔樣。
試過知我出街，話想一齊去，我其實換好晒衫出得門口，但等佢一個半鐘.
佢啲時間就係時間？
準時都做唔到，又唔係迫不得已要遲，識唔識尊重人？
食乜嘢又要人就，呢樣唔食嗰樣唔食，
難得一次去試新餐廳，成餐飯彈三彈四，
連去邊一區都要話唔鍾意嗰個地方。
去人哋屋企就得，佢屋企就唔想招呼人。
自己有事，就識搵人放負，
人哋有事，唔好話關心，佢直頭失蹤一排，
識咗幾廿年
呢啲垃圾，疏遠都嫌慢，已經斷絕來往，見都唔想再見到。
4個讚
我有個朋友都係咁，兩家人一齊去玩
佢完全唔諗去邊度食去邊度玩
我地安排啲行程去到又嫌三嫌四
又話唔鍾意呢個區 又嫌行景點悶
佢搵親我就係不停呻老公、朋友、仔女同學家長
總之人人都不是得佢一個啱晒
迫我做佢垃圾桶，不停聽佢放負
次次約親都係嚟我屋企，我地講明想早散，佢喺都要拖到夜晚先走
但想去佢屋企就每次都多多藉口推搪
已經同佢疏遠了，識得耐都係咁話
5個讚
我識嗰個都係咁，無論朋友、親戚，甚至佢家人都唔啱，個老公就晒佢都俾佢嫌，佢自己咩都啱晒，呢啲人唔值得有人係佢身邊。
2個讚