好同意，我另一半係跟朋友住嘅地區落腳（其實我自己唔想，但比佢說服咗），第一日到朋友太太已經半講笑咁話第時啲小朋友可以互相去對方屋企sleepover, 咁大家都可以輕鬆下（我自己湊一個一直ftm, 又唔係真係熟到咁，唔好喇呱），然後發生太多事，直接疏遠（簡單啲講係英文唔好，然後話聽人講點點點，然後瀨哂嘢要我哋幫手，老L馮咁，有時又要幫佢湊小朋友放學（加一個我唔識嘅小朋友，佢兩家係好朋友），起初另一半未返工都會幫手（確實好難推），到我有車自己接就直接拒絕了，我雪藏牌揹多兩條命我揹唔起
另一半都深知佢哋成日找我哋麻煩，已經疏遠了
同意，所以有時都諗吓自己有冇做埋啲乞人憎嘢自己唔覺
比人小完仲話人地唔包容，當然第三方唔燒到自己同聽片面之詞就比人抹黑到
我係英國同新相識隣居聚會，仲多過同嚟咗嘅香港朋友
有啲就算唔係好遠，都冇乜動力去約
感覺我好似單方面付出咁，整整吓都唔想再約
睇情況囉，好傾就隨時約
冇工人可能都係主因，招呼人嚟屋企其實要做多好多野，如果對方唔識做，態度太老馮，幾friend都會有厭倦一日
啱傾就約，唔啱傾就少啲約
我自己都好怕有公主病或做伸手黨嘅朋友
原來都有吾少人係伸手黨， 我有個公主病朋友成日話黎搵我， 但我知道佢係想有得住同我帶佢去玩， 有免費導遊。 識佢幾十年都知道佢想點， 所以我一直吾答
我就係因為大家小朋友就細開始玩
又玩得埋所以會遷就
但係當對方喺你講到明都唔識做嘅時候
包容就會慢慢磨滅曬
其實一去到唔舒服嘅位
我係會出聲
有時會婉轉，有時都擺到明串佢
但好多情況係出聲完
佢收斂少少，之後就好快故態復萌
好遲上面嘅遲到例子
對住佢燥咗一次
可能之後三四個月唔遲
但隔咗半年又再遲返（駁你唔出聲咁）
又要再燥佢一次先好少少
但我嘅期望係你應該知道我唔鍾意人奉旨遲到而去避咗呢樣嘢。
下下約你都要講明你遲到夠鐘我就走啦，我都覺得會好噚氣。
呢一刻我覺得慢慢疏遠對我嚟講會舒服啲
可以絕交
淨係呢單野都夠老馮啦, 仲有遲大到要人永遠等佢果d 。遲到仲好意思講同小朋友食埋飯團先上黎, 真係連少少唔好意思都無, 面皮幾丈厚。
我都識得呢d 公主病患者, 細個初中時約佢出街, 佢搭巴士出黎, 次次都係我響巴士總站等佢超過一粒鐘。果陣時手提電話未普及, 真係試過響街入一蚊打電話去佢屋企, 睇佢出左門口未。
細個時又係覺得朋友應該要珍惜, 大左就覺得價值觀相差太遠, 不如疏遠。
(當然佢大左更加多行為令我覺得佢好公主病啦)
所以呢d 公主病患者, 我最後都係疏遠無聯絡。樓主我支持你疏遠佢, 希望你唔好心軟。
我個妹曾經都有類似經歷, 佢朋友係一個人上去我個妹屋企, 個朋友係住舊式公屋, 一家五口住, 成日都唔想返屋企, 我個妹住私樓, 都算闊落, 最高峰期朋友係一個星期上三日, 最後我個妹要出動到保安block佢上樓… 幸好, 無任何不快事件發生… 只係少咗個朋友…
如果講過，第二次都係咁
我會send message同佢講我哋自己去玩，唔會等佢，下次再約 (其實只係把口話再約)
同樣都係知會佢一聲，唔係要佢同意
x 3000
去到有google map年代，仲要有人要求兜去另一個車站接佢 （我唔係同一個站落車），仲要遲到
好心打攪人就準時啦
要去到block人堅癲
扑得好
當你係校巴司機 
識過有人係咁、仲上上下問你拎埋鎖匙想去配、食懵咗
我自己都勁怕啲人去遠少少都要地鐵站等埋
好想講唔識路地圖又唔睇就咪出街
我有朋友係、成日明示暗示想痴我去旅行
佢係連機票都唔會買果種
我一向直接拒絕
呢d人真係唔好搞… 我去旅行係想relax, 唔係做人近身待婢… 咪玩…
佢結婚、兩公婆都係佢跟個呀哥去日本自由行
機票、酒店都係佢哥book
佢去完返嚟呻、話呀哥第二定第三日就閃走左、話唔阻佢兩公婆二人世界
果陣未有iPhone, 佢打長途比我問去邊好，同佢講去啲大路地方海遊館、大阪城、道頓崛啦、話唔識搭車、叫佢問酒店職員話唔識講
其實我好明點解個呀哥會走咗去、之後呢十幾、冇見佢同呀哥一齊出現過
之後大家各自有小朋友、有幾次去camp、集合又例遲、仲要嚟到先話去七仔買嘢食、第二日食早餐最後一刻先出現、走又最遲先執好野要全世界等、玩左幾次就冇約佢。