有咁性格導致身體差
放生自己
路過睇咗咁多，忍唔住講我啲小學生嘅仔女都知病就避免食熱氣嘢喇！ （無論有冇醫學科學根據都好）
將來生咗小朋友，去到小朋友5歲前好多媽媽都會因為小朋友病而擔心睇急症/門診/醫院，到時你帶得邊個去？ 分擔照顧小朋友嘅責任未必做到之餘，仲要你顧埋佢 
1個讚
其實想分手冇乜嘢
只要唔好雙重標準就得
將心比己
如果對方嫌棄你同一樣嘢
覺得浪費時間喺你身上
你覺得合理咪go ahead
我都覺得個男人似係「亞視保加症」
好多人都有（尤其男性）、樓主不如google下睇下男朋友中唔中晒啲突徵。
如果中左七八成、就算結婚、生小朋友都要諗清左楚、小朋友會遺傳左呢樣野、到時你要面對好多小朋友社交上嘅問題。
1個讚
樓主如果覺得生小孩係人生必經，咁就應該搵基因優良的人嚟一齊生。咁對下一代都好。
結咗婚，就話要有情有義啫，未結婚，明知係伏就唔好踩入去。
你諗吓佢而家後生都係咁，第日越老只會越走下坡，越覺得有病係正常，隨時佢病到返唔到工，你就要做埋經濟支柱，返屋企仲要照顧家庭，一個人搵三個人駛，仲慘過打兩份工。
單身都仲只係對自己負責就得，一人食飽全家食飽。
我朋友太太就係病到返唔到工，個老公壓力山大，佢地都算好少少，冇仔女，老公養老婆冇咁多閒話聽，但佢地平日都要好慳。
喺物競天擇的環境下, 佢真係唔適合有下一代.
樓主而家3字頭已經覺得攰, 過多10-20年後仲點頂？唔好等到４字尾５字頭先嚟埋怨佢浪費咗你嘅一半人生. 3字頭, keep 吓 fit , 打扮吓仲好有市場. 唔好被佢道德綁架你餘吓嘅50幾年人生.
同佢分開唔係因為佢身體差, 而係佢唔識照顧自己, 更遑論將來日子可以互相照顧, 而係你嚟到呢個人生階段, 係要搵老公, 唔係搵男朋友, 但種種跡象證明佢未成長到適合做老公 , 無謂浪費時間… 不過你要預咗你話分手, 佢一定覺得係你嫌棄佢嘅健康問題, 話你自私之類… 希望樓主唔好被佢道德綁架到你.
1個讚
該主題在最後一個回覆創建後180天后自動關閉。不再允許新的回覆。