純呻下～
拍拖多年，佢細個時候身體已經一般，屋企人成日帶佢睇醫生，有時學都無返，同佢拍拖咁耐聽過無數次呢到痛果到病(好彩都係小病)，試過零晨幫佢call白車，來到之後佢又話無咩事唔使去醫院，
最近佢病超過一個月，喉嚨痛咳發燒傷風感冒牙痛耳仔痛，我自己岩岩第一次covid好返，要照顧佢擔心佢，零晨仲同佢去急症，佢見到等幾個鐘又話走，今次我係黑面同講左幾句，
類似係你痛左咁耐叫你睇醫生幫你約，你又話唔睇，可唔可以唔好揀零晨，我知道可能真係突然之間頂唔順好痛，病都無計，但真係心身有d疲累，唉，平時叫佢照顧好自己身體又咩都唔理
2個讚
會唔會有心理因素？
如果真係好病，唔會去到醫院見到多人就走
4個讚
講衰D，你同佢一齊就要預咗成世都係咁
5個讚
嘗試由嘢食入手，煮埋/準備埋俾佢食
唔知，佢應該以為只係等一兩個鐘，同埋真係果下唔舒服
巨嬰
我屋企果兩母子都係咁上下，平時亂食野唔注重健康唔照顧好自己身體，郁D就話要睇醫生食藥。
由我管佢LUNCH(帶飯)，同佢一齊168，低碳開始，一年半年都無睇醫生。
有時訓得唔好起身頭痛佢都唔會第一時間食藥，會用下D自然療法先。
當然，人就一定有機會病既，如果真係病佢都唔會等等下都走左去啦。
唔排除有D人想引人注意就會咋病(真係咋到個身體都俾反應)，心理病黎。即係同人地鬥慘果D心態，你中肺炎好辛苦咩，我周圍痛仲辛苦啦。
TOUCHWOOD下次淩晨要去急症，洗多少少錢去私家24小時門診，等少好多，唔係D咩大件事都係1.5K。
1個讚
你地在外地定香港? 佢唔睇新聞?
香港急症出晒名最少8個鐘喎
1個讚
唉，我有諗過，一開始唔知道，如果有既話我更加擔心下一代
間中係有煮下，要返工日日煮真係攰+無時間
佢唔肯帶飯架，嫌樣衰
係香港，我地已經去私家，私家急症係咪=門診？
可能因為上一次等左2個鐘左右，今次明顯多人左，有個牌寫住等3-4個鐘，
有少少覺得佢似入急症會比人覺得好病好唔舒服慘既感覺，但我又唔會知佢係咪真係頂唔順，話左佢幾句之後又會有d內疚，佢仲要當左我係衰人
我見法國, ST.PAUL, 港怡都係叫24小時門診服務
想快可以去港怡，人少，服務又真係幾好
如果佢自己都唔擔心唔保重自己，你要收返D擔心同關心，你死你事會好D，唔好辛苦左自己，唔好諗痛左佢身又痛在你心，難聽咁講，依D人調唔返轉，假如你有咩頭暈身㷫佢會諗佢都係咁啦，佢都無睇急症啦，甚至唔會陪你去醫院。
佢只愛自己，唔覺得要對身邊人有責任，一段關係要互相扶持，只有單方面係咁擔心，佢自己都無改變既打算，咁點行落去呢?
岩嫁喇，做下衰人啦，佢唔識反省仲要怪你既話，你自己睇路
4個讚
早走早著大把世界
2個讚
我都唔想咁講, 如果我講錯, 希望唔好介意,
我識得一個人都係咁, 成日病, 剛識佢時大家都好關心佢, 佢真係個個月都病嗰種, 雖然係小病。
有樣野叫審美疲勞, 而我就開始病人疲勞, 慢慢佢病時我冇以前咁關心, 甚至唔再問候,
漸漸發覺佢身體好左, 再冇聽過佢病
6個讚
無錯，有d人係咁，draw attention
又有d人會鐘意鬥慘鬥病，同埋人地有事做就會"病"，我講就係我99
老公拗柴腫晒，返到屋企同99講，99唔係關心老公個情況，係話 我早兩日都拗柴呀blablabla
老公話頭痛沖鹽水飲，99話我又係頭痛呀個胃又痛乜乜乜
老公話肚痛，99話我早兩日又係呀…
疫情我地去staycation，幾次佢都係早一晚或然者果一朝話唔妥，我地響廳準備緊出門口佢就會淵口淵面行出黎唔係胃痛就頭痛，原因可能係佢尋晚成晚煲劇。
叫佢就算訓唔著都唔好係咁睇電話，越睇越訓唔到，2020講到2023佢都係咁，依家我地唔理佢，佢又真係無乜話病痛
5個讚
係啊，佢係呢種人啊，久而久之，我都唔太理佢 
既然拍拖多年，將來會有結婚/有小朋友既打算嗎？
我好衰比較現實，成日要照顧一個多病痛既人係好攰，更加唔好諗下一代。。。
同埋有一樣好重要既係如果你病，佢識唔識照顧你或氹吓你？ 唔識既話，不如放生自己
3個讚
唔係話伴侶一病就唔照顧佢, 咁講好似大難臨頭各自飛咁.
但個問題係,
- 個伴侶有冇好好負起自己照顧自己既責任. 注重自己健康, 努力令自己唔好成為負累
- 有冇表逹對樓主既感謝. 唔好老奉.
講真, 我覺得有伴侶反而更應該自己好好照顧自己.
冇伴就算自己病痛都係自己匿埋自己受, 但係有伴就多個人擔心自己, 反而更應該令自己健康啲.
如果佢唔係咁既心態, 就真係要諗過
生仔就梗係唔好啦. 莫講話個伴侶自己身體唔好. 而家咁既自然環境, 社會環境都唔啱生仔.
6個讚
及早離場吧
1個讚
唔知你結咗婚未？不過如果我係你，我個人現實，我會分手囉。
講個例子你聽，我有個堂哥心臟有事，佢當時個女朋友（當時雙方都好後生）因為呢個原因同佢分手。我有個親戚當時大罵個女仔現實、自私；不過我反而好理解，比著我都會分手。
3個讚
調轉身份就會勸個女分手嫁喇
好似soching同阿mo咁…唉
2個讚