最近個廁所成日塞，第一次夜深無工具既情況下睇youtube用膠樽大法通到，到第二日又塞，買左個大碼廁所泵（紅綠色嗰種），點知一插落去又唔夠大cover唔曬成個窿，但一番苦戰後都叫通到。今日又塞，去左五金鋪買飛魚牌，倒左成支都通唔到，係咪已經無得救，有無好方法救救我⋯我想好好大個便咋 
公屋/村屋/私樓？
係咪用咗 tempo 廁紙？
1個讚
平時扔咩落去?
1個讚
有冇試過用膠袋
1個讚
呢種情況我試過，唔好見個馬桶後面條渠好粗，出到外牆之後係駁大廈幼渠，條幼渠係細一倍都唔止仲有曲位1。好大可能係你跌咗硬物入去，沖廁時冇發覺沖埋走仲頂住曲位，唯一方法就係搵街外通渠師傅，在非搭棚下用吊梯及安全衣，爬出去打開個幼渠曲位，清番走瘀塞硬物。
好多師傅會要求搭棚，咁就會貴兩三仟，同埋搭完棚後，完成工程後又要另約拆棚 
2個讚
厠所塞都有好幾種原因 可能係自己問題(橫喉/氣喉) 可能係公家喉問題(直喉)
照計你稍為通好左 應該都用到一段短時間
但係第二日又塞返 聽落未必係自己問題
係咪住低層? &如可以既 可問吓同層鄰居或管理處有無同樣問題
1個讚
居屋高層（新樓），用維達金鑽四層，雖然係厚尐但用咗一年幾都無事，係最近兩個星期先有塞既問題。我係咁泵又泵唔出廁紙，得乾淨水⋯
無掉垃圾/剩菜，平時習慣閂蓋應該唔會有野跌落去⋯
琴日我最後又泵咗個半鐘終於通咗，一開始我用廁所泵一下一下咁吸，但係用咗十幾箱水都未通到，之後就試用膠袋法原理（無圓頭廁所刷），用力塞個廁所泵泵頭落個窿度，塞實再快速抽動，竟然得咗，雖然唔知到底係咩問題但至少而家用到。
唉好煩，幾日就塞一次，搞到我次次去完廁所都好緊張，唔知佢會唔會又塞，最恐怖係飛魚牌都通唔掂⋯好怕係內部問題要拆個廁所整
通渠人三兩下手勢搞掂
該主題在最後一個回覆創建後180天后自動關閉。不再允許新的回覆。