財政司司長陳茂波早前表示，會與業界研究合力搞活香港夜市，部分商場業主積極響應。新世界發展 （00017） 發言人表示，集團會積極支援和配合特區政府推動夜經濟，並會積極考慮延長商場部分日子的營業時間，舉辦夜間活動吸引人流，共同燃亮香港夜經濟。
恆基地產 （00012） 發言人表示，集團將全力支援政府各項推動經濟復蘇的政策，正積極籌備新計劃配合政府推動夜經濟，包括舉辦夜間活動，同時聯繫商戶提供優惠，以刺激消費，相信在政府有力的統籌下，必定能帶動本地經濟發展。
新地：晚市佔商場收入超過三分一
新鴻基地產 （00016） 執行董事馮秀炎表示，將全力支援政府，搞活夜經濟，目前晚市佔商場收入超過三分一，故做好晚市，甚至延長營業時間，再做夜市，連鎖反應，帶旺商場，等於帶旺香港經濟。馮秀炎指，新地旗下apm有搞夜市豐富經驗，將投放資源，同期拉動租客提供優惠，力撐政府夜市經濟。
商場開, 商舖就要有人消費先會開… 夜生活香港人點會唔識…80年代係不夜天, 當年經濟起飛, 有錢係袋就人人都識洗架啦… 依家問題係NO MONEY NO TALK嘛… 份工, 樓市, 股市全部都唔穩… 商場開24小時都無用…
政府吹雞, 商場咪做下戲囉,
好多舖頭都要同商場對分部份營業額,
商場點會唔知而家生意係點,
收夜左, 但真係會有人因為收11點先專登出夜街?
但肯定嘅係舖頭首先要比多D錢或加人手(如果佢地跟商場夜收的話),
keep our fingers crossed囉
APM本身開時都係主打24hr, 但問題係入面嘅店邊會同你開呀，無生意重要請人，就係因為無人流先無夜市，而唔係係夜市無人，膠官知唔知問題係邊？
記得吸引好多住附近嘅阿公阿婆涼冷氣。
但我成日聽親香港個問題係消費貴，尤其食嘢，個個都話貴嘅。
想搞好夜市，先搞好業主，唔好見人地生意多就加租加租又加租。
叫得膠官, 點會有腦諗問題呢… 
唔好話唔加, 加遲陣都唔得呀…
加得又狼死，一係搞到人地唔做，繼續做就消費者承受捱貴嘢。
記得我住個條邨個麵包店，一個雞尾包由4蚊每年加$0.5可以加加加到6蚊我已經覺貴同唔值，真心再加我唔會買嚟食，最多行遠少少去第二間買，點知間舖頂唔順個租金執埋。
開到咁夜咪要d鋪頭無生意都死頂
夠喇，整個樣那樣冇膽唔識，慳資源
疫情都有影響…我以前屋企食完飯有時都會落樓下商場行下
宜家返黎沖完涼都唔想出街, 費時返黎又再大清潔一次
除非佢話夜晚啲野會減價。唔係諗唔到點解啲人要專登夜晚出街。啲商場一式一樣，我要買嘢既幾點去買都一樣，又已經慣左放工返屋企。
減價平過深圳就即刻生意好啦. 到時深圳人都來港消費.
得先得架，佢情願掉空間舖都唔肯減租，
你想續租佢就加租。
唔想見到佢哋
搞死香港消費有部份責任都係貪得無良嘅業主，仲有領乜領物。
遲啲中秋節可能有轉機⋯⋯一晚，因為細路玩燈籠
正經啲，疫情時嘅六點打後關門導致如今向生活習慣好難好似㩒制一下就改變到。
玩燈籠梗係去公園玩有feel D，最多都係入7仔買條雪條食，入商場做乜
該主題在最後一個回覆創建後180天后自動關閉。不再允許新的回覆。