屋企人差不多70，其中一位有腦退化傾向，家庭會議共識，會同佢轉做聯名戶口
另外會約時間做平安紙
請問仲有乜嘢要注意？
已有腦退化傾向係已確診左? 我擔心平安紙將來會被其他家人質疑 (雖然即使清醒一樣可以反對),
好似話要搵醫生做見證人
1個讚
只有一家四口，上面講嘅嘢已經係全體同意
平安紙係老人意願，我都有留意有關精神能力嘅問題，到時睇吓律師意見，遲啲見醫生都會問吓
始終無呢方面經驗，所以想問多啲唔同人意見
1個讚
如果家人/老人都同意, 遲D問埋律師都應該夠,
多口講句, 老人家大陸有冇銀行戶口物業? 如果有的話最好都聯名(我唔知要幾多手續費),
更好方法係趁佢仲行得走得, 一口氣取消晒D戶口+賣大陸樓, 拎D錢存返入老人家香港戶口仲好, 當係多個錢比佢醫療用,
touchwood有遺囑都好, 大陸野有排你玩
1個讚
大陸戶口有啲錢囉，我成日都話幫手一齊螞蟻搬家，問題係而家皇帝唔急太監急，唉⋯⋯
btw多謝你回覆 
我係過來人, 建議你地盡快搬返D錢落來,
我地搞左1年半都未搞得掂大陸D野, 仲要多次來來回回北上, 如果真係等老人家百年先搞, 你地要有心理準備
佢哋係中意唔嗲唔吊咁，成日話到時先算啦人都死左唔理啦。
我對我位老人好直接講，趁你而家頭腦清醒，好快啲將啲錢轉俾我，唔係點風光大葬你，淨返嗰啲就全部做善事幫你積陰德。
講完佢又受，即刻聽話去處理。
不過講真，屋企唔係有啲豺狼我都唔想理，老人辛苦大半世積返嚟嘅錢，我一定會捐晒去幫佢做善事，都唔會益個班粉皮。
1個讚
有無資料係點攪？我屋企果件…唉！
聽到有人話，大陸收緊提現金限額，你想螞蟻都唔易。
如果當年係用光明正大方式，經銀行匯款上去，試吓問可否用匯款方式，滙返香港戶口。
其實如果已經確診有腦退化，已經咩都做唔到，最好問下醫生佢現時可唔可以立遺囑，如果可以，搵律師幫手做，最好搵埋醫生做見證，同時設定一位家庭成員，當佢無嚴重時可以幫手決策
除咗戶口，如果老人家有資產，最好趁佢現在身體精神狀況還好時做定power of attorney。
平安紙要等老人家百年歸老之後先可以郁動資產，power of attorney 係响老人家精神或身體狀況已經處理唔到一般事務時，萬一需要動用資產，例如放租放售物業時，可以用呢份文件授權屋企人處理
而家每次提款上限係$49999，唔可以多過5萬
5萬都係錢，攞得幾多得幾多
老人家個戶口係咪可以簽到自己個名唔係
用圖章？聯名戶口一定係簽名唔可以用圖章。
如果已經係確認左有腦退化, 律師唔會幫你做平安紙, 怕日後有掙拗
(我試左啦, 個時師爺會單獨見老人家, 問佢一D問題 (我唔知佢問左咩), 再判決佢既情況係咪有判斷能力去立平安紙)
1個讚
金額咁大，好似要提前預訂。
你係指香港定大陸嘅資產？
大陸，我邊間銀行都唔知？只有估計。
呢排我走咗幾轉銀行，淨係處理香港啲錢，都搞到身心疲累
其中有個客戶經理幾唔錯，我就問吓佢大陸啲錢點樣搬落嚟好，佢都話只有螞蟻搬家，如果想大額匯款落嚟，要睇你好唔好彩遇到肯幫你做嘅櫃檯職員，不過大額其實講緊一二十萬咁大把
佢都唔俾你知，可能唔係留俾你，
1個讚
如果大陸開銀行, 應該有張卡仔