預産期下年4月，我係高齡産婦，諗住係政府生，大家有冇係廣華或QE生嘅經驗，俾啲意見邊間好？聽聞廣華係咩止痛都唔俾？係咪真？
廣華伙食好d，不過負擔到就去私家啦
係呀，廣華生既時候咩止痛都唔俾。
廣華，聽朋友講會係新起廣華生Ｂ，但檢查仲係舊廣華。
咁真係痛死
我都問過醫生呢條問題，醫生建議QE生
因為QE係龍頭醫院，而且笑氣任聞，其他減痛既安排都儘量俾你，so far 我生左2個都覺得QE好好。
QE新淨
聽返黎，QE好過廣華。
朋友高齡，本身子宮做過手術。
QE順產生，阿媽子宮唔識收，唔知咩放波同搓都唔收，大出血，阿媽入ICU一星期。
整體足夠配套支援。
朋友個女，第一胎，本來揀私家生但早產，CALL白車去QE，出黎BB 1.1磅，出世即入NICU，醫生護士好有心，BB都成功成長 
1個讚
十幾年前，當時係醫院開始最忙嗰幾年喺QE生b，產前房姑娘非常好(尤其對自己人)
產房有笑氣聞，EE話我好彩，幫我接生助產事經驗好過醫生，順產剪嗰下痛一痛，聯針好快手，傷口埋得靚
產後房姑娘都好好，鼓勵餵人奶，但絕對唔會迫你，會問你要唔要抱bb出去，比產婦休息下，係EE特別對住某類蟲會多啲嘮騷
總括嚟講產前產後房，有禮貌下，姑娘同EE對住自己人係唔同啲o既
產檢一嬲都係向隔離果間日間診所做
舊嘅廣華醫院已經成棟封咗，所有部門都搬晒去新大樓了
廣華有止痛針打, 不過未去到咬哂救命都唔會比你.
聽講話廣華婦科出名有經驗. 不過預左公立醫院d 嬸嬸一定勁惡死.
位置尼講，我屋企去廣華就方便啲。。但多人都話QE好似好啲，好難揀
都唔係，我都係廣華生。
開完刀醫生主動建議要打止痛針可以搵佢哋。
後來我怕麻煩到人比人鬧。死忍。
第二日醫生重問點解你唔打支止痛針？
禁厲害既你。
公立醫院生人有好有唔好，
你唔好太多要求，
交更，早餐，下午多病人出院入院時間小啲叫佢哋，
講野禮貌啲佢哋自然都會好啲。
我兩胎都係廣華生，其實睇睇你係咪一定想順產，想順產就去廣華，啲助產士全部都好有經驗，不過有心理準備真係咩止痛方法都冇俾你，我兩胎都係純天然咁生。
生完第一個，2016年，個陣啲職員真係惡底，是但，三日兩夜啫。過咗3年生第二個，可能出生率低咗，又少咗大陸人嚟生，所有職員都溫柔晒，我好收貨啦，順產都係三日兩夜就出院啦。
我2021喺廣華生 嚟緊月尾都係廣華生…
超好喎 嗰陣兩個護士輪流幫我按摩 播音樂 傾偈…去到最後頂唔順都有笑氣可以聞吖… 入到產房 我冇記錯上上下下護士連姐姐都有6-8個人喺度…產後房都好好
（我非高齡產婦 亦不是高危孕婦）
嘩, 幾時變得咁好服務, 可能因為出生率低, 醫院都要爭大肚婆 
聽返幾個case , 瑪麗19 年已係咁， 仲有笑氣 止痛 N咁多野…
我22年瑪麗生，產前房冇乜媽媽，但都冇護士理，我都想有人幫我按摩，我痛到要對面床個媽媽幫我搵護士
D護士仲話我頭一胎冇咁快生，再等吓啦
點知佢一幫我檢查已經要執嘢過床去產房