咁大件事，點解呢度冇人講既？上年先係港安死左個孕婦….
我上一胎都係港安生，連續死兩個，呢胎都有d驚….
——————————————————
據了解，荃灣港安醫院一名孕婦剖腹生產後死亡。衞生署今日（14 日）回覆表示，一間私家醫院於 7 月 6 日呈報一宗醫療風險警示事件，涉及一名 31 歲孕婦 7 月 5 日剖腹生產後，於翌日死亡。
署方指，該私家醫院已向死因裁判官報告個案，署方亦已收到醫院提交的調查報告，調查及跟進工作仍在進行中。署方補充，除涉及重大公共衞生事故，署方一般會於 9 月份在私營醫療機構規管辦公室網頁發布 7 月份呈報的醫療風險警示事件。
翻查過去報道，荃灣港安醫院去年 8 月 4 日亦有一宗孕婦離世事件，當年一名 30 歲孕婦陰道分娩後，出現嚴重併發症死亡。院方當時指，當時已啟動所有可行的急救措施，包括輸血、手術及深切治療部護理等，可惜未能成功挽回病人生命。
生bb一直都係話一隻腳踏入鬼門關，好危險的。
照睇依段報導，一個上年，一個今年7月，
中間都有好多個成功個案既，唔算係連續死兩個。
你搵搵依兩位係咪搵同一個醫生接生?
我就係想搵邊一個醫生，搵極都搵唔到資料
唔知有冇人知？
黎緊都係港安生
順產，俾左留位費了
但應該唔會轉了，其他醫院又好唔近屋企
我跟醫生同信醫生既
我之前都去過港安產檢，有諗過揀呢間醫院，睇到都覺得小小驚。
7月過身，今日新聞才有，醫院都蓋得好密。定係而家記者聽 order 做嘢。
仲要兩單都冇人知邊個醫生（可能係我搵唔到啦）
31歲好後生喎！有冇咩疾病紀錄？
港安應該都唔平？有冇人知咩收費？
以家邊有新聞
私家等上報上去都要時間咁掛
想問下幾錢同邊位doctor 呀?
唔好咁緊張，陀B應該要開心
初時揀得港安係相信佢俾到妳需要嘅嘢
老實講 順產揀公家安全啲
私家大多數都係開刀，相對接順產經驗少，有啲咩事都係掉你返公立。
呢一胎未必揀港安喇，有d驚
最緊要媽媽用得放心，唔鍾意就換咗佢
唔知私院同公院匯報情況唔同呢？
我覺得呢單應該真係傳到去記者度就報導咗出嚟。因為早2日聽收音機新聞，話呢單事故7月發生，中間聽唔到，總之就話本來都係9月先匯報咁。
我知係邊個醫生，佢都算出名嘅
不過有時未必關個醫生事，好似話係病人流血不止，如果病人本身有隱性疾病，令到做手術時唔止血，咁醫生都冇辦法，本身開刀生bb都係有風險嘅
所以生BB真係搵命搏…冇諗過呢家科學咁昌明，仲會有呢D 唔開心嘅發生…RIP
唔係，順產都好靠醫生手勢，有名嘅私家醫生順產好在行。
我生嗰陣佢係會用手入去調整BB position等Bb容易啲出，同埋佢剪嗰一下幾時剪，剪幾多，之前應唔應該用催生藥等等嘅所有決定，都會令到傷口埋得同復原快好多。
成個過程順利嘅話，生嘅時候出血都少好多，都係會令到復原快好多。
除咗醫生，仲有私家醫院嘅麻醉師，當時我醫生搵醫院嘅首席麻醉師做partner，佢嘅判斷都好重要，份量幾多，幾快可以無痛，同可以維持幾耐，幾時幫我Top up etc
私家真係用錢買服務同安全，唔關順產定開刀事。