後來先加入呢個討論，唔知有冇人好似我咁，煮食，家務，育兒呢三樣之中，係只擺育兒喺首位，其他係求其甚至係ignore。
一開始做ftm 我都有個奇怪嘅概念，就係覺得喺屋企嘅女人就係屋企起居飲食井井有條，後來先發現其實呢個壓力係自己俾自己。
煮食因為有逼切需要所以會簡單整，好彩我同老公都唔係對食好有要求，買好嘅原材料整熟就覺得好味。（本身都係日日食同一樣野都無所謂嘅人）
家務就每日逼切嘅只有洗衫晾衫，摺衫係超次要。
雖然屋企長期處於chaos 狀態，但個人輕鬆咗，冇咁多脾氣，小朋友都開心啲。
但育兒就好有自己要求，對於自己想深究嘅嘢，我幾攰都會睇書睇文去學，因為我今生好想付出喺呢方面。
我做ftm 就係想盡可能俾好多同好好嘅quality 陪伴俾小朋友，所以日常生活必須以外嘅嘢都係阻住我嘅障礙物。
當然移民被迫做ftm 又係另一種困難，但我覺得搵一個大area 嚟做重點嚟專注其實係ok，另外之前呢度forum 有網友話keep logbook/journal，同煮食方面整每星期重複主題（pizza monday, 逢二食魚，etc）都好好呀，我覺得有幫輕咗
12個讚