睇左隔離個移英崩潰有感post。。我覺得好大原因係因爲好多人都低估左做FTM/FTD既困難。
我覺得通常好唔習慣到抑鬱既都係有小朋友既媽咪/爸爸，尤其小小朋友嗰啲。而佢哋通常都係係香港有工人姐姐，自己有做野的。
我覺得好多人以為做FTM都係做家務，睇細路，有幾難。但其實佢哋低估左做FTM既心理情緒管理。
尤其係英國，你唔可能日日買外賣，你一定要煮，我地文化又注重食，唔可能好似外國人咁求其食，餐餐焗爐焗熱就算。亦即係話差不多日日都咁煮。。再加上平時沒做開但又一定要做既家務。。
另外一半出去搵食，只有FTM/FTD自己一個日日重覆做d好似好易但好take time，又一定要做既事。又沒得好似返工咁同成人同事吹下水，或者起碼有人工出，係可以睇得見既回報。
其實嗰種心理壓力同自我懷疑係真係需要強大的心理。亦都好需要懂得欣賞既另一半。
當然就算另一半欣賞你的付出，都要自己懂得欣賞自己。
再加上唔習慣英國其他既嘢就會令到整個situation 更差。。
有D人港島去新界都可能唔OK啦
而家資訊都算流通, 比多少少準備自己先囉
如果返開工突然被迫做ftm，先唔講經唔經濟壓力，每日重重複複廿四小時對住老公仔女，真係會顛
我係香港做咗1x年ftm, 嚟到英國重踏職場一樣係難適應，但一早有晒心理準備，移民必定要面對各方面的問題同困難
其實好多人冇呻唔代表佢地順利過其他人，而係佢地知道移民呢個選擇必定有得有失，正面面對去克服困難先可以真正跨過去
心態決定境界！
仲有教小朋友係要好有耐性同心機, 而且未必有成效. 唔似抹屋抹左一定乾淨.
都唔係架，我每次吸完塵唔知點解一陣d塵又出返來，不停咁吸，反而公司野就真係做完就完
如果小朋友太細個，可能真係會唔習慣好辛苦
做人阿媽都要學
講得好好
真係講中心聲
我本身喺香港都係ftm，所以過到嚟算易適應
但心理質素真係要好強大，同埋好有正能量先可以撐住
我啲朋友成日讚我，話我好叻好佩服我
只係我傷心時匿埋喊佢地唔知啫
喊完啪包薯片，抹乾眼淚又同啲小朋友周旋過啦
所以有時我都好佩服我自己
（好似依家咁，啲小朋友入房一個鐘仲未肯瞓呀
）
加上有啲細路好難教
可以自己調適到個批係好
不過有一批可能係死要臉，乜都唔肯講
又有一批自己未試過時就批評左講嘅人先，到自己有體會時先唔再出聲
一黎係咩都落手落腳難啦，二黎個個人連返香港機票都嫌貴，其實有少少係經濟拮據而崩潰in stead of移民。
無論係世界邊度，你想有個break去其他地方但都無錢或者抽身唔到，其實都同坐監無分別。
利申，我無睇哂條片。我只知佢喊同話無得返香港。無睇哂佢呻咩。
會乾淨ja, 冇話唔會污糟返
但教小朋友可以連進展都冇, 越變越差都有.
香港嘅女性真係好幸福，大部分有工人姐姐或長老幫，自己可以做鍾意做嘅嘢。移民後生活真係多咗好多煩鎖嘅嘢，有時睇返本地人個個都係自己湊小朋友、做家務，我都懷疑究竟佢哋係咪真係開心同enjoy.
我d小朋友已經中學唔使湊我覺得真係易d，起碼有自己時間me time. 不過移民真係唔易，只係大家唔會周街講自己有幾困難。
疫情期間都算迫住做左年幾ftm, 真心唔慣，有時屋企人幫下手先可以出去休息下，如果長期無人幫，又要適應新環境係真係辛苦
係咪新裝修？裝完會係咁
呢個真心認同。話說我之前轉ftm時覺得仔女都大喇好似冇需要工人就送走左佢。點知好快發現自己原來好憎一日煮3餐，原來鐘意得閑煮下嘢食同每日都要煮係咁唔同。仲有一堆零碎既家務，一路執屋一路覺得曬我時間不如出去番工唔好浪費自己專業。後黎頂唔順請番工人，一天都光哂，d 時間真係陪仔女讀書傾計做自己鐘意既事。
移民前真係要試下做ftm 適應下先，如果唔係一下子去到外國會更難適應。
一路睇parenting書，一路學做父母會順利好多，可以考慮吓睇書同上堂
如何可以，盡量放手同同學媽咪互相睇小朋友，可以減輕壓力，我呢邊難搵啲，最近都終於搵到了
我覺得外國人好似無咁多野做。佢哋朝早cereal，晏晝三文治，夜晚pizza都得。就算要煮都係pasta之類。唔會有好多餸。仲要bb飲奶都可以用凍水沖。波鞋咩鬼都放入洗衣機洗。
同佢哋由細悶慣又唔同。飲酒已經係佢哋最大樂趣。
香港人食就已經係3餸1湯每餐都要有魚菜肉，煮一餐都打仗咁。然後如果要照顧bb仲勞心勞力，屋企要乾淨玩具都要消毒，ftm真係唔係幾易做。