今日跌親成隻門牙好完整咁撞甩，即刻睇咗附近牙醫，不過唔係兒科好似流流地，小朋友唔肯開口俾醫生睇，咁個醫生又就咁算，做唔到啲乜模棱兩可，冇話使唔使照，所以都唔係咁放心
請問有冇小朋友試過咁嘅情況？同埋有冇兒童牙醫介紹呀？最好朗屏前後幾個站去到啦，好擔心
會再出恆齒
我小朋友又係差不多3歲撞甩門牙，個陣睇政府牙醫幫佢檢查完都話無嘢可以做，不過睇個陣未完全甩晒，之後過咗2日成隻甩咗，我都無返牙醫覆診由佢甩咗就算。唔使擔心啦，完整成隻甩就放心啲唔會留啲牙根／牙齦（唔肯定個形容詞啱唔啱）喺牙肉入面，同埋遲啲會出恆齒。
1個讚
因為上網睇到有啲話
牙床骨裡面嘅恆齒都可能會受影響
加上今日睇完醫生好似冇睇咁
所以就越唸越唔知點
想問下你小朋友嗰時有冇要照？
點樣受到影響？ 俾咩影響?
無照，就咁檢查
主要係話裡面都有機會受創傷
但係表面就咁睇未必睇到
可能需要跟進呢啲就等醫生評估
而家係連口腔都睇唔到…
如果你咁擔心嘅搵多個牙醫睇，但重點係你小朋友要肯打開個口俾牙醫檢查，如果唔係你一路擔心要唔要照或者內傷（照你自己上網睇嘅資料）都無人或牙醫幫到你。同埋咁細個牙醫未必會照x ray （純粹個人推測）
過來人分享，兩歲撞甩左門牙，無野可以做，只等生恒齒
不過到六歲左右要留意開始生恒齒，有機會會生歪，不過及早留意同睇牙醫，生歪左可以修正
小朋友而家12歲喇，牙齒都幾整齊。
2個讚
-
有個FRIEND做返隻牙 (沒有詳情, 只係FB見到)
-
另一個睇左醫生無咩可做, 但小朋友生恆齒, 隻牙生左, 但一路俾啲牙肉包住(無一個缺口出黎??), 黎緊應該要搵牙醫界開啲牙肉…
KEEP住睇牙醫穏陣啲
1個讚
我細佬細個返鄉下時追雞跌倒甩門牙, 當時兩歲左右, 睇過醫生話由得佢, 去到6/7歲時先至生恆齒出黎, 但排牙好唔齊整, 結果佢大個去左做Invisalign。
另一例子, 我女有隻牙註得好利害, 牙科檢查時醫護話可以剝/唔剝, 但剝的話就要去做個架/托, 唔記得叫咩, 總之就係防止左右的牙移位。
不過提下你, 如果甩門牙的話, 要考慮埋小朋友心理, 我細佬自從甩門牙, 就無再露齒笑過, 影相都係彎嘴笑, 有時佢自己大笑都無用手遮住個嘴。
3個讚