呢啲時間通常眼瞓，好易扭計/發作。我細女平時都乖，但一到呢啲時段就容易小小事就喊到拆天，同樣7歲
會唔會叫佢食飯前執會好啲？
我唔係micro management ，更加唔係控制狂
俾個畫面你，基本上佢全日點玩我係唔會理
結果就係，我煮完晚飯，餐枱上係佢地的填色冊遊戲簿，飯廳窗台係筆袋文具
行入客廳，木顏色蠟筆散落一地同電視櫃，預備俾佢地的小枱仔上有佢地玩完剪紙的紙碎，梳化有十數枝無「冚」蓋的水筆同圖書，較剪同無「冚」蓋的漿糊筆攝在梳化座墊中間
行上樓梯有寶石同雪花片。入到玩具房，duplo散落一地。去埋佢地間房，啲公仔喺張床喺開緊野餐大會，甚至連廁所，都係佢地摷出嚟的頭飾
正如我之前講，玩玩具係開心事，我唔想限制佢地，所以任由佢地用duplo砌屋，倒啲寶石落去扮泳池，再拎埋doll house啲公仔出嚟開party
而佢地好清楚，玩具係需要留在玩具房，但從來唔care呢個家規
所以呢個就係我開post的目的
喺我眼中，我會覺得「7歲喇，點解做唔到呢」，正如樓上有媽媽分享小朋友會有每晚執玩具的習慣
但原來係「7歲咋，唔好要求咁高」
所以我想聽多啲媽媽經驗，從而再調整一下個規矩，點樣佢肯心甘情願遵守而我又放手俾多啲自由度佢
多謝你的提點，我會認真同佢地再傾下
1個讚
食飯前執，佢地會話無人陪/唔識執，甚至當我無到
然後拖到開飯前仍然仲有大半未執
我實在無辦法一邊煮飯一邊睇住佢執
呢招對4歲嗰個ok
7歲嗰個會同你爭論到底
俾我會索性唔開飯，等佢地執完至食野
所以我其實好唔想掉佢啲玩具，因為我相信每件玩具都係佢（同我）的寶貝，佢大頭蝦唔記得有咩玩具，但唔等於佢唔在意（雖然掉完都係唔記得
）
但另一半唔係咁睇，而呢個又引申另一個問題
1個讚
呢個值得參考
喺等佢地執緊的時間，我應唔應該照開飯自己食先？咁樣好似對佢地好慘（佢地一定覺得我唔錫佢唔理佢）
定還是一齊陪佢執？到時啲餸凍曬我要煮返熱，喺佢眼中其實係無分別喎
（佢地對食飯係無感覺嘅，遲啲食仲好，可以玩多陣）
我會唔食住又唔幫手執，坐埋一邊look電話/睇書等佢地，中途自己肚餓可能食住蘋果香蕉等
食幾餐凍餸甚至食少幾餐飯無所謂啦，如果怕要長久作戰嘅就買定暖餸板
鬥慘
「哎呀你哋未執野啊？我‘真係’好肚餓，有啲唔舒服，我要食野先。你哋慢慢執，唔洗理我架
我自己可以食住先」（用比較真誠既語氣，唔好比佢以為你發悔氣）
未執哂依舊唔準食，之後假如佢地表現出想食「咁洗唔洗我幫你有少少？但你自己要快啲執架喎？」像徵式幫佢執幾粒野
假如佢哋唔理繼續玩，我諗都試下狠心啲，睇佢哋玩得幾耐。好彩依家係夏天，凍極都唔會冰凍！
長久戰
咁響香港時既習慣係點？係咪有工人姐姐/婆婆嫲嫲執所以冇執玩具習慣？
你既畫面好全神。我都任佢地玩，但有底線，例如主要通道不能亂，浴室同主人房不能有玩具等，如果一比我見到佢地過界，我會捉佢地執乾淨為止，例如企係個位望住玩具到佢地執清為止，樣係皺眉既，因為佢地忘記左規矩。如果佢地玩得起勁唔想收住，就問幾點黎收，咁我就約定時間返去個個位望住佢地到佢收晒為止。
係屋企，我成日都強調有權利就有義務，例如你屋企攤開玩具玩你就要負責收，我絕對唔信佢識開玩具會唔識收拾，只係恆心同時間問題，所以我唔會幫手收拾，我相信佢地有能力。
但如果攤到全屋都係，例如桌面都有阻住開枱，我都會請佢地執走先，唔好阻開飯。通常佢地都只係搬埋一邊算，no, 唔該d野要返屋企，唔係係個廳流浪。然後分段呢度執d個度執d, 中間sip 住食生果，講故事，將個大task break 開黎完成會易做d.
最後，7歲呢，我其實好信任佢，當佢咩都有能力做到架啦，做唔到請揚聲搵人幫，唔係我隔離呵實晒。對於收拾玩具呢件事上，不論幾多歲都一樣，有能力開就即係有能力收，只係方法同點樣motivate 佢地完成。
4個讚
你可以照煮飯，爸爸食先，你等埋佢食。凍左就一齊食凍。
係好玉石俱焚，同埋你要抵得住唔幫佢做埋，但會 work。
都可以照開飯嘅，但之後佢執完就熱烈歡迎去埋檯食飯 
同你一樣做法
另外想問下樓主有無係箱到貼個label（圖畫或相，因為個細嘅未必認到啲字）幫助佢記得每樣物件擺係邊？
我自己屋企係個細嘅超整齊，連衣櫃都要分開裙/短裙/衫/外套/褲咁掛，但個大嘅唔係，所以真係個個小朋友唔同。同樣7歲時，我懷疑個大嘅都係求求其其塞（而家就黎9歲就好左超多），所以我整左好多label幫佢記得每樣物件原本位置，特別文具顏料紙張之類，可以仲亂過玩具。
我覺得一個屋企總有d principle 係唔會變，例如有權利就有義務，衍生出黎既除左開左玩具要自己收，仲有玩之餘要做好功課／應承左既野，or 要求一d野之前首先要諗有無做好本份，做好先有資格開聲要求。我成日都問d細路，你自己本份做好未？自己未做好點解可以有咁多要求／咁多說話／咁多嗲。
小朋友呢個時候當然會一哭二鬧情緒勒索。無問題的，我屋企另一個principle 係喊係解決唔到問題，所以小朋友一喊我就唔做野，準備要出街就唔出，準備要食飯就唔食，準備要換衫返學就停低，拎部手機入房慢慢咁，由佢出面calm down, 再入黎同我講sorry, 自己錯d咩，媽媽可否帶我地出街／開飯／幫我換衫返學。
有時表現得賴皮過佢地，無所謂過佢地，佢地就知驚，會認真返。
3個讚
香港無長老無姐姐幫手
細細個已經好鍾意hea到成地玩具，亦唔鍾意執玩具
不過好在細個仲聽氹，同埋無咁多細細件要慢慢執的情況
依家大左有自己想法，樣樣野都想以自己為中心
呢招學校都啱洗，同佢鬥耐性。“人地唔尷尬，尷尬就係自己”。
我相信小朋友耐性好極有限，有耐性嘅本身性格都好好，唔需要用呢招。
1個讚
我信念都係咁，無奈能力做唔到，佢地唔肯聽
屋企有定規矩，我希望佢會遵守，但大家點醒左我一樣野，個規矩係我單方面制定，對佢嚟講唔係心甘情願遵守，所以我要求佢執玩具時有更大反抗
與其左氹右氹，我更加希望用「相信佢的能力」去motivate佢去執
對，寧願正面肯定佢，有執拾就讚，好過負面地覺得佢地實執唔黎，佢地會feel 到。
如果佢mature enough, 直頭同佢傾執拾既條件（尊重佢高敏個性），大家都守，呢個都係信任既標誌。
唔止耐性，我覺得d細路都要面，仲越大越要面，佢都唔想自己太樣衰，好好拿捏呢點都好辦事。
頭痕
但上樑不正(唔執嘢）下樑都一樣
我都有兩個囡，大果個乖細果個都係（大部份時間），不過大的發癲，細的都一定跟住癲
所以試下順便 motivate 埋大女做好家姐榜樣吖