小朋友4歲&7歲
好鍾意幾箱玩具倒埋一齊玩
（Duplo/煮飯仔/公仔/水晶寶石/doll house…）
教佢地玩完一箱先一箱，唔理，係鍾意開曬出嚟
每日間房好似戰場一樣
每次叫親佢地執，都係喊住鬧住發住脾氣咁執
試過用獎勵計劃，佢地只關心得唔得到獎勵，但唔會落手執（例如我定半個鐘執好，下午茶有雪糕，佢地就只會每5分鐘問一次仲有幾耐，然後繼續慢動作執，到夠鐘無雪糕食，就大吵大鬧大喊大叫，要我俾多次機會）
試過嚇佢，夠鐘執唔完就掉，結果掉完，佢完全唔記得曾經俾人掉過玩具
亦曾買過好幾本繪本，引導佢地執玩具的重要，睇完聽完又唔當一件事
我實在無辦法每分鐘睇住佢地有無玩完一樣先一樣
就算睇得住，我提醒佢地玩完要執喎，佢地一係覺得我煩，一係就敷衍我，一係就好認真咁應承我會執，但無論邊個情況，最後都係唔肯執，仲反問我點解要執
請問仲有咩方法？日日為左執玩具嘈幾次，我好攰好沮喪
唔通真係要鎖起曬啲玩具，每次只係俾一樣佢地，玩完還返俾我先換第二樣？（我唔想用呢個方法，因為我覺得玩玩具係開心事，唔應該咁多制肘）
既然係咁佢幾份一齊玩又點解唔得呢？
我細個都係所有玩具掉晒落個手提箱到，玩個陣咪自己搵要嘅嘢囉，其實咁都冇問題㗎
雖然我都想我個小朋友可以好似喺學校咁玩完一份至換另一份
我諗個問題重點係點樣令佢哋自覺執玩具
因為我都遇到同樣問題
一返幼稚園已經要佢地執，提幾次都唔郁唔執，我會用垃圾袋袋哂然後話掉左佢，同埋真係會掉比佢地睇！我兩個小朋友同你兩個差一歲，而家叫佢地執都會自己執好，因為我真係會掉！
樓主上面講左個重點：唔記得畀人掉玩具
Um…兩個原因啦
其一，佢地玩到啲玩具唔見配件，跟住走嚟問我，好煩
其二，爸爸唔接受佢地玩到成間房都係玩具（佢地有一間玩具房，但仲要搬埋啲玩具喺客廳/樓梯/飯廳/花園玩，爸爸唔接受成間屋周圍都係玩具）
其實問我自己，我覺得由得佢地日日玩到一地都係，只要啲玩具唔好離開間房就得
但佢地玩到成地都係lego duplo煮飯仔，我每次望到間玩具房都好忟
佢地已經俾人掉左兩次玩具
有次佢地唔肯執，我問佢地記唔記得上次俾爸爸掉玩具
佢一臉茫然咁問我幾時，我無言以對
其實係咪太多玩具？掉左都唔覺唔知唔肉痛？
會唔會係賞罰方法用錯？
即係話「如果唔執玩具就無得食雪糕」係無效，反而係「如果唔執呢件玩具，咁呢件玩具就會入箱一個禮拜，冇得攞出黎玩」
學校有學生玩文具，我會話「支筆曳，佢令你分心轉筆，我懲罰佢，我帶佢返教員室，你想保釋佢就寫返封求情信/道歉信」
咁又真係寫封信保證唔轉筆，又真係唔再轉。
或者佢哋唔識點樣執？即係望到一地都係玩具，好多好多，唔知邊度入手。會唔會教一次佢點樣執，佢唔專心望住，就乜都停止，冇電視冇飯食冇得沖涼冇得訓，全家人等佢。
呢個係幾玉石俱焚，但幾有效。佢唔急你急，咁你就畀佢食住。要佢自己急自己緊張。
學校好多學生都賴皮同埋無責任心，唔肯交功課/作文，咁我會玉石俱焚，午膳時間我會帶埋飯盒捉住佢，幫佢買定三文治，食完就要留班房做埋份功課或者作文，我陪佢一齊，唔夠時間我就放學後再一次玉石俱焚。等佢自己急放學想返屋企，咁佢就會好快做埋佢。
可惜依家唔敢餓親佢地啊，會畀人投訴，否則餓下就更快手做。
Btw，我好運，第一個姐姐教得好，所以大仔由細都大都知道要執玩具，唔執成箱玩具就收入主人房，即係無得玩。自始之後玩都幾亂都要執（當然大人要幫下手），佢哋求其執晒入箱就得。因為一放大假我就要佢哋大執一次，唔多玩就送俾人。
咁真係太多玩具
以前屋企好少買玩具，去到小學之後就冇再買玩具，真係可以全部記得數得返出黎，所以掉一件都好心痛 
我覺得一般啦
加埋大約兩個ikea三格嗰隻玩具櫃咁多，6個箱，lego/duplo/doll house/煮飯仔各一箱，其餘2箱雜項
其實你不如狠心啲成箱收起，我呢個暑假激到收起switch，我仔知驚，唔敢再打機發脾氣（雖然我老公開番PS5俾佢玩）但起碼佢知道打機輸咗再發脾氣，PS5都冇得玩
掉佢都唔記得啦
如果我收埋件玩具，佢應該都唔當一回事，因為無lego咪玩煮飯仔囉（向好處諗，佢無咩物欲，亦好大方）
佢地係唔識執嘅
已經教過無數次，教完又唔記得
我會拉曬啲箱出嚟放喺地，教佢地一人負責一箱，先執大件唔好click到自己先，再執細件
結果兩個大大的lego版放喺地下，佢地可以照踩上去，然後睇下邊個唔好彩跣低
我試過陪佢地執到11點，喊住扭住眼瞓咁執
亦試過執完先淮睇電視，結果佢反問我點解要執完先睇，因為佢覺得睇電視係佢的權利，要佢執完先睇係唔公平
真係多…
咁所以佢真係冇所謂，要狠心丟起碼一半。係佢面前執入垃圾膠袋，帶佢出街去垃圾站丟。咁應該會好震撼好肉痛。
咁我會俾佢睇電視，但我執既所有玩具都會收埋無得玩，今日無Lego，聽日無埋煮飯仔，後日無多樣，咁你執唔執？
同埋睇電視唔係權利，係娛樂，前提係做好本分（例如做晒功課，執好屋企，幫媽媽手等）
其實我既玩具數目都同樓主差唔多，所以由細到大訓練係重要，同埋要陪佢哋執下，有時幫下手，甚至執玩具係比賽（鬥快執好，都試過鬥執得靜）
從來無限小朋友要點玩，free play, 佢地可以用唔同玩具mix 埋create d 新野出黎，好好玩。
有d玩具或作品我唔會硬收，我會比佢地display 多幾日，之後按約定去收好，前題係真係作品如puzzle 或magnetic tiles 個種傑作。咁辛苦砌完會比d同理心佢地留低1，2晚。
至於收拾，由細到大都要收，無一日唔使，唔收就比爸爸收，好大獲，上櫃頂，有得睇無得玩，要用代價換返落黎。
佢會lur地爆喊，然後覺得我唔錫佢
忘記左講，大女係高敏兒，好易鑽牛角尖
例如佢發脾氣，我俾佢冷靜（已經唔係罰佢）,佢就會覺得呢個世界無人鍾意佢
佢犯錯，未開口講道理/鬧佢，佢已經暴跳尖叫，叫我唔好講野
捉住佢講道理，佢完全唔會聽入耳，只會敷衍我想我快啲講完
（之前有出過post講佢，對住佢真係心力交瘁）
就係因為大女高敏呢點，好難同佢溝通
無論執玩具定其他事項，都係勞氣收場
對佢強硬，佢就會諗埋一邊，覺得我唔錫佢，無人鍾意佢
對佢溫柔，佢當我耳邊風
所以我都唔知點樣講先可以改善到佢
我仔女細個都係咁，但我同佢地講佢地各自睡房加玩具房已經係3間房，呢3間房打仗咁我都唔會理佢地，唯獨係玩具唔可擺去廳同我主人房，約法三章佢地又ok wo. 佢地好細個已知大家有各自領域。
而家我仔女已經高小，佢地房依然係好亂亦唔鐘意工人姐姐執，但眼不見為乾淨，少好多爭執。