聽聞好嘅書包都好貴，其實中價位係幾多？書包應該點揀？謝謝大家
一田暑假應該會有書包展，去睇下，我仔就用lego,用到今年6年級仍用緊。
好書包個range好闊，由300到1k都有
我就求其dr kong, 沙田實有，可以同一田書包比較下先買
一田 同 Dr Kong 一定有，睇你想要咩類型同埋學校有冇要求，$200 到 $1000 都有。
有啲學校話明唔可以有公仔 / 拖拉碌
可以睇下間隔，同埋擺水樽嗰位，有啲網好容易鬆或者低得濟，會跌出黎。又有啲窄得濟或者根本冇位擺，又有啲係磁石貼唔係拉鍊。
理想書包：
裏面 2 個間隔，一個擺功課袋，一個擺書。錦上添花位：有內置左右間隔擺水樽、筆袋，亦有袋仔擺零碎嘢。
外面一個隔，可以擺八達通/回條袋之類。
錦上添花：有手抽，咁樣幫佢攞書包可以就咁當大手袋抽，唔洗孭上身，就好似呢種咁：
另外都要留意個書包點樣保養/洗，裏面有發泡膠/紙板嗰啲就難清潔唔濕得水。
仲要睇埋防唔防水！！！
但都要留意書包本身重量，估計下孭上身嗰陣會唔會太重，有冇扣幫一幫固定書包。
同意樂高書包唔錯：
好清楚呀多謝你
Lego 貴唔貴？
Thanks 請問邊度買？大概幾錢？
我係一田買，暑假一田會做書包文具展，你可以去睇睇，大約500至600元
1個讚
我小朋友用lego書包，同一個用咗三年，喺lego store買，不過見aeon同一田都有，可以去格下價
1個讚
該主題在最後一個回覆創建後180天后自動關閉。不再允許新的回覆。