想搵個平台分享下 討論下
職場上 生活上 身邊 總有某些人是令你很討厭 你們有嗎？
本人有 在職場上 有人 總是撩撩共 咩都賴 佢以為好好笑
我們可以
隨時做好情緒管理
當然，你不去主動招惹別人，不代表他不會來招惹你。在踩到你的底線之前，我們必須做好情緒管理，不要因為對方的小動作而影響心情和情緒，不然這樣不只讓對方得逞，不了解狀況的人看到了，還可能會覺得是你的脾氣差呢！
「敷衍式」贊同
不喜歡的人對你滔滔不絕地分享、炫耀，或是總聊一些你沒興趣的話題，但你又不好意思直接掉頭就走，那就「敷衍式」的贊同他吧！「嗯嗯嗯」、「對對」，見人說人話，見鬼說鬼話，給對方一點回應，但又不要太過真誠，讓對方知難而退。
把問題丟回去
你不想和討厭的人講話、聊天，但對方又一直找上你——那就讓他自己講！如果他問你問題，你不想答，那就把問題丟回去，「你覺得呢」、「我想聽聽你的看法」，除了能避免被對方套話，不和討厭的人交流，肯定也讓你心裡舒服許多吧！
適時的無視
俗話說「眼不見為淨」，當你的生活圈必須和討厭的人共處時，那就不要過度關注他。而如果對方主動來找你麻煩、故意來挖苦你，那你也可以適時的無視他，你不給他反應，他自然而然地便會自討沒趣的離開了。
4個讚
謝謝分享，其實現在面對我同事，我都做緊上面的內容。
希望大家不介意比我呻一下
話說我A同事新來的時候，咩都誇讚人，雖然我覺得有啲假，但總算是溫馴的人，尤其是我哋部門同事全部不是公主病，就是躁狂症，玻璃心（當然表面大家仍和諧相處），所以我和A很快傾得埋，當A覺得受委屈時，我會過來人身份勸解或想方法對抗辦公室的不公平。
漸漸A做了差不多2，3年，我真的不知她是否患了狂躁症，或是本性出來了，開始咩事都鬧一餐，營養師又鬧，餐廳又鬧，保險又鬧… 仲要我聽落其實人哋冇錯。當然我明白A只是發洩，但因為我和她都是早返公司的人，所以我首當其衝日日聽到負能量。
最慘，佢唔單止鬧，仲要加了很多粗俗的助語詞（垃圾、死xx、茂x、Q、K、叉、黐xx…）總之日日新鮮，雖然不是粗話，但我聽到很不舒服。
有段時間，我早上會帶耳塞聽歌，有時佢冇留意又喺度不停咁講講講，我唔覆又覺得好冇禮貌，但我真的唔想聽，所以我都係覆佢單字「哦」「唔」「係啦」。
之前我同A分享，都覺得大家觀念有啲唔同，但始終是2個個體，唔同是必然，但漸漸熟絡後，我開始感覺佢回覆很直，大家找不到共鳴，所以近來我都很少同A分享自己事，而我也開始學A一樣有話直說，唔包裝，希望佢開始感到沒趣，少啲再同我講野
4個讚
同你情況有D似, 唔同嘅係我係新入職, A已做左一段時間, 佢算係幾肯照顧新人, 一直都好感激佢, 以前亦會放假都約出來食飯,
到我開始上手之後, 就覺得A工作能力好差, 特別係一遇到自己唔識嘅工作就會發脾氣,
而好多同事其實都對A有怨言, A人際關係麻麻地, 得我一個肯同佢lunch (team lunch另計), 因為我依然覺得佢私下係好人, 只係工作能力差,
但變相玩死自己, 佢開始持住自己同我熟, 有咩唔識都搵我, 搵我其實OK, 但有時我明明忙緊, 出到聲叫佢陣間先搵我, 佢都依然要我即刻幫佢…
最終我疏遠佢, 以後只保持基本距離
3個讚
BTW, 我覺得同討厭嘅人工作最好辦法就係公事上即量少接觸, 長遠係辭職。
都係一個senior同事B, 全公司都知佢卸膊、篤背脊, 任何同佢合作過嘅同事(同grade or below)都討厭佢。
佢剛好係部門主管愛將, 所以主管明知人人討厭佢, 都會保佢, 結果人人忍氣吞聲。
我被B篤過幾次都無事, 可能因為我會出聲反駁, 亦有繼續升到職, 我係升到同B同grade。
有次卸膊得太離譜, 我直接爆左B一鑊, B唔敢即場駁我, 佢當日有同主管篤我。
主管有搵我傾, 詳情唔記得, 但我有同主管講, 你知我不嬲唔會係你面前講任何同事嘅是非 。
件事當然不了了之。
但我亦覺得太辛苦, 我唔想咁樣返工,
話就話防人之心不可無, 我可以每日都著避彈衣返工, 但唔代表我想拎定支槍standby, 最終亦辭職。
4個讚
但係你不去主動招惹別人，不代表他不會來招惹你。
職場生存很難
所以忍唔到的話只能辭職, 我唔想變成自己都討厭嘅人
1個讚
唉，我都想知。由其如何和跌你一鑊嘅同事相處。我宜家係，hi/bye式相處，問一句答一句。不太講自己嘅野，仍保持微笑。暫時可以接受，因為佢掉咗組，少咗機會相處。
討厭既人無得相處, 只能盡量避或唔答佢問題,
或只答單字就完.
1個讚
當我唔想答或聽既時候我會同佢講我心情唔好,
唔想同人講嘢等佢收聲.
1個讚
其實唔使理佢, 唔比反應佢, 哦, 嗯就唔再理佢…
1個讚
對住d pk同事, 只會無視佢地, 一放工就唔會再諗公司事
1個讚
樓主，我好明你，佢地真係唔明人感受。
今日我回到公司，凳都未坐穩，我的A同事已經同我講姜濤網上的負評，我都有同姜濤平反，同暗串唔好咩都怪姜濤。
A講完後，我戴耳機聽歌，其間聽到A又講，我實在唔想回應，所以扮聽唔到。9:00 我開工除耳機，A都無再出聲。
直到有同事返公司，佢又開始發表佢如何不滿姜濤，又將網上的惡評和相片，不停同我哋分享（與其話發表，不如話鬧更貼切）講到全team都知道姜濤的負面新聞，當然也有位B同事為姜濤說話，亦有暗串，但都無阻A同事。而我就全程無出聲。
講了好耐，以為總於停了，點知唔夠5分鐘，A又想分享網上惡評留言，我終於忍唔住，指桑罵槐地話，「（網上惡評者）唔鍾意姜濤又要睇，睇完又要鬧，唔鍾意咪唔好睇囉」B很認同，局勢立即轉移，到我同B熱烈地討論，B更串話「A同事，你都唔好睇咁多人哋啲留言，唔係你都會變成佢哋一樣」
我哋講完後，A 同事就WhatsApps 問我，我同B是否話緊佢，我本來想扮唔明佢講咩，不過佢話我同B講得啱，她也block 了那些留言，希望以後少啲彈出來。
本來我都不想多說，不過我知A性格，她可能只是表面講認同，未必真係知自己錯咩，所以我都簡潔地覆話：佢今日鬧了姜濤一個鐘頭，那些留言真係好影響佢。
其實我都未同佢講，近來佢每星期總會有2，3日鬧Anson Lo ，得閒又批評姜濤肥。
而且不是親人都這樣這樣不滿，更何況她接觸的人（朋友，家人，工作上接觸的人，營養師，醫生…）所以她可以日日同我地講/鬧別人的不足，真係負能量爆燈。
