奶奶已經70歲，自己有BNO，佢細仔自己已經過咗英國。
依家啲人話長者比較難批Visa，我諗佢自己一個申請先，批咗我地一家4口先再申請，因為如果同我地一齊申請，佢唔批，我地最終都係要留底香港，我先生唔會掉底佢。
自己有bno當然獨立申請
如果將來佢唔慣要返香港 都唔會影響你哋嘛
2個讚
咁我地應該等佢成功批咗先，我地自己之後再申請？
如果佢係重要因素決定你哋去唔去到
就佢先申請 批埋 你哋先申請會好d
一家四口申請費用都過十萬
有咩事佢唔批你哋咪冇咗筆錢
2個讚
明白，謝謝！
我都有申請長者bno, 一樣好快批
1個讚
不嬲都係，有後生 照顧嘅 長者 易批 過 無人無物嘅長者。
有心一齊去生活，你哋都係一齊申請。
1個讚
BNO Visa 同其他Visa 有D 唔同，只要你有BNO 身份，同埋證明到你有足夠資金維持英國生活，而個人亦冇任何刑事、被其它國家拒絕入境、遣返既記錄就一定會批，同年齡冇關係。
就你個case，其實一齊同分開申請應該都冇問題，因為到申請ILR 時，年滿18 歲既申請人唔一定要同主申請人一齊申請，所以就算到時長者真係唔適應生活而要返香港都唔影響你地一家申請ILR（provided that 你老公即係主申請人唔會要跟奶奶一齊返香港）
不過我自己的話，既然奶奶都有BNO 身分，除非佢個銀行statement 唔夠資金證明，否則我都會揀分開申請，等佢批左先，因為咁樣應該最穩陣。
2個讚
難批嗰D 係冇BNO 身分既adult dependent。
咁佢夠資金，我就係好似你咁諗，佢批咗！我地再申請就穩陣！