我同bb 三年黎一次都無中過
上星期食完飯我99 話自己唔舒服，病病地
點知轉個頭就見到佢錫緊我個囡
結果第二日佢快測兩條線
再之後個日我囡就發燒，結果中埋
我真係好嬲
我個囡燒咗4~5日，又狂咳流鼻水
佢未試過病到咁
我99 佢就咩病徵都無，仲要四日就一條線咗
佢無事就去風流快活玩
我同bb 就病到咩咁
仲要講埋晒啲勁 un 耳既說話
" 下，仲兩條線緊？"
我呢幾日完全無同過佢講野
我知就算今次唔中之後都有機會中
但係點解明知自己病仲要錫個小朋友
係咪少少常識都無
到底係咪我太小氣，嬲黎都無用？
兩件事,
1, 任何人病左最好唔好有親密接觸
2, 唔理傷風感冒定covid都有潛伏期, 佢錫左你個女, 第3日個女就病左, 咁都幾肯定唔關老人家事
唔關小器事…
但又真係嬲嚟都冇用
叫老公同佢講啦
FYI, Covid 潛服期快到可以係一日
我老公同個中咗嘅朋友食飯，兩三日就出病徵
所以可以係好快嘅
小朋友係好易中…感冒傷風嘅
有時小心D係需要的
真係嬲黎都無用，同埋某程度上其實遲早都會中，所以佢今次唔中，下次都可以有唔同既機會中，依家我覺得最緊要提高抵抗力
就算佢冇錫，你哋一齊食飯都會中㗎啦，是福不是禍，是禍躲不過。
一件還一件，不過我應該都係同你一樣個心會嬲左
因為見到個女咁辛苦會好心痛，好難唔小氣的。
你哋係咪本身分開住，但係佢明知自己唔舒服都一齊食飯？
同樣嘅事情發生過係我身上，又係啲不負責任嘅態度，只不過主角唔係奶奶係其他親戚，我都係嬲到痴線
所以你冇小氣，我估調返轉你唔舒服，你都唔會咁樣近距離接觸人哋個BB
算吧喇
鬼叫果個係你奶奶
嬲又點你可以點？
放過自己喇
我明你嬲咩，比我也會唔開心
如果小朋友返學，因為同學們的衛生意識唔強，被傳染都甘心命抵，
但奶奶已是大人，明知自己唔舒服，唔理是否中，有病徵都應該戴口罩，自己小心避免傳染其他人。
尤其小朋友病，大人最辛苦，唔單止擔心，餵藥，定時檢查體溫，控制小朋友因病而產生的情緒…. 真的有苦自己知。
最後你奶奶那句，真的好無同理心，好似兇手拮完人，過幾日問傷者點解仲係醫院（比喻可能誇張咗，也知奶奶不是專登，不過我明白病者的痛）
我覺得係可能本身都唔鐘意奶奶所以會放大啲事。但我都明。
你可以諗下如果係你老公唔舒服但錫左bb你會唔會一樣咁嬲佢？又或者小朋友係係學校同人玩得close中招。
佢無衛生常識低，需要再教育
平時佢係咪都唔係好理個孫? 我聽過朋友講又係6299唔衛生搞到個b中招，見到粒孫病得辛苦就痛改前非。
係咪太小氣=唔係啦，做人呀媽見到自己小朋友捱病緊係會心痛
嬲嚟都冇用=係呀，第時大把呢啲情況，嬲唔到好多次，唔一定係奶奶，可以親戚、朋友、老公、甚至自己，避無可避的。
唔好嬲, 其實而家係好易中, 就算唔係你奶奶,
有可能你老公中左唔知都會傳比你囡或你…
又或者你係街中左唔知傳比你囡, 咁你又係咪
一樣咁嬲? 加上你都話你奶奶無乜病徵只係好
似病病地, 咁佢一時無為意就錫左你囡.
好似我囡和老公咁耐都無中過, 都係早兩個月先
後唔同時間中左, 咁唔通我又要嬲佢地點解攪到
中左??
又未必關你奶奶事，好多人中左都照返工返學，有啲冇病徵，真係防不勝防。所以唔好嬲啦。
但係唔舒服就真係唔好錫錫，吾計Covid ，傷風感冒都會容易傳染。要你老公同佢講聲，呢啲係基本健康常識。
嬲係正常喎, 明明係自己有嫌疑惹到個孫仲要講風涼話, 呢d 真係唔識做人喎
該主題在最後一個回覆創建後180天后自動關閉。不再允許新的回覆。