個個站都有人影相,搞到好似 Pokemon Go 咁要轉一轉影一影有贈品送咁。
如果係會展、西營盤呢啲新啲嘅站影好 make sense,旺角太子深水埗都影係咩事???
1個讚
遊客?
漏咗兩個字⋯⋯ 大6
4個讚
尋日搭地鐵去到太子站,出咗車廂行去扶手電梯,嗰陣車門仲係打開緊,好多人仲落緊車,亦有人跑緊入車廂。突然見到前面距離我十步左右,大約有七八個人,三四十歲帶住幾個細路,成班背住車門企哂響度,攤開哂手擺pose 影相,我心諗係咪有病?ar鬼住隻門,阻住人上落車!到我行到佢哋旁邊,車門好快就doo doo doo關埋咗,影相幫其中一個女人好驚咁指住隻門大叫,響門入面D人又好錯愕咁拍住度車門,然後架車就開走咗
5個讚
其實去過唔同國家搭地鐵,又覺得香港嘅地鐵站裝修算係幾好
大部分月台有冷氣,個個站都有電梯+升降機,仲有玻璃幕門隔開月台同路軌
好多國家嘅地鐵都唔會有咁樣,所以有遊客影相都唔出奇
3個讚
喺家長谷見過最近好似有個活動係鼓勵爸爸帶子女去玩,要喺16個地鐵站打卡,有獎,唔知關唔關呢個活動事
我仔3歲, 佢好鍾意mtr
如果去一d佢未去過既站, 我地都會嗌佢係站名下面影相, 好似儲野咁
2個讚
我仔3歲時又係咁。可能男仔都係鍾意D車,火車,巴士。。。。。。
佢初初學中文字都係地鐵站名。太古,太子,中x(環字太深,唔認得)
該主題在最後一個回覆創建後180天后自動關閉。不再允許新的回覆。