我台灣做，初診時拎曬針藥返香港先，之後email報M，在香港搵醫生照超聲波 & 仁健抽血(驗荷爾蒙)，即日會有email報告，email返俾台灣，台灣會覆返你幾時開始打針。每隔幾日就響香港照超聲波 & 抽血，回報俾台灣。我諗好少中間會改針藥，最多係打多幾日或減打份量，唔夠針打既話，佢有香港合作的醫生可以買，不過就貴好多。另外，也可以搵代購去台灣診所買針藥帶返香港 或 搵 去台灣ivf的香港jm幫忙帶藥
我今次係自己打算連抽兩個cycle，喺台灣做就飛多轉咁啫，都ok，但冇諗過今次得一個卵泡，都唔知取唔取到卵… 同埋咁樣嘅話，我可能要再抽多幾個cycle，因為我想起碼儲到4-5個胚胎…
係，但喺香港照超聲波同驗血都貴台灣好多，我自己工作flexible所以會留台完全整個療程，但下個月新年就真係行唔開… 屋企人唔知我做IVF，飛親都要諗藉口去解釋…
明白呢個煩惱, 我地都經歷過呢樣野, 我響香港做, 一個cycle 都要睇幾次醫生同埋做手術, 奶奶成日check 住我星期六有無睇中醫呀, 我老公出左去邊咁樣, 真心煩。
但又唔想俾佢地知, 佢地知肯定大驚小怪, 更加問長問短, 所以果陣老公都索性呃佢話我地去睇中醫算。
你要離開香港飛台灣, 相信你更加煩。
感覺到你既無力感, 希望你今個cycle 都可以抽到多d 卵啦
1個讚
好開心今朝一早起身見到大家係度嘅貼文
明天就係台灣做第一次植入 因為高齡嘅關係好心急同緊張 希望一切順利
你睇邊個醫生？聽日植入幾多個day幾胚胎？
植入後休息多D，你老公應該同你一齊去？到時所有重嘢行李畀佢拎呀，祝好孕！
送子鳥的謝醫師
我得兩粒胚胎因為高齡 醫師都同意嘗試植入
胚胎係D5&6 5BC
兩老陪我嚟 老公心掛掛但請唔到假
你兩粒都過到D5即係質素都應該唔錯，放晒兩粒入去，成功率都應該會高d
我都係高齡卵少，過去兩次取卵結果都係得一個胚胎，醫生都係建議D3植入/雪藏，因為驚捱唔到D5… 第1次嗰粒係8A植入咗bingo後流產，剛剛呢粒8B雪起咗…
大家一齊努力
尋日植入完 希望兩位b 捉緊子宮
咁啱撞正新年想留耐啲都唔得
如果行得開留響台灣照超聲波&驗血係好D既，又平好多，不過計埋住宿&三餐可能差唔多
新年好好休息下吧，養好身體先~
過去兩次取卵結果都係得一個胚胎> 塊引用
jm你下次再開針時，會唔會同醫生傾下轉針藥，或加大劑量呢? 我見有D jm每日打兩枝，或打生長激素針，效果幾好，本身卵少都可以抽到多D卵出黎。因為我咁啱排到公立做，佢知我台灣失敗，又係卵巢早衰，佢幫我打最高劑量，一開始照有4粒卵泡，最後抽9，5粒成熟受精，到Day 5有2個囊胚
1個讚
唔好畀自己粗勞，要食飽瞓飽心情好，祝好孕~~
我有問過醫生使唔使加大劑量，佢話其實都係呢個劑量，加大唔一定好，我有時都會一日打兩枝針，同埋過去做咗兩次，其實每次佢都會開唔同針畀我，我都打過起碼3-4種唔同嘅針，感覺佢都係幫我試緊邊隻有效d…
So far除咗有一隻針係打左3日都完全冇反應外，其他都會有反應，但唔會話本身得4個卵泡會谷到有9個10個，通常只係會見到佢哋有長大，但數量唔會多咗，啱啱呢次一開始得1個卵泡，打完一輪有變咗2個，但新嗰個好細粒，雖然最後成功抽埋出嚟，但都受唔到精。
有問過生長激素，佢話個名改得好聽，但其實作用不大，佢話佢以前有用，但而家已經唔用，因為覺得冇用，咁我都只可以聽佢講，佢唔開畀我我都冇得迫佢…
不過咁樣聽你講完，我都覺得如果我做咗兩次都係抽得兩粒卵，得一個胚胎，其實係咪應該有其他療程方案呢… 如果keep返都係咁，我每次得一個胚胎，逐粒儲又逐粒雪(而家計劃係儲到起碼3-4個優質胚胎先開始植入)，其實真係幾嘥錢同嘥時間…
明天就開獎 喱幾日都好似無乜感覺咁
係今日返工好攰之後….希望明天有好消息
1個讚
有冇中?
謝醫師會唔會好難約？好似係台北院長？
我有聽講好多人自己一個人離植入，你有屋企人陪好好架啦！！
你係去台北定新竹，去台北可以順便周圍玩下都唔錯呀~
無喇
走個日去check HCG有著床
但返到嚟過完年再check 無咗……
我去台北 我都唔知難定唔難 因為每次都係安排定嘅 但有機會夾唔到時間就會係第二個醫師做檢查咁
去到都無咩特別心情行 好focus 咁做正事
不過我諗再嚟就會唔同 心情應該會放鬆啲
唔知jm你依家點呢? 我覺得如果同一個醫生做左2-3次都唔OK，就要試下轉醫生了，可能佢既方法唔係好啱你
我地少卵做IVF真係好困難 
要做好多次集胚胎，雖然心很累，但都要撐住啊 
黎緊3月中，我第一次放胎，無PGS過既胎真係唔敢有期待 
如果失敗，我都諗住轉第二間華育試下
你喺台灣留到驗血先走？
Take care… 我嗰時5w冇左，咁早期其實真係冇咩可以做到，希望你可以盡快重新振作繼續努力，祝好孕~