A公司一個月前比左offer我，但B公司既offer人工高D返工近D, 於是我通知A公司個有另一個offer所以reject, 佢都好好咁話將來歡迎我再apply佢公司既職位
過左一個月後, 今個禮拜開始返B公司, 但覺得好伏, 同我expect既有出入, 睇完個duty list覺得workload多, 自己會handle唔到壓力大, 加上今日食welcome lunch D同事話我上司唔好, 我個位難做, anyway諗住短期內會走人。我見A公司仲出緊post請我之前apply個位, 好唔好打返去問下佢請左人未, 但驚人地對我印象唔好, 又唔知點樣合理解釋我咁快quit左B公司份工, 對方先接受我解釋。
有冇人試過? 可唔可以比D意見 
A 公司對你感覺一定差，請唔請返就睇個 post 做咩嘢，如果係中級管理層，或者係有機會重點栽培的位，我係老細唔會再請你，因咁大件事可以咁草率決定。
我會試下，反正nothing to lose
唔知乜嘢職位。換轉係我會咁做：如果同A公司傾都係on good terms唔係寸寸貢會再聯絡問下，老實講情況，誠懇啲講，越高級越需要，唔使卑躬屈膝。我請人唔會介意，打工求人工福利工作環境，請人求做到嘢靠得住員工。做到咁上下級數大家明白。
A公司係junior既職位, B公司高少少但都junior, 我o個行都難請人, 所以想博下
除左樣衰d其實都冇損失，why not
高級位都咁話啦，你估而家請人容易咩
junior位, 照直講的話呢…驚佢覺得我handle唔到heavy workload同壓力, 所以諗住講下自己有點試去盡力。例如話條team好亂, 多人走唔stable, 又冇人handover冇人教, 全部自己摸索, 我有盡力去睇公司好多既guidlines, OT去完成工作, 但睇唔到條team會有改善
係呀…其實我o個行都難請人, 成日見D post出完又出都未請到, 我仲要只係junior post
我會揾返A 公司，反正B 公司做唔長， 遲早都要搵過份
成日請人，小心又係伏工，如果2者皆伏，揀份人工高嘅
Sorry講得唔清楚, 我意思係我o個行D公司普遍都成日出幾次post都請唔到人。
我都怕A公司伏架, 但interview時聽佢講D job duties都簡單, 所以當初我都心儀呢間多D, 係衰自己貪錢揀左高人工D既B公司 
但去A公司做的話, 都有個壓力係就算伏都覺得唔可以再咁快quit, 畢竟人地比左機會你, 同埋都怕人地目光。
即係個損失係有機會係份工又係伏但人工低左，同時又唔可以走住，咁你可以衡量下
全中…所以A公司我都有D猶豫…但B公司呢份3個月內一定會quit, 因為7日通知, 依家係賺得一日錢得一日既心態
有，不是我，係我朋友。很多年前她AB 公司兩個offer都鍾意，叮噹馬頭，最後因為b 公司名氣大揀了它b。點知金玉其外，個老細變態超賤只識鬧人，眼見就嚟過三個月試用期，之後辭職要好耐，問我如果打番去A公司問下請左人未好唔好。我當時反應係“下？錦都得？好面幪wor”
最後她成功去了A公司，一直做了很多年。。。。
唔試過又點知，就算你再搵下一份都可能會伏。打咗去都叫仲有機會，唔打就一定無機會
出去再搵下一份就算伏都冇quit壓力，但A公司伏的話始終人地比左機會你，份工又係自己R返黎，覺得唔可以quit，呢樣有壓力
如果你呢行咁缺人，咁你不如搵過份新工咁就唔驚又伏又唔走得嘅問題
我呢d junior位又要o岩requirements 既出面選擇其實唔多，都要搵一排架，之前我都搵左4個月
最忌講其他公司有咩唔好，簡單一句話返咗幾日覺得唔適合會好啲
Go ahead! 你有冇 hiring manager email? (assume 你 interview 嗰陣有攞人地 name card send thank you email?)
可以直接 email 佢問同 講返 你而家 status 係open to new opportunities
同埋上次 interview 覺得都好適合，相信自己嘅邊d experience 都會幫到佢同條 team 手。
再講返自己 availability (immediate? 2-week notice?)
然後問佢 HR 嘅 offer 會否仍然生效，如有需要可以隨時致電xxxx 搵你 further discuss.
我係請開人幫我嘅。呢啲情況我會問清楚 candidate 係咪諗清楚揀我哋公司，問下佢當初 turn down 原因，再講清楚 onboard 後 會有咩 challenges and expectations
如果 candidate ok 我會照請。我會幾欣賞佢識返黎問，同主動解決問題。