最近，成日都聽到好多人話北歐風、簡約風、宮廷風等等。大家依家屋企既裝修，會唔會跟返細細個「Dream house」咁去設計啊?
其實宮廷風都真係好華麗 (好似下面個間咁)，有氣派，夠照！ 
如果屋仔細細都應該裝到部份。 
真係宮廷風既傢，可能餐椅都入唔到普通香港單位既大門
成日都提空間感既設計咪就係因為無空間 
6個讚
我地既空間感，就係太空倉一樣既空間感
如果揾裝修公司, 佢會比啲唔同 style 既裝修圖你睇, 你講邊啲鍾意, 邊啲唔鐘意, 佢就大約知你傾向咩 style 
認同樓上香港啲屋太細, 好難做到正式宮庭式, 所以香港成日話揀 “輕奢” 風 
即係簡約中加少少 detail 位咁 (特色牆呀, 加啲金色線條)
諗起流星花園嗰幕
以家上網睇樓可以睇埋AI裝修，咩風都有
咪就係照岩岩所講，睇完都係「Dream House」
希望可以整到一間迷你版。
係咪想考我記憶，之前已經有個類似嘅po
啲相都係同一間室內設計公司嘅網頁度搵到
其實你係想賣廣告？定係衷心好欣賞呢間設計公司？
6個讚
真係唔知道…
所以出左好多土豪金、血紅、寶藍既傢私
係喎，我離左題，dream house同現實拉埋一齊黎講。
可能我怪，由細到大都無dream house諗法，審美既野隨年月環境都會有改變。
好鐘意睇日本空間果套同埋Netflix d家居片，但無乜style係特別鐘意。
作為一個窮L，依個時候我想要既傢俬要易抹平滑，唔好咁多凹凹凸凸位積塵，唔好同我整個文化石牆吸塵吸死人，燈飾要簡單，絕對唔要一粒粒水晶燈，逐粒抹抹到喊。
必要要求，要有張可以HEA既SOFA，書檯同書檯櫈要舒服同岩高度。
以需要為主，可能都係簡約風呱。
1個讚
其實姨媽傢私都幾正。
1個讚
曾經睇過一個放盤… 真係全宮庭式 (印度人業主)… 實在唔識欣賞… 我滿腦都係度諗 “呢度全爆再裝修究竟要幾錢先埋到單”
1個讚
有冇睇過印度電影，佢地既宮廷式設計同歐洲真係宮廷式設計，完全係兩個Style~ 笑咗
之前有朋友SHARE過條片(搵唔返)，公屋單位豪裝，鐵閘拆左淨用木門，入面寶藍(藍藍綠綠咁唔知叫唔叫寶藍)+大理石紋磚。
朋友話覺得好靚，似酒店，我答佢似酒店大堂咋喎，然後佢嬲左我。
係靚既，唔洗吸塵唔洗抹既話我都鐘意
最憎~
我只需要簡約~ 白~ 米白~
1個讚
哦，即係你都認果個po係你開嘅
咁又點解要用第二個acc再開個類似嘅po呢？
其實啲設計真係好離地，放向示範單位就得，設計係普通住宅真係唔實際
不如設計過先圖先再嚟賣廣告啦
2個讚
我意思係，唔知有個咁既post
日本人屋企Style 咪岩你囉~