以前喺香港專心供樓，冇乜投資概念。 而家移左民，賣咗香港樓拎咗筆錢，反而唔知點做好。有冇識投資嘅高人可以指點下，應該點衡量做邊樣投資？
如果有舊錢， 已有自住樓，移咗民之後你哋會選擇full pay買個細屋仔收租？定係留啲錢做定期？ 定係買啲穩陣美股 (例如Brkb?)
計過數，喺外國買樓收租扣除交稅 & 其他成本 , 每個月賺得少過定期。 不過叫做有多間屋揸手， 同埋博樓價 / 租金長遠會升，長遠會再賺多啲。
應該點衡量？
買樓係不動產, 活動能力低…
定期而家最簡單
3個讚
樓有名你叫不動產，即係話樓呢個資產係唔會隨意買賣
買樓投資係香港人一直思維，最主要原因係正如你講，香港人投資知識相對底，其次香港地理問題，加上過去香港樓價曾經出現大升（尤其是sars時入貨個批）無論樓貨點跌，呢班人都重有賺，做成心態上買樓必賺道理
你呢筆錢有無咩特別用途？ 唔同用途都有唔用手法處理
你講得冇錯，以前年代香港好簡單，儲到錢就買樓，之後專心供樓或者再買多間。 樓長遠一定升唔使諗太多嘢。 而家移咗民，做咩投資都要交重稅，買樓收租又交重稅，淨袋得唔多，都唔知做乜好。但求穩穩陣陣抗到通脹。 做定期息扣埋稅其實都冇通脹咁高，不過叫做好過冇。
而家自己住嗰間都係細樓，其實有諗過攞呢筆錢出嚟換間好啲嘅屋，不過自住樓太貴，又好似好”side”。 人工可以到cover日常生活開支. 另外已經預留咗筆錢做備用錢。
所以多出嚟嘅錢10年內都應該冇咩用途 ，起碼等阿女十幾年後去外國升學先有機會用。而家有一部份做定期，一啲喺股票度。
如果買收租樓，計劃唔放樓擺到老架啦
間收租樓留比仔女？
我覺得仲要維修又盛，吉屋都要交稅
呢面嘅樓話升，都唔係好似香港咁大升，但如果純賺租金，其實都唔覺好抵
其實好多人誤解咗移民就咩都拎走哂，其實應該留返部份資產係香港增值，但好多人都唔識點做
1個讚
好多人係唔睇好香港而走
唔係唔識，係唔做
2個讚
有咩方法可以喺香港增值？
好似港股又唔好，樓又唔好？
有時見到啲新聞，大陸經濟差，人民幣跌，恆大爭銀行幾萬億，銀行唔俾人拎錢之類之類。 唔知會唔會將來大陸搵香港開刀 。 最壞情況連香港銀行都限制匯款 。 希望唔會發生啦
1個讚
睇返英國加拿大，樓價升幅仲西利過香港，唔止香港買樓必賺，全世界好多地方都係
如果睇返近30年升幅，其實係勁過香港，租金又升得快，原來外國樓好玩咁多
如果香港仲增到值就唔使全家走啦
留名學野
買樓唔賣淨收租唔好嗎？
如果人在香港，我會：
- 做定期(Offshore bank).
- 買美國十年期國債
- 美股
5個讚
我人未走但係搬緊啲錢走
1個讚
好多人因為香港政治環境而走人，係好正常，但以投資角度睇，香港仍然有機會，呢D就係唔好因為情緒而影響投資，首先，搬哂錢去外國無話啱定錯，個人喜好，但有一點肯定，就係幾錢由底稅率地方轉到高稅率地方，簡單講一點遺產稅問題，至少40%以上，假設你搬咗100萬資產過去，你嘅下一代/家人就已經需要40萬去應付遺產稅，遺產稅唔可以由死者資產扣除，其次係投資知識，對外地嘅投資工具，相關資料熟唔熟？ 就算買樓收租都同香港情況唔同，業主嘅責任比香港多好多
有人會話，怕銀行將來會好似大陸咁限制匯款，呢個情況一定唔會發生，原因係香港仍然係內地有錢人走資唯一一個途徑，何況錢唔一定要放係銀行度，有地方係一定走到錢嘅
1個讚
這點不是英國的！
1個讚
哈哈 如果咁肯定 不用移民啦 留在香港繼續搵錢 投資 生活啦
5個讚
英國遺產稅40%
認真？？
1個讚