1516緊大房定半私家， 但又怕半私家會一下子貴好多，怕失預算
好似所有服務同物資收費都會跟房間升價, 唔係淨係間房貴左. 太多年前唔記得了.
不過半私家房真心舒服. 有私隱, 唔怕隔離床多人來探訪會嘈, 想靜靜休息都唔得. 自己落床行又多空間, 心情都舒暢d.
1個讚
半私家物資同服務係相應地再貴啲
建議可以睇下你間醫院啲房本身係點再考慮
我幾年前雖然係大房, 但一間房只有4個床位, 而且整個5日4夜都係一半使用率, 包括我自己, 所以都好舒服 (而且當年啱啱裝修好, 幾乎全新)
另外, 去得私家都要預多啲budget… bb 有咩事, 發燒, 黃疸, 照燈, 氧氣箱 etc 樣樣都同你計… 呢啲話唔埋
2個讚
我個陣係大房
隔離床媽媽日日都好多朋友黎,仲都幾大聲…
有時多人到個簾都郁埋
想休息時,咁岩撞正人地黎探都幾嘈
不過有d都識做既, 會分批/安靜d/快閃
睇你撞唔撞得正咋…
同半私家好似樓上都有提,一升級就價錢樣樣升
不過可以度一度價先, 有時唔爭得遠既咪比多少少,休息好dd咁
住二人房，隔離床d親戚多到冇試過冇人，探病時間由早上10點到晚上10點，冇靜過落黎。聽左幾日，佢屋企狀況親戚八卦咩都聽過哂，真心辛苦，冇得靜靜地休息
睇你去邊間私院啦
去法國 三人房得自己一人
幾間三人房都係咁
六人房就大約4個人勁嘈
價錢差少少咋
睇你遇到同房嘅係啲咩人，
生兩胎，第一胎住二人房，第二胎住大房（疫情期間6人房只住4人）
第一胎住二人房，果時未有疫情，基本上任何時間都可以探訪，隔離床啲親人勁嘈，嘈到都唔可以好好休息
到第二胎疫情下，每日只可以中午同旁晚探2個鐘，下午時間冇訪客成間房都好靜，我哋3個媽媽都勁瞓，瞓到旁晚餵奶時間先起身
所以我覺得生第二胎休息時間仲多咗，住大房都冇乜所謂，反正都係拉埋塊簾自成一角
其實私院生BB筆數， 你點預都好難準。如果你想順產， 到頭來又唔一定人人都如願。又例如醫生費雜費等等本身就無得預
其實你可以問定醫生價錢，有個大概數住大房埋單幾錢，半私家埋單幾錢
但冇得怕失預算架，醫療嘅嘢好難講，任何突發情況都會令到埋單貴好多，但又冇得避免
聽過唔少有突發嘢發生，本身幾萬埋單變咗廿萬埋單
同意大家講嘅，睇你好唔好彩。
我ok好彩，早幾年，我間大房住院期間前後最多四位產婦。好似都係開刀既。佢哋啲親友們探訪都大致斯文安靜。
我果時有買生仔保險 萬一遇到大失血呢d就會有得claim 好似都係700蚊度 樓主如果怕遇到突發情況會大失預算既話 可以去睇睇
1個讚
大房唔係指6-8人?
半私家2人?
私家1人?
養和半私家係單人房但洗手間幾個人share
十幾萬我都聽過, 不過成廿萬真係失預算, 知唔知係因為食全餐? 定係醫生費? 定係紅日?
保險會唔會有D野包, 有D野唔包? 又或者有QUOTA 可能會CLAIM 爆?
間間醫院唔一樣
港安冇6人房，只有3人房，已經係普通房
咩都有可能架，生bb無論開刀定順產點都係有風險
私家醫院做手術果啲係好貴，做一個手術閒閒地十零廿萬
萬一有緊急嘢又轉唔切去正苦醫院，都局住要向私家做埋
總之醫生報果個價只可以係參考，你自己要有額外預算先得
如果好擔心，樓上sis話買保險都係700蚊，我覺得買得過呀
我只可以講我之前仁安生既經驗 仁安有同間保險公司有合作（我唔記得邊間）係等產檢果度有小冊子拎 入面有寫晒條款 睇完你覺得岩就可以拎比你個接生醫生填 填就去比錢就得 我記得有分兩部分 媽媽同bb 我果時睇過d條款 bb實在太多野唔包 所以我淨買我自己