就係囉、有樓有積蓄仲有家人在英、真係無咩好驚
英國local生3或4件都無咁多savings
樓主,你手頭上既條件.家人,錢,屋全部都有。 已經優越過好多Local 家庭和香港家庭,唔明妳擔心d咩呢?其實妳係咪想showoff?
我都覺佢係show off緊
有層唔使供的樓加200萬,唔好話local,好多移英家庭都未必有,仲要講埋自己唔讀書都3大畢業,阿仔又天資聰穎到一定要入grammar school,都明白係想哂哂佢嘅
仲有想講下唔係叫grammar school就係好野,其實好多grammar school成績都唔夠一間好的state school好,暫時成績超班嘅grammar school我未聽過係唔使谷就輕鬆入到
我絕對冇show off既意思
叻人讀書時見唔少,有類叻人係唔讀都超叻,日日打機唔交功課a-level照拎a。又有類叻人超級勤力,學識淵博似字典。仲有類超叻人輕輕鬆鬆讀下書,IELTS滿分咁滯,直入Cambridge。又有d同學出黎返工好識人情世故,升職好似火箭咁快,或者精於投資,閒閒地轉手賺一大筆。我通通唔係。只係普普通通勤力又唔夠人黎,聰明又唔夠人聰明,周圍都係三大畢業,又唔係名校,冇咩好show off
200萬cash講多又唔係多,之前識個鄰居帶住幾千萬過黎,老婆一個話唔岩心水,就去左另一個城市買樓,買樓似買菜咁快手。又有個仲後生過我,帶住700萬過黎。
我d錢仲要扣埋裝修同雜費呢?最重要係我發現老公身體狀況開始轉差,想過去俾佢休息一段時間,但計過數又唔可以抖咁耐,同埋積蓄用左就冇,英國好難再儲錢,諗諗下就覺得困局。亦好怕連累個小朋友。但感謝樓上建議,可以過去做活期息,咁可以幫補下
開始要提自己:最緊要一家人平平安安
我有對比過附近既學校,附近state school中學真係麻麻地,grammar school成績好一大截
當然唔係好勁既grammar school,但如果入到已經好開心!
完全唔覺樓主show off. 人見到有人情況比自己好但訴說憂慮, 就好易認為對方show off. 但憂慮根本係每個階層都存在的問題.
感謝你
我都唔鍾意人地講自己困難, 尋求意見同協助, 有人環境更差就唔俾人訴苦.
尋日個post兩個人收入唔穩定,20萬想揀uk/ca
依個post full pay買左樓有200萬cash就擔心未來
我地依度涵蓋既階層都幾多
我全部移居的朋友唔止這個數, 大家一樣有憂慮, 不過同溫層互相理解.
絕對係 大把人比我更有錢,200萬真係唔多
相信響香港賣左層樓走既好多都拎過千萬走…憂慮係相對少啲…
大肚係好多顧慮、唔想太harsh, 只係想講有幾多人係滿分直入Cambridge、手揸幾千萬、買樓如買菜、人比人比死人、咁都話連累小朋友、你叫其他比你差既人情何以堪
但其實佢都上左船,有時見招拆招,佢嘅環境攪得掂嘅
佢唔係仲係香港咩?其實佢咁驚真係不如留係香港搵錢先,係英國好多問題都係用錢解決,見銀行個數係咁跌我怕佢到時更加承受唔住
佢唔係show off 嘅,只係過份擔憂喇,其實如果其中一個肯返工,生活唔係問題啦
讀書嘅嘢,睇定d再計劃都得
我都唔覺得樓主show off,上網成日見到啲人話賣完樓拎住過千萬走,咁樓主得2百萬擔心都好正常,而且孕期受荷爾蒙影響係比較多野擔憂
但到底係咪真係「大部份人」拎住過千萬走呢?
我係壞人,我想講有D人係
留港又有留港驚既野
移英又有移英驚既野
移加又有移加驚既野
決定A又決定A驚既野
決定B又決定B驚既野