唔好意思又係移民post
英國買左間細屋仔，積蓄大約剩返2百萬hkd。有個小朋友k1，肚入面仲有一個就黎出世，陀得唔穩，我岩岩辭左工幾個月。老公唔係高人工，非專業人士，細既出埋世應該儲唔到錢。
預計下年尾BB一歲時走
可能我大緊肚情緒不穩，最近一諗到經濟問題就狂喊。好多朋友話keep住二百萬cash唔駛咁擔心（我覺得唔多），過到去我有排都未返得工，又預計老公要一段時間先搵到工
好多人叫我等多陣先走，我唔想再等，我想小朋友直入reception，唔想插班，而且我唔想再留香港，但我知帶住兩個咁細既去會好困難！
我抗壓能力好低，好容易情緒波動，但我真係想走，大家有冇建議俾到我？
（我老公好支持過去，佢俾我揀時間，佢話幾時都得）
你已經有屋住，小咗比租嘅壓力，已經差好多。你住喺邊區？如果唔係倫敦，物價應該低D
二百萬唔大駛都可以用好耐，小朋友細去附近公園放下電都ok，返學冇乜駛費，公立小學只係買校服駛得多錢，書薄文具學校有，午餐可以自己pack lunch
如果你擔心，可以定個目標比自己，最多用到50萬左右就係要搵到工，同埋唔知你老公做開邊行，可能好易揾到呢個？
到埗要裝修間屋可能已經冇左好多錢
唔打算大裝修，但英國裝修好貴 地板要換、廁所又要換，牆d油甩甩地又要油過 仲有傢俬呢？
仲有佢補習錢呢？我打算俾小朋友試下考11+，補習錢又好多 想俾個機會佢考下，因為暫時見佢讀書有d天份。諗諗下就驚入不敷支
但我真係想走，唔想再留
去到先出世？
初生真心搞唔掂，最早一歲先帶佢走
唔太興補習嘅，唔好迫得自己太緊
人生流流長，1年半年唔係乜嘢大問題
但呢個你之前有冇預左？屋都買埋就去馬啦
有呀！grammar school附近好多補習社
但唔會人人都補，睇餸食飯先
唔好急亦急唔嚟
有預左，但冇預到臨時整多一件 即刻條數打亂哂，香港支出即刻變多左，去英國支出又會多左
BB 駛費，要計計
你小朋友而家先K1, 佢year 4左右先需要預備考11+…不如你放鬆D, 你咁早就擔心咁多野, 對肚入面既BB都唔好, 佢會feel 到你既唔開心
大嗰個先準備入reception ，仲有幾年先考11+，過兩年睇自己經濟環境先再決定補唔補習啦，自己見步行步，補習又唔係必須品
Year1開始就有11+練習，我都未考過唔識教佢，但我已經學緊，但學極都唔會夠人專業
吓你太焦慮啦⋯⋯
如果你要咁早準備，又要用好多補習錢先送到個小朋友入grammar school嘅，坦白講你同小朋友都唔太適合。入到去可能只係痛苦嘅開始。
我親戚仔都係Y5先準備，tutor都只係一個月一千港紙，我見佢都無乜壓力，入左grammar school. (佢仔唔係咩天才資優）。當然，佢亦有同學補都無補過就入到，呢啲可能真叻仔叻女。
呢個你買樓時已經有預算，想多啲安全感多啲錢傍身咪睇餸食飯，唔駛比自己太大壓力，最緊要一家人安定落嚟，開心生活
你已經full pay 左間屋其實比好多人鬆動、只係搵生活費、唔一定要動用儲蓄、可能就生令你太多野諗了
……你真係諗得太多太遠了….
下，full pay買完屋仲有200已經完勝好多人啦喎，咁擔心我諗你唔過好d