想知宜家仲興唔興搞百日宴？係多數人都會請啲親戚黎食嘢定已經唔興？
興，但都好睇父母個人選擇
我1516中，搞又想好好睇睇但又好似好貴，唔搞又無儀式感 
我覺得disney搞幾正但貴。
興呀，可能之前疫情大家攪唔到，依家都多人攪番
你啲親戚住東涌？
百日宴其實都幾悶，個BB又細又無乜interaction
就算只係請好熟嘅親戚，其實真係俾面派對，又唔係好敢抱住又唔係好敢摸，驚衛生問題或者驚阿媽介意整親嗰啲
咁悶仲要入去東涌，都幾辛苦，同埋應該係好短時間唔似結婚，始終BB要休息
反而一歲有搞小型lunch bday party，餐廳都係揀返近兩邊親戚嘅中間點
大家食完個lunch，影吓相玩下就走得
一歲又任抱唔嬲咁好玩啲
8個讚
係囉，我就係近排好少聽到有人搞。
我無親戚住東涌啊，只不過有啲親戚有小朋友可能佢哋都會開心同有啲可以揸車。
女家親戚都fd既唔係俾面派對，平時都會燒下嘢食咁，但男家親戚就唔肯定係俾面定fd 有啲fd啲咁囉，佢哋有小朋友有disney pass好似都係成日去既。
我覺得搵酒店/餐廳無theme可能又要搵deco，諗住disney童真啲。
我上網睇disney好似係3個鐘，如果係就諗住晏晝lunch。不過如果有其他地點正都會考慮。
同都想知叫米奇老鼠出場唔知要幾錢…有其他好地點都可以分享下
我有擺滿月，但只有我屋企人同老公屋企人一齊食飯，book間細房，兩圍枱
屋企人同bb影吓相，佢哋都有買金同比利是bb，叫做比啲祝福bb咁
其他親戚朋友就唔請了，人哋都未必想嚟
咁我再遲吓問下男家個邊，因為我知道男家啊婆就已經買左金器，但請啲唔請啲又好怪。我睇吓佢哋想唔想搞。
我覺得Disneyland hotels唔係好選擇. 一來唔方便, 二來食物唔好味. 一般酒店或酒樓性價比都好過佢.
3個讚
咁要再諗下先。但如果一般酒店既話我覺得好似好悶咁。真係普通食飯。酒樓我就麻麻哋。
其實幾個屋企人食餐好慶祝都夠啦
1個讚
無錯，我個時只係食餐飯，已經好溫馨。
整個大龍鳳，比人感覺屈人錢，尤其唔想生／未結婚個d, 好比面派對feel. 我又唔係生個b為禮金，所以自己慶祝就夠了，又唔使左煩右煩，bb又唔會咁易惹病。
個d儀式感，bb咁細唔識，只為滿足家長慾望。
11個讚
太坦白了，叫人點接落去
3個讚
係，就算有小朋友嚟，都唔會玩得開心，又唔係自己做主角，只係陪阿爸阿媽坐…大家做過細路都知細細個陪老豆老母去親戚飯局幾咁 “happy”…
小朋友去到Disney 開心都係主人家FF…家長/小朋友寧願自己家庭去Disneyland玩一日…去人百日宴係兩樣野…
2個讚
我擺滿月無擺百日宴，覺得係可以
比親戚聚一聚，見下BB，我個時都
只係奶奶一家我一家和好熟好親既
先叫。
攪百日宴都ok, B B夠大件，可以介紹比啲親戚識，新家庭成員報到。不過真係只限親戚，同埋超好朋友
其實親戚都係fd成日見面，所以都係只係同屋企人食，唔會叫朋友。
但我覺得家長想有儀式感都無問題，唔係一定做所有野都係為bb，搞個party想黎就黎唔係compulsory。講真有心個啲無搞都已經送咗金器，同親戚都成日見面，食飯都係我哋出錢，所以唔會話強制出席
同我地啲親戚係親既，會一齊去旅行去對方屋企玩，唔係俾面先見面個種。
1個讚