幫朋友問
同居情侶40歲左右，男嘅中五學歷，女嘅讀完大學（已畢業超過10年），兩個英文都唔好，男嘅有去過外國一年識聽識講基本英文。積蓄只得20萬左右。
在香港做小生意但越來越搵唔到食，考慮去外國搏一搏，去到會打工先，暫不考慮做生意。
選項一：去加拿大stream A，女仔讀書，男嘅在Vancouver有朋友願意請佢做嘢，但要打多份工才夠交租生活。加拿大嘅好處係兩年就可申請PR，拎咗PR再諗下一步。
選項二：用BNO申請去英國，兩個一齊打工，兩年後阿哥會帶個仔去Manchester讀中學，到時可一齊住，省去屋租。但係BNO要5年才PR，驚捱唔住要返港。
希望各位網友可俾些意見，選哪條路好？謝謝
得廿萬連讀書都未必夠喎師傅
同居情侶諗住用咩身份apply? 分開apply?
拎左pr就諗下一步，即係d機會主義者 
option1計：樓上講得岩呀，20萬去加拿大讀書，夠交學費又唔夠生活，男既有朋友請都唔夠生活仲要打多份工，女既讀書之餘又要搵part time先夠生活，貧賤夫妻(未係)百事哀，唔夠錢洗一個返學一個返工好易心理唔平衡。
仲要話讀書果個女仔英文麻麻地，讀咩大學英文麻麻地呀 
option 2：我覺得會好d，感覺公平d。
兩年後係男定女個阿哥會去? 不過，嘥氣，兩年都唔知咩世界，依家諗定兩年後有人share屋租都多餘，唔通依家就租定3房等阿哥黎咩 
兩個成年人租兩年studio，等阿哥真係黎又真係一齊住先搵地方搬。
2個讚
去Manchester公一份婆一份乜都肯做應該持續生活到。 去Vancouver 要其中一個打兩份工會唔會捱到病？
就算兩年後真係成事，都想像得到2 pair人住埋一齊水火不容，最終一係分家一係分手
同埋唔知搏一搏即係想點
喺香港撈唔掂搏本外國passport? 定去外國搵返一筆搏返香港返身？
如果係前者，加拿大明顯快過英國
後者的話2邊都應該…
人地話阿哥同個仔咋，無提阿嫂又唔係話阿哥一家人 
話唔定阿嫂做太空人，阿哥淨係帶仔黎做伴讀書僮。
搏一搏嘅目標係咩？
為左易啲買屋？
為左本護照，然後係當地生活？定返香港？
為左生小朋友？
為左安定後做返盤生意？
20萬儲蓄…去到會易左咩? 
1個讚
香港做開咩生意先？飲食裝修度度都有需求。
不過話同阿哥住慳租又好似想多左了、對方點諗？
長貧難顧、仲要兩個大人。
有得揀好似加拿大快啲達到目標。
其實成40歲人，係香港生意唔好而去外國搏，我都唔知俾咩意見好。有決心有鬥心就一定成事，但條路唔易行。只係希望佢地諗清楚目標係咩，唔好以為外國月亮特別圓
又，藍領係外國係易啲買屋嘅，特別收cash那些
1個讚
英國，各自返份ft夠生活。
2年後呀哥個仔去英國讀書關你咩事，相見好同住難。加上2年後咩環境都唔知，唔好預呢樣野。
得太少儲蓄，加拿大仲辛苦啦。
1個讚
我同意佢哋係「貧賤情侶百事哀」，無錢似乎喺邊度都唔容易。一係叫佢哋喺香港試吓揾嘢做先，儲多啲錢再諗。佢哋盤生意開咗5年了，好耐無打工，諗住與其喺香港打工捱貴租，不如去外國打工…買樓唔敢諗了，養到自己便夠。
咁簡單啲，睇下邊到多啲affordable 嘅屋租，又多相關職業，就去邊到？
我會揀加拿大
-
已經有人請, 可以試吓叫高D人工. 去到邊做邊搵工跳槽
-
如果去英國要痴人地屋企住, 一有錢銀問題實好煩
最重要最重要係決心同行動力, 因為你地冇本錢拖. 有決心有行動力又有份工打底應該ok
應該需要2.0份工，依家只有0.5份工 
明呀, 人到中年冇錢又冇技能又想移民一定難
有0.5 份工都係一個好開始, 容易去搵其他工或者叫高D價
得20萬點解會諗去溫哥華？有冇check過個度生活指數？
何以你覺得佢有能力跳糟叫高Ｄ價？佢朋友係做緊好心請佢咋
1個讚
講左我心果句
Sorry我明真話係比較難聽，我應該匿名
2個讚