我同我老公開公司, 因為係細公司, 咩都係我哋兩個做晒, 佢讀書唔叻, 所以佢做策劃, 其他所有事都係我做晒, 好多時都做到好夜, 壓力好大。但明白市道唔好, 佢壓力更大, 所以佢成日發脾氣我都唔敢出聲。但事無大小一唔合佢意 (例如佢帶漏嘢, 佢唔記得嘢,…), 就推卸責任落我度, 我真係忍唔到。我話返佢, 佢就話我好發脾氣然後嬲返我轉頭。間中佢會過一陣入房道歉, 但只要我啖氣未落, 佢就會黑面轉身走, 講多句都唔願意。可能佢覺得好小事, 但一次又一次食死貓, 累積再累積, 我真係無可能咁快當無事發生。
十幾年嚟, 佢心情好時對我好好, 但一有小小事唔合佢意就會嬲, 小則黑面, 大則發晒脾氣, 我就好似日日喺天堂同地獄之間遊走咁… 好辛苦…
叫佢自己請人做、自己出去搵工！如果佢話請唔到人只可以你做、咁唔該叫佢以後對你客氣一點！你而家唔係要靠佢開飯、你米比佢食住。
呢個應該係佢性格，改唔到，有D人本性就係推卸責任
係，我身邊有人都係咁
咁好簡單，佢自己請人做，咁巴閉
如果你學佢咁, 將個波推心比佢, 佢會點?
自己放自己一個假啦, 叫佢請個人返黎做
不過, 到請到人, 個人做錯, 佢都係會話你
如果唔係你唔做, 我使出去請個蠢人
到時都係你錯
你老公知唔知佢自己有呢個問題?
我聽親兩公婆一齊做生意都冇好嘢
經常都將返工嘅不如意事帶埋返屋企
打份工就算壓力再大都有收工，返到屋企可以輕鬆下
但兩公婆一齊返工一齊放工，放工後又繼續講返公司嘢，好似永遠冇休息咁
所以我就唔會同老公一齊做生意，叫佢請人吧啦，你自己出去打工好過
返工同放工對足24小時真唔ok
我有講過, 但佢唔認
除非有精神分裂，返工一個人，屋企又另一個人。如果唔係實將公事情緒帶埋入屋企只會面左左，兩公婆關係差。。
咁你要搵方法令佢知佢有呢個問題
佢知左之後可以再搵野改善
唔記得帶野, 放係門口前, mark係電話
但佢要知佢有呢個問題, 如果唔係, 佢只會一路都推個責任比你
要搵個好位入, 但記得好唔勞氣
唉佢一聲, 話你又黎 (硬攻唔得, 黎軟既得唔得??)
相信連依句佢都會黑面