我都覺得呢個先係重點
如果唔能夠fully committed 當初就唔好咁口響 搞到住邊都就曬佢地
2個讚
「裙腳仔」殺傷力再大啲，但係咪會反面 
呢個可能係奶奶不能說出的心思
1個讚
真。捉緊一盤好大嘅棋
由餵貓開始策劃
3個讚
其實呢個情況同我一個親戚好似
當年兩公婆有計劃生第二個 想搵個大D單位時 其中一邊長老出聲話可以幫手湊
咁兩公婆好自然想住近D長老 等佢無咁辛苦 最後直頭住埋同一屋苑添
然後有咗第二胎 兩公婆想請多個姐姐 不約而同地 長老又話不如請多個姐姐, 住長老度
日頭就去兩公婆度開工 休息先返長老度 姐姐又可以幫下長老咁… (唔評論咁樣安排個姐姐啱唔啱先, 唔係呢次重點)
之後簽咗第二個姐姐後, 長老反口, 唔俾外人嚟住喇
兩公婆諗住再同長老傾下, 始終初初個計劃唔係咁, 點知俾長老鬧返轉頭: 你地生之前無諗清楚架咩
1個讚
期望落差、以前既長工係無工人幾個細路落手落腳湊孫、而家有啲長老都精明又多娛樂、佢哋只係想得閒睇下孫無咁大責任感、好多都話有工人就幫下眼咋、怕吃力不討好落哂閘先。
若因為性別差異而對待有分別，心中實有條刺！係我老爺都我囝囝出世，問多次係咪有咕咕。
咁真係。。。薑越老越辣
搬啦，搬咩解決問題lor
1個讚
好睇請到咩人，同埋你小朋友咩性格，我囝頭一年唔可以擺係high chair 去做家務，頭半年無姐姐，我係抱住佢做家務，但等佢小睡先做，工作就半夜先可以跟，然後我小朋友仲要夜晚訓訓下喊要安撫。
我姐姐清潔好好，但唔識煮識小朋友食嘅野，要俾哂instructions, 示範，同埋要教常識（點翻熱啲野、點用雪櫃）。同埋，有時人都有情緒，佢會對小朋友無耐性，我覺得真係依賴唔到姐姐。
1個讚
小朋友兩歲搬左啦，本身唔捨得自己間裝修好嘅屋，但一搬左近娘家，立即有即照應就覺得搬得無錯。
3個讚
鬧完老公裙腳仔，佢無感覺架，得你自己嬲，攤哂出黎講，佢又覺得都改變唔到佢父母，同佢講要分開住，又覺得我搞散個家… 個時就係日日講分開，係意識到日日咁嘈對小朋友成長有壞影響，先肯搬走咋。
1個讚
我阿媽都一早講到明唔會湊孫，所以依家得閒就同老豆去旅行寫意人生
奶奶因為表明過立場話肯湊孫，所以比男家某啲兄弟洗到盡，就算個個有工人，唔知點解佢都好忙
真係慘。
所以第時我都唔會比期望我個女，佢有本事諗掂點湊細路先好生
3個讚
好多長老都係咁，好彩我奶奶唔係咁，
我奶奶以前係想追女點知生三個都係仔，
第三個仲要逾期居留係佢個肚度，個個
就係我老公黎
唔會啩
話時話我好鍾意小動物都試過幫人照顧、但要我養就no way ,兩回事
1個讚
咁都過左去、老公都同你搬、而家幸福就好
1個讚
Same same.
我阿媽覺得湊大我哋已完成責任。
我已經講咗。
一開始住近99已經錯，凡是買樓，講緊自己拎錢出來買個隻，一定唔可以近99，有外家最好近外家，冇就買邊都唔可以買近99，少好多煩惱
4個讚
女我點都會幫，新抱就咪搞
1個讚
我都同樓主有少少似，長文
我又係未大肚時西人99話我生仔會幫我湊幫我坐月，仲好醒咁霸定日頭佢湊夜晚我媽湊
到我真係生咗喇
- 片唔識換，換完就咁放喺度唔掉。事後話抱住bb冇手掉
- 涼唔識沖
- bb喊唔識氹，話bb喊佢驚，驚佢唔知邊度唔舒服；去健康院冇喊嘅時候又叫我bb咪嘈晒。事後話係啲乜鬼習俗為個bb好要咁話個bb
- 奶樽我洗，bb佢抱，佢阿嫂上嚟睇bb，要我開門。事後佢話佢抱住bb冇手開門，要我呢個開完刀幾日洗緊奶樽嘅去開門比個唔係我親人嘅人，仲要係疫情其間，冇問過我呢個坐緊月嘅人想唔想見比唔比見
- 坐成個月得3味餸，一味餸食兩餐，除咗夜晚有62煮先可以食吓其他嘢。事後佢同人講話我醃尖，佢唔識煮，事實係我餵人奶有啲嘢唔食得，我有同6299講邊啲食得邊啲唔食得，6299都冇理過
- 喺我坐緊月時佢以為自己做咗嫲嫲就講嘢唔經大腦，講咩生仔生女係女人條命生成，條命整定，但又講話生女佢都鍾意
- 手唔識洗，疫情其間掂bb永遠唔洗手，換完片唔洗手。事後話成日洗手洗爛佢隻手
基於以上種種我就同佢反咗面，唔使佢湊，我爆佢嗰陣鬧佢唔識就唔好學人話幫人湊，搞到冇晒預算時間搵姐姐。佢夠膽駁返我話佢嗰套湊法我係唔係敢用。我阿媽同佢同一代，咪又係咁幫我湊，佢自己唔識湊就死雞撐飯蓋，話幫人湊嗰時又唔見佢咁講
所以樓主我明你，明明應承咗但可以反口覆舌，已經唔可以用嬲嚟形容，加埋其他種種發生過嘅事，我已經落咗閘唔會比佢見我個女。每逢佢搵我老公話想見我個女我都唔比佢見，佢仲話得罪嗰少少嘢我使唔使記咁耐，記幾年都記。sorry，月子仇我一定記成世。
有好多人都話唔可以靠長老，佢哋唔係奉旨幫你湊，係，係我哋太老定6299會當自己係女會幫我哋，所以先會出現呢啲問題（我西人99話過當我係女）。慶幸嘅係自己仲有阿媽，不辭勞苦幫我湊住我嘅小朋友，佢對住我女仲有耐性過我
真係做咗人阿媽先明白媽媽嘅辛苦
其實婆婆都長老，點解99差咁遠？就係因為你唔係佢個女
未生嘅可以做個參考，當然都會有極好嘅99同極差嘅婆婆，但我見過嘅比例通常都係好婆婆較高。
2個讚
唔好介意我講依句，你個case唔算反口覆舌
對，所以我只有阿媽, 奶奶, 老爺，唔會多一個阿媽。