想問下樓主 BB 係仔定女, 有可能老人家想要男孫, 但
BB 係女孫所以…
因為我識人都係咁, 初初知佢有左就好高興又話買揹帶又
話幫手煲薑醋, 到佢地照左係女, 奶奶就係咁問有無照清楚
使唔使再搵第二個醫生照. 朋友一直都無為意諗住佢奶奶
會做應承左既嘢, 最後咩都無…揹帶事小, 薑醋先大獲, 佢見
就生就問奶奶, 跟住佢奶奶先講話唔識煲, 你唔識就唔好認
頭話煲, 最後佢同佢阿媽講, 佢媽都唔識煲搵師奶朋友幫手
好趕咁煲左.
我覺得如果自己係護仔模式(好有自己一套湊仔模式)，咁咪唔好。同睇本身同長老關係點樣。長老係咩類型既人，會唔會聽唔聽後生講。
我諗係怕關係變差，同埋佢唔想咁辛苦湊孫，但又同老公住得近，所以先想我地搬埋隔離屋苑
另外好奇一問，多唔多人只係由工人湊B? 因為我媽好唔放心話new born起碼頭一年一定要睇住個工人點湊，唔可以只俾佢兩個係屋企，我屋企就算裝cam都好多位可以影唔到。
同外母住又進取左D，搬得到既話搬近D就話啫。
其實同外母住，咪變相全日都係外母湊，可能到時外母又唔想嚕~
同意
我諗D男士連係自己個阿媽咁樣走黎走去都唔識心痛，仲會加句"辛苦佢自己會出聲嫁啦" 
如果同6299唔係成日有交集(一星期過去食幾晚飯之類)，住得近遠都無乜所謂。
1個讚
我個FD同你個FD一樣喎，男家係咪住利東?
懷孕時話幫手湊，等新抱可以繼續返工話幫輕個仔。
大年初一返去團拜時講埋照左係女，即時反口話唔湊話好困身。
好彩FD本身都無乜事業心，老公又鐵飯碗，依家全職湊女。
不過又有說話聽話佢個仔辛苦一個養兩個。
樓主有講婆婆好願湊，如果3個鐘都無阻佢黎，婆婆都好有心架啦！當然2公婆要識做，起碼weekend 比人抖下自己接手咁啦。
其實如果我係樓主，一開始老公連自己個區都唔睇，我已經一句得埋去：你媽寶呀？咁大個仲痴呀媽？！
呢d位真係唔gut唔得架，你比佢過，佢就覺得住近呀媽=孝順左，方便左，媽寶小小無相干，2公婆都得益呀。你之後先黎反就好難反。
2個讚
呢啲人都幾搞笑，成日介入人哋兩公婆點做但又唔幫手，佢唔做ftm唔通個B自己係屋企照顧自己 
呢個係所有ftm必聽既說話。咁人地後生時死捱難捱，見自己新抱唔使捱係難d睇得開，唔好同佢計。
我想話，即使老人家以前ftm, 佢都可以照咁樣講，完全double standard, 所以真係唔好同佢地認真，佢吹水你又吹水就得。
有少少唔同既係，生小朋友係佢地兩公婆既共識，男家長老無左右過佢地，另外都唔係預佢地湊。
所以都無乜打亂計劃。
主要心痛個女未出世就已經被重男輕女既劣文化傷害 
佢老公都唔算豬隊友，大年初一聽到個阿媽話"女黎嫁，咁我唔湊喇" 即時開波鏟佢阿媽。
1個讚
佢地係酸，點解自己以前咁辛苦，但自己個新抱可以咩都唔做，公平咩？
其次，可能真係擔心經濟收入既，但只係識講又無實質支援都係廢話，只比壓力但無意義，都可以不理。
我講既介入屋企，係人哋agree左一個做ftm佢都要加把嘴。其實呢啲人就係無結咗婚就係新家庭既理念，仲係覺得係自己個仔同有個外人女人。
爸爸好波！
呢d風氣真係要stop! 經歷左咁多代仲唔知女有幾好咩？
唔係，因為朋友有左之後無做嘢，奶奶只係話
買嘢和煲薑醋，無話要幫手湊，佢奶奶係佢地未
結婚前對朋友好好，所以佢奶奶咁樣佢嬲都震。
好彩佢地唔係同住，佢話唔見仲好唔使理佢地。
聽講坐月時只係黎過一次，係為左筆薑醋走派比
佢啲親戚，仲要筆走好多。所以呢樣更加令到佢
唔想再見到佢奶奶。
我fd果個都正野99，fd生左話幫佢坐月，(唔同住，日日過黎佢屋企)
個fd無外家(阿媽過左身，老豆再婚小聯絡)，我地成班朋友好錫佢，
雖然話幫唔到佢坐月，但物資上供應充足。
有時上到去99黎應門，知道個fd要休息，我地就靜靜地幫下照顧bb又買d生果, 魚, 買餸呀之類。
每日我地有人上去，佢99就會當有人黎交更走左去，
拎d野食上去，我fd完全未見過無食過，原因係99拎走/收埋淨係俾個仔食。
有幾次晏晝3點都未出現，我fd餓到要求救。
x街，有個auntie fd超嬲，索性日日煲湯煮飯帶俾fd食。
3個讚
我諗好睇你個工人幫唔幫到手，我個陣係工人同bb，我媽間唔中行過黎玩孫時又會睇下有冇換片嘔奶之類。但其實長老+工人呢個配搭都有佢既煩處，就係長老有時要求高的話會投訴工人，工人又未必鐘意長老，自己唯有2邊安撫。
咁你 fd 雖然奶奶唔好，但好在朋友都對佢好好。
咁我唯有到時等佢哋相處下再算，希望工人幫到手。
我明白。
其實而家啲父母同啲細嘅仔女一樣，如果父母應承做唔到，就唔好應承，應承咗就要做，立個榜樣俾仔女，唔知點解老咗就可以唔用同一個原則。(雖則生育下一代係自己責任。)
4個讚
我阿媽就好醒，我大佬一結婚，佢就落閘，話唔會幫手湊。
4個讚