我係初中嘅學生，每日使用手機嘅時間都有大約5-6個鐘，感覺好似浪費晒人生嘅時間。用嘅apps/websites 包括社交媒體、遊戲等等。曾經試過安裝一啲限制手機用量嘅軟件，但唔係好成功。
我深深明白過度使用手機，係會帶嚟好多禍害嘅，以前考試期間，就係因爲呢個「電子毒品」而需要溫習到淩晨4-5點（雖然出嚟嘅成績真係唔差，甚至可以說喺一間名校入面名列前茅，但我仍為我嘅未來擔心。
真心覺得好無助且慚愧。但係我真係有決心減少手機用量，大家有啲咩「戒毒」嘅好方法呢？感謝大家 : )
P.S. 唔敢用main account post（你可能知我係邊個用戶嘅
），盼大家諒解
首先del所有game先，玩呢D game 最無謂
你有自我覺察意識好唔錯
最好參加多些不同課外活動
我初中參加體操隊、合唱團、辯論隊、好多學會
雖然當時無電話，但小學很無聊常在家看電視
到中學都唔得閒睇電視
我很後悔無乜玩運動
最好細個開始培養
其實我一個遊戲嘅app都冇，只不過有時會忍唔住download 一啲新嘅（但之後好快就玩悶而del)
最晒我嘅時間通常就係Instagram/ YouTube 
其實我都參加咗好多clubs& societies（e.g. choir) + 做唔同嘅posts
所以我都唔知自己點解有時間玩手機。。。
Um 運動我都冇點玩，有啲唔健康哈哈
玩運動都好重要
有冇朋友仔做運動
我之前都有參加過出面嘅籃球班，試過in 學校籃球隊，但唔入
我哋間學校既同學仔比較注重學業（雖然都有運動精英啦），我認識嘅女仔入面，鍾意運動嘅都唔多
鍾意睇書或小說果D嗜好有冇？
都有㗎，鍾意睇散文集+新詩集（同埋睇phy textbook 哈哈）
咁不妨試吓，睇多啲小說書刊，睇一本本嘅書感覺一定好過電子書，我試過係ok有用，起碼玩少咗好多手機
我覺得迷手機係個人太過得閒同埋手機太多嘢玩太多資訊。
唯有盡量搵多啲運動嚟玩，或做下鍾意嘅又可以全情投入，應該可以減少啲用手機。
或者終極一招，將部手機俾阿媽看管。 
該主題在最後一個回覆創建後180天后自動關閉。不再允許新的回覆。