請問大家有無用清潔粉清潔部洗衣機？始終唔係好明白係點清潔，我將2粒清潔劑掉入去，開機(mix mode)-洗衣機流水-部機就轉-跟住等佢轉到咁上下就禁停？停2個鐘？咁繼續開機直到完成所有洗衣程序？
部機停係到唔轉就清潔到啦？得咁少水同停一個位置
我冇理，照掉落去加2舊襪正常開機洗一次當清潔左
掉落去之後照正常開機當平時洗衣模式就ok
我都係咁做…
漂白水
我都係用大眼雞，
洗機劑包裝個介紹唔係部部機做到，
我既做法唔會開電唔會開機，倒左D洗機劑入去關門，
O係上面落洗衣液/粉果個位倒暖水入去(娘家有膠水喉，夫家用盤慢慢倒)加水加到高過個玻璃門，
我覺得咁先係浸到。
跟包裝指示時間浸多30MINS左右，開電開機，
部機DETECT 到自己滿水就會自動排水，
排水後開部機既洗機MODE，
之後再開一次快洗。
**浸機時唔好開門，因為無開電，度門唔會LOCK。
**浸機昤唔好開機，一開機佢就自動排水。
2個讚
用baking soda 加啲毛巾一齊正常洗
之前我都係好似樓上咁自己加水，斟
多啲水落去洗洗衣機。
後尾我見 Ariel
話洗衫去到味仲可以清潔埋洗槽，就買
左支試，又真係去到味，我用開既洗粉
本身都 ok，但唔想成日要洗洗衣機。
我頭一兩次用舊毛巾洗洗衣機，清左一
兩次之後，就 9 5 9 洗衫時用 Ariel 落去
洗衫，所欲而家個洗衣機都好乾淨。
有無話係洗衣珠/粉/液啊？
好詳細，明白晒 
咁要倒滿都要d時間
點解要加襪？我無加任何野，淨係清潔劑
你部應該係西門子
我都係用西門子，我嗰部有drum clean 模式去專洗滾筒，每次用嗰個模式乜都唔加或者加少少梳打粉去洗就ok。
洗完再拆機身右下角排水泵出來，清左入面啲水同癡住既衣物毛碎，最後再拆埋放洗衣液嗰個梘粉盒出嚟洗就完整地洗一次部機。
我無用洗衣機清潔劑，擔心更多野殘留喺洗衣機內。
我用洗衣液方便啲，因為有時多衫就會
相應落番多啲。 好似得洗衣珠和洗衣液
唔見有粉賣。同埋佢有分有無漂白成份，
藍色有漂白成份，綠色就無漂白成份。
原廠有專用洗機粉，HK$140/樽（1次用晒）。Amazon 賣就平D ，我買過最平$60/樽 。
洗機粉，主要成分 係Na2CO3 同 H2O2，其他有酸鹼平穩劑，泡沫抑制劑，去油去蹟劑 咁上下。
另外，一定唔好放漂白水，因為會損害機內軟喉。
洗機開 90c 純綿 或 洗機mode 就得。
我同你一樣有此功能，我都無加任何清潔劑，佢已經用熱水洗機，我當佢洗乾淨。
我以前同你洗機方法一樣，之後換左機，佢有洗滾桶功能，我就跟機自己洗算。
我都係，之前果部唔記得咩牌子，依家換左部HITICHI，佢有個掣自動洗桶，跟埋洗衫時佢就會洗埋，大概比原本個PROGRAM多15分鐘左右。
平時會開住洗桶掣，如果果晚趕時間就唔開慳15分鐘。
該主題在最後一個回覆創建後180天后自動關閉。不再允許新的回覆。