我是請外傭新手 
請外傭要香港本地經驗比較好，還是海外有經驗，但未來過香港的姐姐會比較單純，沒那麼蠱惑呢？
如只是海外有經驗，例如在中東有經驗，會否很愚鈍，難上手香港的工作節奏呢? 是否有在新加波工作的經驗較好？謝謝！
我以前個中介教我，要單純的話，零經驗最好，如果一定要有經驗，最好揀非香港經驗，結咗婚並兼且有年紀細嘅小朋友要養，會比較stable
新加波經驗會較好嗎？
其實真係撞手神
我自己鍾意請未做過，可以自己教，少啲壞手勢壞習慣（希望）
唔鍾意有經驗，特別係香港經驗，old seafood多多要求
暫時親戚請過工人，表現好嘅全部都係得海外經驗
我個時請海外，都係貪佢未黎過香港。
同埋有中東經驗我覺得突可取，因為鬥東個邊大部分僱主都harsh d, 咁應該會覺得香港工好做。卜月有仔女既冇問題但最好都係啲仔女都大大地，唔洗咁易心掛掛
1個讚
請過4個都係有香港經驗嘅，唔想由頭教起….
2個讚
我再請都會想請香港做耐嗰啲，唔洗煩
我都想找香港/外地做過幾年的姐姐，還要是不常轉雇主的姐姐。但發現大部分者類型都是會比較年紀大，見到有幾個是45歲以上。你們最大可以接受的年紀是多大呢？
請問你親戚的姐姐是在哪一個海外地區有工作經驗呢？質素還OK嗎？
我幾個親戚請嘅：主要喺台灣同新加坡做過，學廣東話都快，佢哋個個都話香港算天堂，因為之前試過有啲僱主完全唔比落街
見到有D姐姐在黎巴嫩做過。但我本身不熟悉黎巴嫩，不知道當地的standard和香港的標準會不會有很大的差異。有些是在沙地亞拉伯做過，應該會比黎巴嫩好一點？
還是一定是在新加波/臺灣等亞洲地區做過會比較好？ 請大家指教！
純粹認識：沙國有錢啲，黎就開明啲
Thanks！我都在考慮曾經在這兩個亞洲地方的姐姐！
1個讚
Gum黎巴嫩做過應該不適應香港的雇主，要求gum高! Haha
1個讚
要決定請邊類型姐姐, 都好睇你實際嘅情況同要求
例如
你最主要嘅工作係咩 / 點解需要請 (照顧bb / 長者 / 寵物)
接受到幾耐先上手, 你自己或屋企人有無時間train
你自己本身耐性如何, 如果有啲tasks 要教5-10次先可能記得一半, 你 o 唔ok
我幾年前個仔出世要請姐姐, 知道自己唔想要白紙, 由零開始教, 但都唔想太精太蠱惑, 咁啱遇到一個年紀大, 20年香港工作經驗, 包括湊newborn, 買餸識煮野
姐姐而家做左4年, 基本自動波, 屋企整齊企理, 返屋企有飯食, 對仔仔好好. 我好感恩
但凡事都有兩面, 佢自動波, 唔使點教, 係因為有經驗同個人成熟, 所以作為僱主, 我自己覺得應該要自覺比多啲人工, 如果唔係有咩動力做好啲? 如果minimum wage, 比著我都做又36, 唔做又36
另外, 佢年紀係大, 而家接近60, 我知道有好多香港家庭唔prefer, 覺得做唔到野. 但人地覺得係壞處, 我見到係好處: 穩定, 唔會周圍去玩搞搞震, 正經做野大家一買一賣
所以講到尾, 要就你自己家庭需要去決定
明白！謝謝你！
因為想照顧小朋友所以體力上有點要求，主要怕年紀大比較難應付，會容易累
我會prefer新加坡. 沙地一屋可能好幾個工人, 每人負責一樣野, 其他時間休息, 未必有能力睇整頭家
以我嘅經驗無咁嘅問題, 不過明白唔能夠一概而論
姐姐自己本身身體係一個因素啦
另外點用姐姐 / 要求姐姐做野嘅程度同工時都有影響
我見過有啲人請左姐姐就做妲己, 翹埋雙手咩都唔做
又有啲人堅持比較hands on 做父母, 姐姐主要做家務, 煮飯, 除左父母去返工之外, 其餘時間自己湊返
要睇下你同屋企人係咩style