近年掀起移民潮，中小學離港流失趨勢未止。本報以教育局最新數據推算，截至2022年9月的過去一年內，逾2.7萬名中小學生不再留港升學，為近年高峰。由2019年9月至2022年9月累計減少近6.8萬名中小學生。
有中學校長表示，退學潮尚未見頂，預計新學年中一班數將進一步縮減，盼流失率可於一兩年後稍有回落。教育局稱，家長有權為子女選擇就讀學校，轉校、移居內地、海外升學等流動均屬常態。
教育局每年發布《學生人數統計報告書》，羅列全港幼稚園及中小學學生人數等數據。本報記者比對2022年9月小一至中六學生人數，與2021年9月幼稚園高班至中五學生人數，發現同一批學生淨減少27,093人（見圖），中學及小學生分別佔15,231人及11,862人，意味著他們或不再在港讀書；若與2018年9月至2019年9月淨減少2429人相比，即反修例風波及新冠疫情前，流失人數在4年間增逾10倍，流失率亦由0.35%進一步擴大至3.99%。
除了升小一及升中一的人數出現增長，小二至小六、中二至中六各級均錄得3.61%至7.53％不等的流失率。高中級別仍然屬「重災區」，中五級流失率為7.53%、屬最高，其次為中六級、流失率6.65%，兩級淨減少7293人。
1個讚
我朋友女女小學，6月計埋佢，同班已有4個同學退學。全部移民
實有人話走幾多，就補幾多落嚟，啱！但係大鑊嘅唔係呢樣嘢。
一個中產家庭用在催谷仔女讀名校，由幼稚園打到上中學嘅錢，正正就係一個帶動經濟嘅來源。買嘢，用嘢，學嘢，全部夠我買部跑車都唔只。
仲有，名校生放學放 lunch 在旺角，九龍塘，銅鑼灣一帶，一樣使唔少錢，學生飲一杯珍奶，貴過新移民基層一餐兩餸飯。
4個讚
其實場戲都幾好睇
校長們 ： （慘叫中）好多學生/老師走………
教育部 ： （扮嘢中）去左某國啫，係正常流動
港共們 ： （自high中）好多人回流，香港好安全
1個讚
而家大陸人都唔肯生仔，而且香港都已經唔再係佢地target，你估真係話補就補咩？
3個讚
呢家最慘係學校，無論校長，老師到學生。
但講真，要加強咩國教，有得走都唔想係香港讀埋呢啲無謂嘅嘢浪費腦細胞，有時間去學下有用嘅知識仲好過。
教育署好似無對策應對流失，殺校不如認真開始小班教育啦。
1個讚
早十幾年小班教學係因為適齡學童減少, 又唔想殺咁多間學校, 所以先推行小班教學, 難聽D講係吊鹽水, 呢樣先係推行小班教學初心, 當中包括幾多係想改善教育質素我真係唔知。 唔通就係咁簡單小左人就叫小班教學? 我估唔會掛, 一樣要配合埋課程同教育質素。
而家短時間走左咁多人, 唔通由1:20變到1:15再變到1:10就真係解決到?
1個讚
內部會點運作唔知，減少人數暫時係折衷嘅方法之一，唔會殺校，老師、校工繼續有嘢做咁囉。
1個讚
真係唔知捱到幾耐, 不停吹有人回流, 但學童又繼續流失, 上年稅表派左少三十幾萬份,
又話放多D大陸人來, 明顯都填唔切呢條數,
相信不久將來幾間大學教育相關學系應該都會減少收生,
一就索性唔搞咁多單程證、專才, 直接取消出入境, 比大陸人自由落來讀書
