其實而家咁多姐姐斷約，點解都咁多僱主都請？
依家啲姐姐比僱主炒，都仲係好開心！
斷約其實有好多原因
e.g. 僱主經濟出問題, 僱主移民… etc
2個讚
但係如果係借錢，或者係態度唔好呢？
其實依啲係唔會知個喎
你可以問佢拎reference letter嘛?
如果因為姐姐不當行為影響顧主，
顧主可以去信入境事務處，
入境署收到投訴後，經過評估，可能唔會批出外傭下張合約簽證。
其實我都想問點解啲外傭好似唔憂做咁
我有朋友個外傭又懶又污糟，連搬運工人都鬧佢工人，佢都唔敢炒，怕請唔到（佢住村屋）
新聞又話有外傭搞到少主生寄生蟲，都仲諗緊炒唔炒
到底發生咩事？
利申：完全未請過工人
有啲人好等人要、例如有細路仔要睇，當然越快越好，再加上可能中介工人一齊講大話，都唔知上手僱主真移民定「假」移民，冇得揀等唔切既情況下，焗請
比人炒開心，佢覺得自己「價值不菲」應該坐係到都攞你$8千人工，上次太傻同你簽左$6千約，你快啲炒佢可以快啲搵過條水魚！
其實不嬲都好易，否則唔會有搏炒呢件事
2個讚
請過你就會明，話炒就炒，講就容易。
2個讚
香港社會係畸形家庭，生活費貴，日日 OT, 要兩公婆一人一份養家，變咗小朋友就係人質，有人質在手，請工人又唔係話有就有，好多時都係要忍。
大部分嘅人請得起工人，但氣場唔夠，主人唔似主人，屋企又細，日對夜對，容易出問題。
1個讚
我最近知姐姐有個同鄉朋友，已經系舊主人續第五約，上個月得知有breast cancer嚴重！佢老闆本來叫姐姐返家鄉養病，不用回留香港。未計長期服務金，連人工也說佢家人去完旅行才回港比。這種僱主，簡值不能說是仁善，兩婦大是醫生有出租屋，平日兩長老起居買餸也要執拾。可憐這種姐姐要死忍，怕佢唔比人工。心口痛也照工作，兩長老和堂兄長小孩她都一切盡心
冇計啦，而家local 姐姐吊起來買，照顧小朋友唔做，有長老唔做，有mum 唔做，冇獨立房間唔做，呢d case 就只可能搵斷約姐姐
其實冇長老冇小朋友使鬼請工人咩，香港間屋有幾大，食飯一落街又大把選擇
1個讚
斷約大把人要, 我舊工人近呢兩年經常斷約, 現在第五個僱主了
唔係呀，有人請姐姐照顧寵物
呢d又有幾多，一定遠遠遠少過正常家庭
我個工人做咗 16 年，係地獄廚神，其他嘢都可以，明年我個女都會去留學，屋企得返我兩公婆，我都諗住唔要佢，但佢已經懶咗好多，下午會出去蛇王，我同佢講你咁樣做嘢，湊 BB 你唔合格個人太唔小心和做咗 16 年都 無 sense, 湊小朋友你又唔夠眼快手快，最緊要係我啲仔女對咗你十幾年，我哋家庭投票佢哋係投唔要工人，連感情分都 R 唔到。 我屋企無人質，所以佢無得迫我加人工，我一直都係俾標準工資。
佢長期服務金有 5萬幾元，耐唔耐想叫我俾住一半佢先，我同佢講俾得呢筆錢，你就已經要走，咁你要唔要？佢就已經無嘢講，因為佢知轉工會好辛苦，又要湊返B, 十幾年前，我有個工人姐姐本來在菲律賓百貨公司做 admin manager , 都係得900 元港幣一個月，來到香港有 3千幾元，現在都4千幾一個月，咁都唔夠洗，好多工人仲要借錢，國家咁多年都無進步過，我同佢講，小心啲用錢，香港都唔知可以俾你搵得幾多年。
2個讚
等人用，通常請得嘅多數臨時屋企有變，突然需要人照顧小朋友／老人家，大人要返工，越快有人幫手就越好。
我自己都因為老人家突然需要照顧，但又唔想佢入院舍所以急住請，本身睇緊resume想搵本地剛完約，去咗幾間agency睇咗有幾個好似幾好，但轉頭想約見已經話俾人請咗（唔知係咪agent技巧嚟），最後唯有見一個斷約嘅，當時都係博一舖直覺覺得佢無問題，好彩最後俾我地博到。
我識兩個，一個單身貴族（男），一對夫婦仔女全在外留學
佢哋唔想做家務所以請工人
其實都多，我識幾個都真係湊狗，或只做家務。
我女唔肯再請姐姐，唔係我一早請返，同請鐘點個價都唔差得多。