阿女今年中五，下學期開始覺得同同學相處唔開心，斷斷續續咁叫完成左中五。但中五大考之後就索性自己提早放暑假，無講之後點⋯
下…. 咁第時返工都好可能做隱青。
搵社工傾、轉校、etc 總之唔可能俾佢咁逃學法，一定要讀書
咁你幫佢諗轉校？外國讀書？
都放暑假啦，不如鼓勵佢去做暑期工。
下一步點，之後再慢慢諗。
其實大考完返學有咩做?
同佢傾下係同同學唔夾，定係唔想再讀書
只爭一年中六可以考慮轉讀夜校，啲同學年紀大少少，冇咁多啲同學仔小圈子問題
如果唔想再讀，就要諗吓做啲咩，會唔會學番啲技能旁邊
4個讚
發覺身邊越來越多唔想返學，就算完成大學都唔搵工嘅隱青仔女
4個讚
呢一代小朋友太幸福，未捱過，唔知搵食艱難，呢一代一日到黑對住電話，電腦，完全唔識同人溝通，交流，又唔願出街，有時做父母都耐佢唔何？父母搵錢，仔女享受！
4個讚
Agree. 其實點解同同學相處唔到？係被人bully?定其實唔想再讀？定讀書壓力大到handle唔到？真係要同佢傾下，唔好諗說教講道理，俾佢知道你願意同佢同行，先有計傾
之前係另一個post講過，之前幾年又zoom又半日，突然回復正常日日返全日做功課，唔係個個人都handle到，精神壓力爆煲係間間學校都多左。
咁佢係屋企有咩做？如果只係訓，要留意下係咪有精神狀態
有需要就搵學校社工幫手（希望你遇到個好社工）
6個讚
夠16歲未？如果夠，叫佢去揾份part time或暑期工！
我個小朋友揾咗份每日要返11個鐘嘅工，期間只有1個鐘係食飯，晚晚半夜餓住個肚返屋企。最大得著係佢同我講終於感受到要好好讀書，將來多D選擇！
P.S. 佢之前係hea讀型
16個讚
小小愚見：先唔好帶太多批判住，開心見誠同佢慢慢傾下計，了解下佢點解會咁做、諗緊乜、遇到咩困難，等佢知道自己係被接納嘅。
太快落judgement 或者逼佢做某啲嘢，好容易會令青春期嘅細路反感，如果佢關上心窗唔肯同你講真話，咁就會更難處理。如果傾到下計，你想勸佢都仲有得勸。
人唔一定得讀書一條路（世界變得太快），最重要係佢知自己有咩options，同處理到自己嘅情緒，搵到方法面對呢個轉變愈嚟愈大嘅世界。
我叛逆期時父母說教就一定聽唔入耳，但我會希望父母明白我多啲。青春期睇得好重嘅嘢，同大人係好唔同嘅，但嗰刻佢喺嗰個階段，就係經歷緊嗰個階段嘅情緒！
18個讚
小朋友鍾唔鍾意去旅行？
大人請唔請到假？
趁放假近近地去下日台韓散心
就算佢乜都唔講
至少比佢知你係關心佢同錫佢
1個讚
我識人當年都係咁
佢中學返學日子都唔知有無3,4個月(但會叫爸媽拎功課返屋企做, 吹漲)
有時返學蒲頭, 上堂老師問佢問題都識答 (反而日日有返個d係答唔出, 吹漲x2)
最後佢係轉左去一間勁遠既中學 (以前間中學係樓下)
結果佢返得好開心
即使要早粒幾鐘起身返佢都願意, 仲好熱衷參加活動, 仲成日拎頭幾名
後尾問佢當年做乜唔願返學,
佢：樓下間學校好多管束,令佢覺得好大壓迫,抖唔到氣咁,好唔開心,慢慢就變得唔願返,唔想返,好討厭返學.
到轉左第間學校,d老師校長好放手比學生,自自然然就開心返
同意有樓上話先了解下阿女諗法, 或者如果你係阿女,你會想自己父母點樣對待
10個讚
有冇啲佢比較要好嘅同學，引佢返學，或者協定一星期最少要返三四日咁，啲社工係咁教嘅
你個仔係咁？
你心地好好
好彩我對仔女仲細，我又唔係富二代，縱唔起佢地，我要佢地學會獨立，自己照顧自己，唔好比人睇唔起，我唔會比佢地宅在家，每次出街食野，行下，都一定要佢地一齊出去，出外玩多啲活動，唔好成日對住部電話。
哦，我仲以為你個仔
因為你講到呢一代嗰啲都係咁差
咁你個仔都應該係呢一代㗎？
原來你個仔就有光環可以唔係，但係呢一代嗰啲全部都係？跟住呢一代嗰啲父母全部都唔識教？
唔知仲以為我哋係同一間公司，我公司啲老屎忽又係咁樣話而家啲後生點點點
不過自己嗰啲仔女又例外㗎喎，自己嗰啲係唔同啲有晒光環，係人哋嗰啲先咁衰姐
8個讚
我睇到都滴汗
而且佢小朋友又唔係同上述情況既同年紀
1個讚
我有個朋友既哥哥都讀左好多好多書，每次讀一半又轉讀第二科，終於畢業後也沒有出來工作。應該有些心結。