本身宮頸短已經要臥床
99逢星期日都上黎煮飯比我
但佢既餸我完全唔岩食
唔鐘意食 好油 d湯次次飲完都好躁
飲到訓唔到 而家直頭扮野話中醫叫我唔好飲
今日佢上黎我到煮
唔知係咪仲未識用我部蒸爐
臨尾食到隻蝦好似仲未熟透
我即刻拎張紙巾包埋唔食
唉 平時老公放工返黎有時都會煮下
我都知佢辛苦所以無咁多要求
幾乎幾個月都食緊個幾樣野
已經成日食外賣 我覺得自己好唔健康
買d鯖魚叫左成個月都未買到
好想食呀媽煮既野食但佢住太遠
同埋佢覺得我有99煮都好好
辛䒷晒，有時真係有話說不得
2個讚
可唔可以叫老公叫99唔好上來煮呀？話唔想辛苦佢老人家
再唔得，我諗係我會返阿媽臥床
可唔可以提早少少叫陪月餐
？
我聽朋友講（朋友最近生左）話叫陪月餐，送上門，一早剔左揀食咩
你可以上網搵下、問下有冇岩你？
有冇試吓有意無意咁「講想食咩」
例如：「哎呀奶奶，好想食蒸肉餅，聽日買啲瘦少少豬肉同梅菜得唔得啊？」
可能見你冇要求，又諗唔到，成日煮黎煮去都一樣？其實日日煮都煩的，你試下比啲「建議」佢
而且，「雞髀打人牙鉸軟」試下用軟功先
否則，請老公出動
2個讚
陀第二胎時，疫情爆得好勁，基本上都冇乜點落街
阿媽又係住得遠，最多一星期一日過嚟煮飯煲湯，其他日子都係靠外賣
老公有個親戚住附近，佢煲過啲湯嚟比我飲，真係難飲到想嘔，我叫我老公同佢講唔好再煲湯比我，煲咗我都唔會飲
挨挨下好快就過，加油
唉 我地住得太近
同埋你話唔想佢辛苦佢係唔會介意
佢話驚我地無得食 
都有得諗下 陪月餐 
我試過啦 我有次話我想食豆腐肉碎
佢係整左 但個汁好奇怪
我有講話我平時就咁落蠔油打個汁 加d鹽都得架啦
點知出到黎完全唔係個樣野
仲有佢有時整完先拎上黎 大家一齊食
個日天氣唔知係咪太熱
我食到個豆腐好似酸酸地咁
但佢地好似食唔出
同埋佢地好似無咩味覺咁 d野又鹹又濃又油
我叫佢整完之後都夾硬食左d肉碎
我自此都唔敢要求多多
1個讚
無奈同佢講 大肚 唔知做咩呢排又胃口轉左。唔岩食
輕輕帶過
叫佢都係唔好再煮，廢事佢晒時間後自己個胃口又唔爭氣
真係 難飲你到左去又覺得好浪費
我99煲湯就唔係難飲
但好鐘意煲補湯藥材
但我唔受得 同埋我唔想亂飲
未懷孕之前我子宮有幾粒瘜肉
因為排卵出血 所以做手術整走佢
醫生叫我唔好飲咁多補
個陣未搬出黎住個個禮拜都飲花膠
仲要人頭一人一隻 唔係講笑
我以前都好鐘意食花膠
而家我見到真係想嘔
唔會架 佢會係咁問你想食咩
我而家淨係答薯仔雞
最穩陣 因為62同哥哥都會上埋黎食
佢都係會上黎
我諗住今個星期日話有人黎探我
叫佢唔好上黎
你而家應該係以清淡為主，藥材湯唔啱你飲喎
係呀 我老公有出聲
咁我就唔飲
返呀媽度啦休養，如果唔係上網買定一星期嘅餸菜，依架都有啲網店, 買餸whatapp 谷可以落單，送埋上門，我多數第1 至3 日就食魚、豬肉、菜，蒸雞、肉餅、豆腐, 第4-6 就食下擺得嘅椰菜、茄子、節瓜、包下餃子咁。依架網店好方便，餃子皮、梅菜、醬料、上海麵個啲都有得賣。間中就叫老公買下外賣，奶奶啲野唔好食就唔好勉強啦，我個時有左，返奶奶度成日都係午餐肉、煎腸仔、擺左成個下午燒味，唯有煮啲簡易野俾自己，好多都係半個鐘搞掂嘅野。
1個讚
其實佢哋好好，不過能力有限
但起碼佢哋係緊張你
一係叫佢哋煎牛扒或者焗三文魚扒得唔得？
都叫做養胎
我老爺奶奶係要我地落去食飯，但大住肚都係見到西洋菜湯，炒白菜，外賣嗰啲雪藏手撕雞，或者係其他大肚唔食得嘅嘢
佢哋係唔會care我食唔食得
出街食都係叫好少嘢食，原因純粹係佢哋好細食，但佢唔會諗我同我老公係正常份量，仲要我大肚
我又冇乜所謂，我地最多早啲走，返到屋企即刻叫外賣，或者我哋自己即刻快煮。
最緊要唔好俾呢啲影響到自己心情，話晒大肚婆嘅心情都好重要
後尾係我老公叫佢哋整牛扒同三文魚扒，咁起碼我叫做有啲嘢食到落肚，至於湯嗰啲我已經唔care直程唔飲算
Anyway 唔好俾佢哋影響到你心情，最多搵其他方法解決，例如叫老公叫佢哋少啲上嚟話你要休息，然後你哋自己搞掂自己晚餐。加油🫶🏻
3個讚
我都好明。我奶奶同媽咪都有煮野食俾我，連返工晏晝都準備埋。
我媽咪煮既好啱我胃口，但佢日日拎飯俾我都好辛苦所以一星期會拎兩日。奶奶都有心機煮飯煲湯俾我，但佢煮野食成日煮得過熟，同成日都係個幾味，但我都知朝早起身煮飯盒俾我係辛苦既，所以無同人呻，好似好唔感恩咁。我老公夜晚都會渣橙汁，同整野食我食。
但最鐘意都係屋企人既味道。最煩係我偏瘦，老爺奶奶成日驚我唔食野，但其實好食我自然食得多。
我今個星期打左比99話有人黎我屋企
要休息一下 我而家基本上都係HKTVmall買日用品
有時老公煮就佢放工買餸返黎煮
我都唔敢要求咁多
有肉有菜有飯我都ok 架啦
1個讚
我好明白呀
牛扒你都好 我99佢自己唔食牛
佢一定唔會煮牛比我 同埋佢覺得牛好毒
佢所有自己唔食既野係唔會煮架
三文魚試過叫佢整
可能係街市買新鮮個d
又油又腥 我真係想喊出黎
佢次次上黎都整好多餸架
但我夜晚都係要食麵包先訓到
我99都係唔理我食唔食得
定唔知係佢唔識
我之前失過胎 陀上胎既時候我仲同佢一齊住
我真係好大壓力 佢又煲木瓜湯 又煲當歸比我補
成日煲雞湯搞到我好躁 但因為我都唔識
同埋一齊住無得避 佢覺得好既補既就會整
唔理你咩體質 當正自己係醫師咁
我成日要用偷偷用電話check邊d食得邊d唔食得 最後我上次都返左呀媽到住
之後出左事 我知佢有話我老公話我返娘家
又話咩胎神 又話我周圍走 仲講左d好難聽既說話
所以而家搬走左 再次懷孕
佢拎野過黎我可以唔飲 但佢個個星期直頭上埋黎食 要煮比我食 但個個星期都係個d好辛苦
不過上黎慎完舒服好多 同埋後日唔洗食個d餸
你媽媽同99都好好
唔岩食真係好難捱
我自問自己唔係偏食
但真係好油 同d味好鹹
同埋我99如果上黎食佢整完會整多啲叫我地聽日再食 我已經同左佢講我地蔬菜類唔食隔夜
佢都照係咁 我地唯有夾硬食 食剩就掉
係 d人覺得我99好好
成日有餸有湯
但有苦自己知
好過份呀 
聽到都鄧你辛苦
大肚心情好重要，可唔可以問老公三四星期先見一次
同埋呢啲情況真係叫老公煮la
再唔係外賣揀食物原型都可能食得自在開心d
加油啊，你幾多 week ah? 最緊要係心情好同休息夠🫶🏻
(我第一胎都係短，因為太擔心所以BB出世輕磅，所以希望你瞓得好
)
大肚婆理應係大晒，依家唔Ko左佢生完實產後抑鬱（過來人）
1個讚