為方便先生返工考慮搬入東涌，就讀荃灣算ok嘅幼稚園，本身小朋友內向慢熱，興趣班嘅畫畫勞作老師都讚細心聆聽觀察形，但係真係唔知東涌應該入咩類型學校同埋有冇一條龍？ 聽某啲業主話寧願轉返出去讀，好煩
⋯⋯麻煩各位媽媽比D意見
你係想一條龍升小學？定係一條龍升中學？
升小學嘅話，本地學校係冇選擇，你只可以走國際，愉景灣國際學校，幼小中一條龍，當然，競爭一定大。另外智新書院中小學一條龍，但幼稚園應該都係讀 DMS。
如果入行本地學校，東涌 98 網，冇得入全個離島嘅一哥： 99 網偉倫（升中中西區），但 99 係天堂與地獄，得 2 間學校，入唔到偉倫就係坪州嘅聖家，聖家係跟離島區升中。不過依家人口流失多，入偉倫機會應該大左，而且佢全年接受插班。
講返 98 網，98 網有四間一條龍升中，但中學當然都係唔係 Band 1，佢地都係區內唯一 4 間 Band 2 中中，另外嘅 Band 2 英中就係直資港基，同埋離島區爭崩頭嘅章記。4 間中學應該都唔係 Band 2A，頂多頂多 2B。當中最好我諗應該係可譽。咁所以好多都跨區讀書，就算係 Band 2 都照跨。
值得留意，中華基督教會大澳小學、梅窩學校、杯澳公立學校都係 98 網內。不過佢地係 1 班小學，即係人口供求少，相信唔會咁容易派左入去嘅…
如果入到國際學校/會移民，當然放心留低。
如果係本地升學，咁真係 “此地不宜久留”，除非搬去 Discovery Bay 搏偉倫。識人以前教 “4 小龍” 之一，話上堂氣氛唔好，多新移民又好多都唔聽書，教都教得唔多開心，好多好老師都另覓他校。而且離島區學校流失率好高，可能一兩年就換曬老師又要由頭認識老師，如果小朋友係慢熱怕醜，對於佢地心靈發展唔理想。
如果咁樣，會唔會考慮跨區去青衣/屯門讀書？唔會太遠，而且有部份學校雖然係二線但自行 15 分都應該有得入。佢地升中都一定理想過留離島。另外搬入去嘅話，可以留意下搭校車/保姆車嘅學校有邊幾間。
2個讚
謝謝你嘅意見，令我清晰好多可能到時我都會出返葵涌區中學，而家最重要settle好搬屋嘅嘢，同最重要搵一間好嘅幼稚園，依家小朋友係讀聖公會xx ，老師好有愛，一班家長亦都很熟絡，又想由東涌出返繼續讀，但又怕小朋友辛苦
嘩，東涌，好似無一間好，又多腥移民，我都識朋友住東涌佢小朋友係東涌讀一條龍小學，但間中學B3，真係暈。
我覺得繼續係東涌俾小朋友讀書多數啲家長係唔想煩人又懶雙職低收入，唔想成日同小朋友朝朝咁辛苦搭車返學。我身邊所識嘅朋友就係咁係葵青區有唔差嘅小學唔去讀寧願轉返係東涌讀書。
接送安排到的話去荃灣、葵青讀。東涌至好的中學才2B- 保良局馬錦明夫人章馥仙中學 , 其他2c-band 3
1個讚
如果係咁我寧願爸爸辛苦啲, 搬去"入東涌最方便既市區"…
1個讚
其實住開荃灣，但樓價高，－係屯門，不過佢爸爸最愛東涌因附近返工，我當然想為仔但又又要顧及另一半
講返我自己30年前升小學，住紅磡唐樓。
阿爸在天水圍工作，每日6:00出門搭巴士返工，頭幾年一直想全家搬入天水圍近佢，但我媽話細路仔讀書緊要，拒絕咗～
就係咁佢返咗20幾年，我同阿妹都大學畢業，我哋都慶幸無搬入天水圍。
其實屯門都可以諗諗，屯門現在都有不少band 1學校？
2個讚
你會否考慮小學階段要去區外讀私立/直資先？
係，身為父母應考慮小朋友條路，另一半比較負面情緒及冇安排小朋友既野，只有我去諗，又怕佢辛苦返工但我知小朋友重要
可能到時直資
如果打算住屯門，建議揀碼頭果邊，70校網靚好多（另一個71係天地網），另外坐車去東涌方便好多，喺市中心坐巴士去東涌，會兜屯門成25分鐘先入屯赤
其實我阿爸都係，不過我媽企硬咋～
唔知海典軒嗰邊算唔算70校網？
71，屯門河以東係71，屯門河以西係70
原來71係天地網
屯門網麻麻，但肯定好過離島網。
但最麻煩係離島學校一般老師做唔長，好快換人，年年換，而且換唔到質素好嘅老師，對小朋友成長唔好。
換作係我地打工，如果身邊同事流失率高，就算唔影響自己飯碗都會影響心情，歸屬感低。
我一直都留意到您對唔同嘅校網都好有認識，想借位請教您
1.71校網以順聯小學最出名，升中成續都亮麗，但個個都話谷，其實呢3間小學最大分別係咩呢？
2.有冇啲二線小學係值得留意㗎呢？
其實我嘅小朋友就嚟讀N班，平時都中意睇書，上分離班都可以坐定定按老師指示做嘢，諗緊咩小學係適合佢，好驚入到寶校
如果屋苑嚟講
荃灣新樓，半新樓 樓價當然好高
但入少少 灣景花園，麗城花園，海濱嗰邊樓價平好多。
東涌無乜好學校，我仔女以前東涌跨區出九龍返學，大人細路都太辛苦，八點返學，五點九，最遲六點要起身，住左一年幾都係搬返出九龍。
我知其實都好多屋苑，因為我養狗同埋先生返機場嗰邊，所以好多限制
屯門、元朗、東涌我都親身去視察過，起初諗住繼續荃灣貴少少都好吖，但係真係好離譜啲價錢！
該主題在最後一個回覆創建後180天后自動關閉。不再允許新的回覆。