其實去到點先叫好多香港人呢？
即係一座樓去到一半？sutton香港人大廈咁先算
本身我覺得鄰居少於10%我覺得係尚好嘅
避唔到喎，同埋過到嚟啲香港人我見都係親切嘅，我當絕大部分係同道
我冇好close相處，但都有寒暄，完全感覺良好
2個讚
我要匿名提下Solihull一個短頭髮、個仔好曳、老公揸巴士嘅師奶：扮親切喺街同你做朋友，然後不停攞著數，叫你車佢，問你借嘢但唔還，八人搵咩工幾錢人工，人哋唔講就唱人，上人屋企未問過人開人衣櫃，唔記得帶巴士親屬證同個司機拗要唔比錢，周圍截香港人車話自己蕩失路要搭順風車
Solihull街坊一定要小心呢種香港人！
4個讚
x 2
保持住正常街坊嘅關係
點到即止
3個讚
我喺街見到香港人都會微笑點下頭，對方如果不瞅不睬係佢冇禮貌，唔係我問題，我唔會上心，可能人哋覺得我怪都未定
不過多數都有禮貌回應嘅
5個讚
咁佢英文都不錯
1個讚
都傻傻地嘅！
1個讚
我唔識真人有咁講。不過我估，佢地係咪想少啲是非？
我自己識嘅香港人都係透過圍爐識嘅，例如集會、教會、活動等等，我supposed 大家都係想圍爐同自己友做朋友嘅！
未試過周街識香港人呀，如果傾幾句發現係藍屍嘅，咁我會想嘔。
不過有例外，就係講到子女教育，身邊總有人為左仔女入左白人比例高嘅學校而沾沾自喜，或者會有意無意話自己鄰居係本地白人…表示自己鍾意同local玩呀等等…（佢地口中嘅local=白人）
我覺得好難聽，亦覺得係禁忌話題，我唔會問出口「點解你咁講？」但我會對呢啲人心裡有數。
2個讚
我諗有是非嘅邊度都有，我本身都係同返移英舊同事聯絡同見面，冇入啲地區group
我相信待人好有好報，啲人炫耀咪由鬼得佢，佢自己低能啫
2個讚
我又匿名講下, 同學仔個媽媽成日都話唔想小朋友群住香港人玩, 想佢小朋友多D同其他國籍既人玩, 咁你當我小朋友係乜? 即係想我小朋友唔同你嗰個玩? 但呢D無得迫, 佢地係啱玩就會一齊. 咁我有另一小朋友同校, 佢會同其他國藉小朋友玩, 同學仔媽媽會問點解可以同到其他國藉小朋友熟… 無得解喎! 同埋要唔想同香港人玩唯有去D少香港人既地方
經常聽到！
簡單啲講，小朋友同咩人玩，到父母控制咩？
我小朋友最好嘅朋友係中國人，我係無問題嘅，但見到有言行舉止唔好嘅時候，都會提醒。
佢都有同其他國籍嘅人玩，自己會觀察到唔同人各有不同性格同習俗。我覺得咁樣幾好。
反而係我
有時唔知佢講緊邊個同學，就會問：係咪金髮卷髮果個？係咪黑皮膚果個…等等
我應該描述其他方面多啲而唔係髮色膚色，要改下。
佢應該該區出曬名架啦，人衰又不分種族
好憎聽呢句，應該淨係得香港人呢個民族先咁自私
大家嚟都係為自由，更加應該團結同互相幫助適應新生活
點會嫌人哋嚟
3個讚
呢度最怕種族歧視嘅言論，心照架咋
令人作嘔，根本自己都嫌棄/睇唔起香港人，籍都未入已唔記得自己都係香港人。
你移民係希望係當地生活得好啲，並唔係要脫掉香港人呢層皮，不過可能佢好想啦。
真係全世界都冇一種人會係咁。
有時諗返起19年，嗰種團結真係不可思議，可能透支哂了。
7個讚
佢講到其他人又幾大愛又盛
但自己咪一樣嫌三嫌四
1個讚
但唔知乜名，咁係講外表
叫人肥仔，四眼仔，瘦仔？
唔係，係過嚟嘅香港人好多根本唔係當日嗰班抗爭嘅
8個讚
其實有去開旅行嘅都察覺到，唔少香港人，唔鍾意係外國遇都香港人。
x 5000