會考5分變碩士 歐倩怡成全職營養師 好學到連船牌都考到
2023年6月21日週三 上午10:37
歐倩怡
16歲就參加TVB新秀歌唱大賽入行嘅歐倩怡(Cindy)，2006年同郭晉安結婚後做埋媽媽，而家2個小朋友唔覺唔覺分別都11及15歲！即使要全職湊仔，但係Cindy仍然勤力進修，近年攻讀營養學科亦學有所成。Cindy前年喺港大SPACE考獲食物及營養學榮譽理學士，仲以一級榮譽畢業，而今年佢就獲得體育及運動營養學碩士學位，並且考到牌照，全職成為營養師。
歐倩怡早前畢業，仲話「終於有畢業禮了」
Cindy一出校園就踏入電視台，然後仲打理家庭，做營養師原來係佢多年來第一次返office工。返咗工2個月嘅Cindy透露搵工過程唔容易，而且收入唔及幕前演出或者登台，但勝在穩定，而且唔返工就會冇咗營養師資格，於是趁小朋友大個就去做全職營養師。歐倩怡亦表明，時間配合而且劇本啱心水的話都會出現幕前。
而家成為全職營養師
雖然歐倩怡多年前考會考只有5分，但相當好學，營養學科以外，仲完成市場及管理學同航空理論課程，就連船牌都考到，犀利！